Barŋanii nba ki LUK din sɔb nae na 9:48 - Yennu Gbounpaauŋ Mɔɔr

⁴⁸ ŋaan betib a “Wunba gaar bik nba na n sann paak, u gaar mine; ki wunba mun sak ki gaar min, u gaar wunba tumin nee mun biak; ŋaan wunba mun tee tarik i ni, ŋɔɔe tee nijaann ki gar i kura.”

Yennu Gbouŋ Mɔɔr

⁴⁸ ŋaan betib a “Wunba gaar bik nba na n sann paak, u gaar mine; ki wunba mun sak ki gaarin, u gaar wunba tumin nae mun. Ki wunba mun tee tarik i ni, ŋɔɔe tee nijaann ki gar i kura.”

Barŋanii nba ki LUK din sɔb nae na 9:48 ပူးပေါင်းရင်းမြစ်များ

Matiu 18:10

“I mi man ki sɔɔ-n sian waas maŋ ni yenɔkɔɔ; kimaan li tee barmɔniie, bi malakanba nba be sanpaapo na be Yennu tɔɔnn yoo kur.

Matiu 18:14

Nnee mun ki i Baa Yennu wunba be sanpaapo na ki loon ki waas na ni yenɔkɔɔ-n boti.

Matiu 19:28

Ŋanne ki Yisa jiin ki betib a “Barmɔniie ki n beeri na, yoo nba ki min nisaarik Bik na tan kar n naangbant paak nan paŋ bonchiann dunia paann na ni, yimm nba tee n poorpoweiteeb na mun tan sa kar naangbant piik nan ŋannlee paake, kii bu Israel teeb booru piik nan bannlee na buut.

Matiu 25:40

Ki min Bat na mun tan sa jiin ki betib a ‘Barmɔniie ki n beeri na, ya din tun linba ki tur wunba tee tatimɔɔ n naa waas na sinsuuk ni na yenɔkɔɔ, i din tuun ki teen mine.’

Matiu 25:45

Li yoo maŋe ki n sa jiin ki betib a ‘Barmɔniie ki n beeri na, ya din yêt nan yin tun linba ki tur wunba tee tatimɔɔ n naa waas na sinsuuk ni na yenɔkɔɔ, i din yêt nan yin tun ki tur mine.’

Barŋanii nba ki MAK din sɔb nae na 9:37

“Wunba kur gaar bik na booru n sann paak, mine ki u gaarin; ki wunba gaarin, u ki gaar n kuukɔɔ kaa, ŋaan u gaar wunba tumin nee na mun biak.”

Barŋanii nba ki LUK din sɔb nae na 10:16

Li yoo na ki u din bet u poorpoweiteeb a “Wunba gbia i maan, u gbia mine; ŋaan wunba yêti, u yêt mine; ŋaan wunba yêt min, u yêt Yennu wunba tumin nee mun biak.”

Barŋanii nba ki LUK din sɔb nae na 14:11

Kimaan wunba kur dont u mɔŋ, Yennu tan sa sikinɔ; ŋaan wunba sikint u mɔŋ, Yennu tan sa donnɔ.”

Barŋanii nba ki LUK din sɔb nae na 22:26

ŋaan yimm ŋanin, li ki tee nna. Wunba tee nijaann i ni, see ki u teen kaman nan niwaarik na; ki yudaanɔ mun-n teen kaman nan daabir na.

Barŋanii nba ki LUK din sɔb nae na 22:30

ki yin di ki nyu nanin n naan ni, ki i tan sa kar naangbant paak ki bu Israel teeb booru piik nan bannlee na buut.”

Barŋanii nba ki LUK din sɔb nae na 7:28

Ki Yisa bia din yetib a “N beerie, bi daa ki mi mar sɔɔ ki u chee Jɔɔnni, ŋaan wunba joont tarik Yennu naan ni cheeu.”

Jɔɔnn 13:20

“Barmɔniie ki n beeri na, daanɔ nba gaar n toomu, u gaar mine; ki wunba gaar min na, u gaar Yennu wunba tumin na mune.”

Jɔɔnn 14:21

“Daanɔ nba bant n sennii ki bia saakir, li daanɔe loonin. N Baa Yennu sii loon ŋɔɔe, ki n mun sii loonɔ, ki sa fiit n mɔŋ ki wannɔ ma tee wunba.”

1 Tesalonika teeb 4:8

Li paak, wunba ki sak wannu nba na, li ki tee nisaarik yar kaa ki u yêeni, ŋaan u yêen Yennu nba teeni u Seyeeŋ na mɔŋ mɔŋe.

1 Piita 5:6

Li paak, yi sikin i mɔŋ ki teen Yabint Yennu nuu ni, ki u sa donni yoo nba ki u loon.

Fiitu 21:14

Doo maŋ fiakir see tana piik nan ŋannlee paake, ki Pebik na toomiinba piik nan bannlee na sana sɔb tana piik nan ŋannlee na paak.

Fiitu 3:21

Wunba nyann nyannu na, n sa turɔ yaak ki wun tan lakin kar nanin n naangbouŋ na paak, kaman nan ma nyann nyannu kur ki lakin kar nan n Baa Yennu u naangbouŋ na paak biaŋinba na.