Matiu 10:23 - Yennu Gbounpaauŋ Mɔɔr

²³ Bi-i taŋŋi mukisi digban-yenn ni, yin nyi leŋ ki lɔɔr digbanleer ni; ŋaan barmɔniie ki n beeri na, i daa kan fit ki lin ki gbenn Juu teeb digbana kuri, ki min nisaarik Bik poŋ jenna.

Yennu Gbouŋ Mɔɔr

²³ Bi-i taŋi mukisi digban-yenn ni, yin nyi leŋ ki lɔɔr digbanleer ni; ŋaan barmɔniie ki n beeri na, i kan fit lin ki gbenn Juu teeb digbana kur kaawa, ki min nisaarik Bik jenna.

Matiu 10:23 ပူးပေါင်းရင်းမြစ်များ

Matiu 16:27

Kimaan min nisaarik Bik tan sa jen nan n Baa Yennu paŋ, nan n malakanba, ki li yoo maŋ n tan sa pa sɔɔ kur kaman nan u toona nba tee biaŋinba.

Matiu 16:28

Barmɔniie ki n beeri na, siab be nna, ki daa kan kpo see ki bi tan la min nisaarik Bik naan dinu baaru.”

Matiu 2:13

Bannteeb na nba din kun na poorpoe ki ti Yomdaanɔ Yennu malaka din baar Josef boor u dammiit ni, ki betɔ a “Fiit ki jii sanpantik maŋ nan u naa kii tiin kii saa Ijipt tingbouŋ ni, ki saa kar leŋ nan yoo nba ki n tan sa tura mɔb biak, kimaan Bat Herod loon ki wun lon bik maŋ boore ki kpiu.”

Matiu 23:34

Li paak te ki n beeri na, n tan sa tun Yennu sɔkiniinba nan yandamm nan wannteeb i boor ni, ŋaan i tan sa kpi bi siabe, ki kpaa siab kuun dapunpunn paak, ki boo siab Yenjiantu diit ni, ki bia wei tɔkii bi taa ki nyi doyenu ni ki tɔɔtir doleu ni.

Matiu 23:36

Barmɔniie ki n beeri na, mɔtana nigbouŋ na tan sa la tubdatu toonbiit maŋ kur paake.

Matiu 24:27

kimaan min nisaarik Bik na baaru tan sii tee kaman nan saak nba tuu nyikint ki nyi yendo po ki saa sik yenbaa po nee.

Matiu 24:30

Li yoo maŋ ki niib tan sa la min nisaarik Bik jenu nyinn sanpaapo, ki nibooru booru nba be tingbouŋ na kur tan sii fabin, ki ji la min nisaarik Bik ki n be sanpagbana ni ki siik nan paŋ nan yentsaakar.

Matiu 24:34

Barmɔniie ki n beeri na, mɔtana nigbouŋ na kan kpo ki gbenn kaawa ki linba na kur-n tumi.

Matiu 24:48

Ŋaan li-i tee ki daabir maŋ tee daabiyoonn ki dukin u par ni a u yomdaanɔ kan kpen yiami,

Matiu 25:13

Ki Yisa bia din betib a “I mi man, kimaan i ki mi daar nba amii yoo nba ki min i Yomdaanɔ tan sa jeni.”

Matiu 26:64

Ki Yisa jiin a “Nn, fine yaa. Ŋaan n beerie, la nyii mɔtana ki jii saa, i tan sa la min nisaarik Bik ki n kar Yabint Yennu nuudiitu po, ki bia tan sa lan ki n be sanpagbana ni ki siik.”

Matiu 4:12

Yisa nba din tan gbat nan Jɔɔnn kɔɔ dansarik na, ki u saan Galilee.

Barŋanii nba ki MAK din sɔb nae na 13:26

Li yoo maŋ ki min nisaarik Bik tan sa dɔkit sanpagbana ni nan paŋ bonchiann nan yentsaakar.

Barŋanii nba ki LUK din sɔb nae na 18:8

N beerie, u sa bu bi paak yian yian. Tɔn, min nisaarik Bik-i baar yoonba, n sa la niib nba teenin yadawa-aa?”

Barŋanii nba ki LUK din sɔb nae na 21:27

Li yoo ki bi tan sa la ki min nisaarik Bik dɔkitir baat sanpagbouŋ ni nan paŋ bonchiann nan yentsaakar.

Jɔɔnn 7:1

Li poorpoe ki Yisa ji din be Galilee tiŋ ni, ŋaan lin leŋ digbana ni. U din ki loon wuu be Judea tiŋ ni, kimaan Juu teeb yudamm din loon bin kpiu.

Toona 17:10

Nyiɔk nba tan bɔnn yoonba, ki Yisaweira chab Pɔɔl nan Sailas, ki bi saan Berea, ki saa baar kɔɔ Juu teeb jiantu diiuk ni.

Toona 17:14

Li taakpaak ni ki Yisaweira na chab Pɔɔl nan binba chiantɔ na, ki bi nyii ki tɔkin sɔnu ki baar mɔkgbeŋŋir na ni, ŋaan ki Sailas nan Timoti ŋarin din biar Berea.

Toona 20:1

Fuut maŋ nba din ŋmin na poorpoe, ki Pɔɔl ji din yiin Yisaweira na, ki tan chee bi para, ŋaan ji chabib, ki yaat ki saan Masedonia tiŋ ni,

Toona 8:1

Ki Sɔɔl din sak ba din yaa bin kpiu na po. Li daar maŋe ki muksubiir din baar Yisaweira nba din be Jerusalem na paak; ki bi kura din nyii yat ki saan Judea nan Samaria yaka po, ŋaan nyik toomiinba na kuukɔɔ leŋ.