Barŋanii nba ki LUK din sɔb nae na 9:26 - Yennu Gbounpaauŋ Mɔɔr

²⁶ Wunba tiin fei ki jîin min nan n wannu na po, min nisaarik Bik-i taŋŋi jen nan n paŋ, nan n Baa Yennu paŋ, nan u malakanba paŋ, li yoo maŋ n tan sa tin fei nan man jii li daanɔ ki pukinɔ n niib niwa.

Yennu Gbouŋ Mɔɔr

²⁶ Wunba tiin fei ki jiin min nan n wannu na po, min nisaarik Bik-i taŋi jen nan n yentsaakar, nan n Baa Yennu nan u malakanba yentsaakar, li yoo maŋ n tan saa tin fei nan man jii li daanɔ ki pukin n niib niwa.

Barŋanii nba ki LUK din sɔb nae na 9:26 ပူးပေါင်းရင်းမြစ်များ

Matiu 16:27

Kimaan min nisaarik Bik tan sa jen nan n Baa Yennu paŋ, nan n malakanba, ki li yoo maŋ n tan sa pa sɔɔ kur kaman nan u toona nba tee biaŋinba.

Matiu 25:31

“Tɔn, min nisaarik Bik-i taŋŋi jen nan n paŋ nan malakanba kura, n tan sa kar n naangbouŋ paak, ki la baakchiauŋ,

Matiu 26:64

Ki Yisa jiin a “Nn, fine yaa. Ŋaan n beerie, la nyii mɔtana ki jii saa, i tan sa la min nisaarik Bik ki n kar Yabint Yennu nuudiitu po, ki bia tan sa lan ki n be sanpagbana ni ki siik.”

Barŋanii nba ki MAK din sɔb nae na 8:38

Ki wunba-i tiin fei ki jiin min nan n wannu na po tingbouŋ na biitdamm nan tubkangbata damm paak, min nisaarik Bik-i taŋŋi jen nan n Baa Yennu paŋ nan u malakanba, n tan sa tinɔ fei nan man jiiu ki pukin n niib niwa.”

Jɔɔnn 12:43

Linba na wann nan Juu teeb yudamm maŋ din loon niib-n pakibe, ki gar Yennu-n pakib.

Jɔɔnn 5:44

I loon ki i tuun kii maŋŋit i leeb parae, ŋaan i ki fiin nan ki i tuun kii maŋŋit ŋɔɔ Yennu wunba tee Yen-yemmir na pari. Li paak mune te ki i set kan fit ki teenin yada.

Toona 10:22

Ki bi jiin a “Chanbaa Kɔneliuse tumit. U tee lanjimanba yudaanɔe, ki tee niburchimɔe biak, ki jiantir Yennu, ki Juu teeb kur teenɔ nibaakir. Tɔn, Yennu malaka won baar betɔ a wun yiina ki a baar u ŋaak ni, ki wun tan gbat linba ki a sa pak ki turɔ.”

Rom Teeb 1:16

Fei ki mɔkin nan ki n mɔɔnt barŋanii maŋ, kimaan li tee Yennu paŋ nba tint wunba kur teen Yisa yada nee; sinsinn li tee Juu teeb yare, ki mun bia tee nibooru kur yar.

2 Korint teeb 12:10

Li-i tee Masia paak ki n di butuŋ, ki laat sukit, ki di fara nan muksuk, ki laat barii, n mɔk parpeenn, kimaan mi-i taŋŋi kii mɔk n tiauŋ paŋ yoonba na, li yooe ki n laat Masia paŋ.

Galasia teeb 6:14

ŋaan min ŋanin kan mi faa japaat see ti Yomdaanɔ Yisa Masia dapunpunn na kuukɔɔ paak; kimaan u dapunpunn maŋ paake te ki n kpii tingbouŋ na niauŋ n gbanant ni, ki tingbouŋ na niauŋ mun nyii n gbanant ni.

1 Timoti 5:21

Yennu tɔɔnn nan Yisa Masia tɔɔnn nan malakagannteeb tɔɔnn po ki n teena kpaanii nba na, a fan sak wannu na ki daa mɔk ningannsai amii lukitin ki teen nisɔɔ bonsiar kur ni.

2 Timoti 1:12

Li paake te ki n di fara dansarik ni; ŋaan ki n ki tiin fei, kimaan n mi ma jii n mɔŋ ki teen wunba nuu ni, n mi ki birsuk kaa nan u sa fit dia linba ki n jii ki teen u nuu ni na fanu mɔkmɔk nan Daar maŋ daar.

2 Timoti 2:12

Ti-i ŋammit yabii, ti mun tan sa di naan nanɔe; ŋaan ti-i yaa a ti ki miu, u mun tan sii yaa a u ki miti;

Hiibru teeb 11:26

U din dukin a bi-i sukiiɔ Masia paak, li mɔk nyɔɔt bonchiann ki chee Ijipt tiŋ ni mɔkint kura, kimaan u ninbinn din kpaa nyɔɔt nba baat na paake.

Hiibru teeb 13:13

Li paak, ŋaant ki tin nyi ki saan u boor ni man, ki sak feidinu u paak.

Juud 1:14

Enok wunba paa Adam yoo paak munnlore ni na din sɔkin ki yet bi po a “Ti Yomdaanɔ nan u malakanbaŋamm tusa tusa baat

Fiitu 1:7

Gotir man, ŋɔɔe be sanpagbant ni ki baat na. Sɔɔ kur ninbina tan sa lau, nan binba din ŋmu-u na gbaa. Yoo nba ki u tan sii baat na, tingbouŋ na niib kur tan sa bui u paak. Mɔmɔmm, li sa teen nnawa.

Fiitu 20:11

Ki n bia la naan gboungbeŋŋir nba peen bonchiann, ki sɔɔ kar li paak; ki tingbouŋ nan sanpaapo mir bot u tɔɔnn, ki sɔɔ ji kan mi ki lab.

Fiitu 21:8

Ŋaan jaŋmaanii damm, nan yadakanpɔɔna damm, nan biitdamm, nan nikpiirit, nan joonbaarit, nan jabaabura, nan patjiantdamm, nan fai damm kur, bi binbeboor tee bootuk nba gbee nan muu ki sarwuutaa di nann nee; ŋanne tee kuun munnlee na.”

Fiitu 3:5

Wunba nyann nyannu maŋ na, u tan sa lia tapeenii na, ki n tan kan kpeen u sann manfopaana damm gbouŋ na ni, ki n tan sa yet n Baa nan u malakanba na paanu ni a li daanɔ tee n yɔɔe.