Barŋanii nba ki LUK din sɔb nae na 9:18 - Yennu Gbounpaauŋ Mɔɔr

¹⁸ Sianyoo ki Yisa din mei Yennu u kuukɔɔ, ki u poorpoweiteeb mun din be u boor ni li yoo na; ki u boib a “Nibur na yaa a n tee ŋmee?”

Yennu Gbouŋ Mɔɔr

¹⁸ Sianyoo Yiisa din mei Yennu u kuukɔɔ, ki u poorpoweiteeb tan baar u boor li yoo na; ki u boib a “Niib yaa n tee ŋmee?”

Barŋanii nba ki LUK din sɔb nae na 9:18 ပူးပေါင်းရင်းမြစ်များ

Matiu 14:23

Wa chab nibur na ki gbenn yoonba ki u doo jɔɔr paak a wun saa miar Yennu. Ki dajouk tan baar ki u bia daa be leŋ u kɔɔ.

Matiu 26:36

Ŋanne ki Yisa nan u poorpoweiteeb din saan siaminba ki bi yi Getsemane na; ki u saa betib a “Yii be nna man, ŋâan ki n gar i tɔɔnn po na ki saa miar Yennu.”

Barŋanii nba ki LUK din sɔb nae na 11:1

Ki Yisa din be siarpo ki mei Yennu. Wa miar gbenn yoonba, ki u poorpoweiteeb yenɔ tan betɔ a “Ti Yomdaanɔ, wantit ta sii mei Yennu biaŋinba kaman nan Jɔɔnn nba mun din wann u poorpoweiteeb biaŋinba na.”

Barŋanii nba ki LUK din sɔb nae na 3:21

Yoo nba ki Jɔɔnn din wur niib kur Yennu nyunwuru na, ki Yisa tan baar u boor ki u wur u mun Yennu nyunwuru. Leŋ maŋe ki Yisa din mei Yennu, ki sanpaapo tan loot,

Barŋanii nba ki LUK din sɔb nae na 6:12

Li daa tan gar ki Yisa doo kunkonn paak a wun saa miar Yennu, ki din saa mei Yennu nyiɔk nan la tan yent.

Barŋanii nba ki LUK din sɔb nae na 9:19

Ki bi jiin ki yetɔ a “Yemm yaa a tee Jɔɔnn wunba din wuur niib Yennu nyunwuru nae, ki leeb mun yaa a tee Elaija, ki siab mun yaa a yaayoo ni sɔkiniinba yenɔe tan fiir kuun ni.”

Barŋanii nba ki LUK din sɔb nae na 9:28

Wa din pak nna ki gbenn maŋ, li poorpoe ki li teen kaman nan daa ŋanniin na, ki u jii Piita nan Jɔɔnn nan Jems, ki doo namm kunkonn paak a wun saa miar Yennu.

Barŋanii nba ki LUK din sɔb nae na 9:29

Wa din mei Yennu na ki u numm po tan kpint, ki u tiat penn ki nyirik.