Matiu 10:22 - Yennu Gbounpaauŋ Mɔɔr

²² Ki sɔɔ kur tan sii nami kimaan ya waan na paak; ŋaan wunba tan gubin nan fara yoo na joontu tan sa la tinnuwa.

Yennu Gbouŋ Mɔɔr

²² Ki sɔɔ kur tan sii nami kimaan yaa waan na paak; ŋaan wunba tan gubin nan biak yoo na joontu tan saa la tinnuwa.

Matiu 10:22 ပူးပေါင်းရင်းမြစ်များ

Matiu 10:39

Wunba yaa ŋɔɔ dekii u manfoor tan sa kɔŋŋira, ŋaan wunba likin u saaŋmaŋ n paak, u tan sa la u manfoora.

Matiu 24:13

Ŋaan wunba tan gubin nan fara yoo na joontu tan sa la tinnuwa.

Matiu 24:9

“Li yoo maŋ ki bi tan sa soori ki dinni fara biak, ki kpi-i, ki booru kur tan sii nami kimaan ya waan na paak.

Matiu 5:11

“Niib-i sukii-i, ki mukisi, ki fa faakboorii boorii kur ki biiri, kimaan ya tee n poorpoweiteeb na paak, parpeenn tee i yare.

Barŋanii nba ki MAK din sɔb nae na 13:13

Ki sɔɔ kura tan sii nami kimaan ya waan na paak, ŋaan wunba tan gubin nan fara yoo maŋ joontu tan sa la tinnuwa.”

Barŋanii nba ki LUK din sɔb nae na 21:17

Ki sɔɔ kur tan sii nami, kimaan ya waan na paak.

Barŋanii nba ki LUK din sɔb nae na 21:19

I-i kii nyik n weiu na, i tan sa la manfoor nba kaa gbennu.

Barŋanii nba ki LUK din sɔb nae na 6:22

“Niib-i nami ki bɔkitiri ki sukii-i ki biir i sana, kimaan ya waa min nisaarik Bik na paak, parpeenn tee i yare.

Barŋanii nba ki LUK din sɔb nae na 8:15

Ki linba mun baa tinŋaŋ ni na ŋanin naan nan popeendamm nba gbat n maan maŋ, ki bi para ni be fanu, ki bi dia maan na kenken, ki bia mɔk sukuru, ki nân nan barmɔnii.

Jɔɔnn 17:14

“N pak a maan na turiba. Li paak ki tingbouŋ na ŋaateeb namm, kimaan bi ki tee tingbouŋ na ni yabi, kaman nan ma mun ki tee tingbouŋ na ni ŋaayɔɔ na.

Jɔɔnn 7:7

kimaan tingbouŋ na ŋaateeb ki namiini, ŋaan min ŋarin bi namin, kimaan ma beerib a bi sɔnii ki ŋan na paak.

Toona 9:16

ki n mɔŋ sa wannɔ muksuk nba kur ki u sa di n paak.”

Rom Teeb 2:7

Nisiab mɔk mintir ki tuun toonŋana ki loon ki Yennu-n pakib ki turib nyɔɔt nan manfoor, ki ŋamme set sa la manfoor nba ki mɔk gbennu.

2 Korint teeb 4:11

Yoo nba ki ti fo na ti be kuun nuu nie Yisa paak, a u manfoor nba be ti gbanant nba yaa lin tan kpo na-n nyi paanu ni.

Galasia teeb 6:9

Li paak, ti daa bakit nan toonŋana tumu mani, kimaan ti-i kii nyik toonŋana, yoo nba jaŋ na ki ti tan sa gaar li nyɔɔt.

Hiibru teeb 3:14

Kimaan ti-i dia ti sinsinn yada na chib ki saa baar ti manfoor joontu, timm nan Masia tee bonyenne.

Hiibru teeb 6:11

Ti loon ki i sɔɔ kur-n yabir u mɔŋ paake mɔkmɔk nan li joontu, ki ya mɔk dindann biaŋinba na, li set sa teen mɔnii ki turi.

Jeems 1:12

Binba nyann bikinu na, parpeenn tee bi yare, kimaan Yennu sa turib nyɔɔt nba tee manfoor nba ki u din senn mɔsonn a u sa tur binba loonɔ na.

1 Jɔɔnn 3:13

Tɔn, n naa waas, li-i tee ki tingbouŋ na ŋaateeb nami, i daa te ki li teei bakitnauŋu.

Fiitu 2:10

I daa tiin jaŋmaanii nan fara nba baat i paak na. Gotir man, Sintaanii sa te bin soor i siab ki kɔɔmm dansarik ki bikimm, i bia tan sa la fara ki saa dian daa piik; ŋaan yii teenin yada mɔkmɔk nan i kuun, ki n tan sa pi-i piinii nba tee manfoor.

Fiitu 2:17

“Wunba mɔk tuba, wun gbiint linba ki Yennu Seyeeŋ na yeen ki teen Masiaweira na. “Wunba nyann nyannu na, ŋɔɔe ki n sa turɔ woonin ni jeet nba ki bi yir mana na ki wun di, ki n bia sa turɔ tanpeenn nba ki sanpaann sɔb li paak ki sɔɔ ki mir na, see fin nba gaar na kuukɔɔ.’ ”

Fiitu 2:26

Wunba nyann nyannu na, ki tuun n loomm ki kan nyik, n sa turɔ paŋ nba ki n gaar n Baa boor ni na booru, ki bia turɔ tingbouŋ na nibooru kur yikoo ki u sii diab nan paŋ ki sa fit biirib kaman nan fa tuu dia kut patu ki faa boba ki yee biaŋinba na.

Fiitu 2:3

N mi nan i mɔk sukuru ki la fara n paak, ŋaan i ki nyikimi.

Fiitu 2:7

“Wunba mɔk tuba, wun gbiint linba ki Yennu Seyeeŋ na yeen ki teen Masiaweira na. “Wunba nyann nyannu maŋ, ŋɔɔe ki n sa turɔ sɔnu ki wun di manfoor tilɔɔna nba be Yennu boor, siaminba ki bi yir Paradais na.’ ”

Fiitu 3:21

Wunba nyann nyannu na, n sa turɔ yaak ki wun tan lakin kar nanin n naangbouŋ na paak, kaman nan ma nyann nyannu kur ki lakin kar nan n Baa Yennu u naangbouŋ na paak biaŋinba na.