Barŋanii nba ki LUK din sɔb nae na 8:42 - Yennu Gbounpaauŋ Mɔɔr

⁴² a kimaan u bonpoyemmir wunba tee bina piik nan ŋannlee bik nee yiar, ki per kuuma. Ŋanne ki ŋɔɔ nan Yisa din saa. Yisa nba din saa na ki niburchiauŋ na mun waau ki gbin muk ki tan tutɔ.

Yennu Gbouŋ Mɔɔr

⁴² kimaan u bonpoyemmir nba tee bina piik nan ŋanlee nae yiar, ki per kuuma. Ŋɔɔ nan Yiisa nba tɔk saa na ki nibur na mun waau ki gbin muk ki tutɔ.

Barŋanii nba ki LUK din sɔb nae na 8:42 ပူးပေါင်းရင်းမြစ်များ

Barŋanii nba ki MAK din sɔb nae na 5:24

Ŋanne ki ŋɔɔ nan Yisa ji saa u ŋaak ni. Ki niburchiauŋ mun bia waa ki muk ki tut Yisa.

Barŋanii nba ki LUK din sɔb nae na 7:12

Wa din saa baar doo maŋ tammɔb ni yoonba, li maama na ki u la ki niib bonchiann nyi doo maŋ ni ki jii kuun a bin saan pii. Kpeemɔ maŋ naa din tee pakɔɔke; ki ŋɔɔe din tee u bijayemmir.

Barŋanii nba ki LUK din sɔb nae na 8:41

Jasɔɔ nna din be leŋ ki bi din yiu Jairus; ki u din tee Yenjiantu diiuk saakɔɔ; ki u tan baar ki gbaan Yisa tɔɔnn ki barimɔ a wun baar u ŋaak ni,

Barŋanii nba ki LUK din sɔb nae na 8:43

Ki poosɔɔ nna mun bia din be leŋ, ki tee wunba siik faboŋ ki tan jaŋ bina piik nan ŋannlee, ki u din tan yat u bont kur ki tur tebteeb, ŋaan bi sɔɔ din ki fit tebɔ ki u paaki;

Barŋanii nba ki LUK din sɔb nae na 8:45

Ki Yisa boi a “Ŋmee siimi?” Ki sɔɔ kur nba be leŋ na din yeen a “Min kaa, min kaa.” Ki Piita tan boiɔ a “Chanbaa, a ki la niburchiauŋ nba mukanii?”

Rom Teeb 5:12

Tɔn, niyenɔkɔɔe din te ki biit baar tingbouŋ na ni, ki u biit na paake te ki kuun be. Li paake te ki kuun kpi niib kur, kimaan nisaarik kur tun toonbiita.