Matiu 10:17 - Yennu Gbounpaauŋ Mɔɔr

¹⁷ I mi man niib po, kimaan bi tan sa soori saan nani barbuteeb boor ni, ki bia booi bi jiantu diit ni.

Yennu Gbouŋ Mɔɔr

¹⁷ Ii mi man niib po, kimaan bi tan saa soori ki saan nani barbuteeb boor, ki bia booi Yenjiantu diit ni.

Matiu 10:17 ပူးပေါင်းရင်းမြစ်များ

Matiu 10:18

Bi tan sa saan nani tiŋ yudamm nan kpanbara boor ni, ki bin bu i buut, kimaan ya waan na paak; ŋaan i tan sa bet ŋamm nan binba ki tee Juu teeb na n barŋanii.

Matiu 20:19

Bi tan sa jiin ki tur binba ki tee Juu teeb a bii fiakin, ki boon kpaasir, ki kpaa tabinin dapunpunn paak ki man kpo, ŋaan ki li daa ŋanntaa daar, n bia sa fiir kuun niwa.”

Matiu 23:34

Li paak te ki n beeri na, n tan sa tun Yennu sɔkiniinba nan yandamm nan wannteeb i boor ni, ŋaan i tan sa kpi bi siabe, ki kpaa siab kuun dapunpunn paak, ki boo siab Yenjiantu diit ni, ki bia wei tɔkii bi taa ki nyi doyenu ni ki tɔɔtir doleu ni.

Matiu 26:59

Ki Yennu jiantu yudamm nan saakab maŋ kur yabir bi mɔŋ paak a bin la faak siara damm mɔb ni linba ki bi sa jii Yisa biit ki kpiu.

Matiu 5:22

ŋaan min ŋanin beerie la, nan wunba dont wutoor u naa bik paak yann yann, ki li kaa paaki, u tan sii be barii ni barbudaar; ki wunba sukir u naa bik a ‘Bon-yann na,’ u tan sii be barii ni; ki wunba mun bia sukir u naa bik a ‘Bonjatir na,’ u tan sii be barii ni ki kɔɔ muu nba kan mi kpeen na ni.

Barŋanii nba ki MAK din sɔb nae na 13:12

Li yoo maŋ, nirɔ tuu tan sa fikis u mɔŋ mɔŋ ninja ki bin kpiu; ki baanba mun tan sa tun nnee ki tur bi mɔŋ mɔŋ waas; ki waas mun bia tan sa kɔn nan bi damm, ki chabib nan kuun.

Barŋanii nba ki MAK din sɔb nae na 13:9

“I chek i mɔŋ paak man. Bi tan sa soori ki saan nani buutdamm boor ni, ki booi Yenjiantu diit ni. I tan sa set tinii yudamm nan kpanbara tɔɔnn ni, n sann paak, ki yin betib n barŋanii na.

Barŋanii nba ki LUK din sɔb nae na 12:11

“Bi-i soori ki baar nani Yenjiantu diit ni amii kpanbara boor amii tiŋ yudamm boor, i daa te ki li daamiini nan ya sa pak jiin biaŋinba, amii ya sa pak linba,

Jɔɔnn 11:47

Li paak ki Farisiinba maŋ nan Yennu jiantu yudamm yiin tintaankaanu, ki bi tikir; ki bi boi bi leeb a “Ti sa teen nlee? Jɔɔ maŋ tuun toonjaana bonchiann.

Jɔɔnn 16:2

Bi tan sa yɔɔ nyinni Yenjiantu ni. Ki yoo baat ki wunba tan kpi-i, u sii dukii mi a u tuun nna ki teen Yennue.

Toona 17:14

Li taakpaak ni ki Yisaweira na chab Pɔɔl nan binba chiantɔ na, ki bi nyii ki tɔkin sɔnu ki baar mɔkgbeŋŋir na ni, ŋaan ki Sailas nan Timoti ŋarin din biar Berea.

Toona 22:19

Ki n jiin a ‘N Yomdaanɔ, bi poŋ tuu mi nan mine tuu lin kɔɔ Yenjiantu diit ni, ki so niib nba waa a sɔnu na, ki boob kɔɔntib dansarii.

Toona 26:11

“Yoo kur n din tuu yɔɔ ki mukisirib Yenjiantu diit kur ni, ki din tuu loon ki bii nɔi a bi ki waa Yisa. N din mantik donn wutoor bonchiann bi paak, ki li saa yakira. Li paak, n bia lek din tuu saa doi nba be tinganii ni, ki saa mukisirib biak.

Toona 9:2

a wun gaar kadaat, a ki saan Damaskus ki saa wann Yenjiantu diit yudamm, a wu sii la wunba waa Yisa sɔnu maŋ, jɔɔ amii poo, see wun soorib ki lorib ki jen namm Jerusalem.

Filipi teeb 3:2

I mi man biitdamm na, nisiab nba naan nan bɔi na, ki pot bi gbanant na.

2 Timoti 4:15

I mi a mɔŋ nanɔ, kimaan u kɔn nan barŋanii nba ki ti mɔɔntir na bonchiann.

Hiibru teeb 11:36

Ki niib din daan siab nyatuk, ki bia boob kpaasir; ki bi baan bi siab nan jarit, ki jiib saan kɔɔmm dansarii ni.