Barŋanii nba ki LUK din sɔb nae na 8:25 - Yennu Gbounpaauŋ Mɔɔr

²⁵ Ki u jiant boi u poorpoweiteeb a “I ki teenin yada-aa?” Ki jaŋmaanii din soorib, ki li bia yaar litib, ki bi boi bi leeb a “Jaboor bee na? ki u tan yet mɔb ki tur wouŋ nan nyunpana ki bi sak u mɔbu.”

Yennu Gbouŋ Mɔɔr

²⁵ Ki u jiant boi u poorpoweiteeb na a, “I ki teenin yada-a?” Ki jaŋmaanii din soorib, ki li bia yaar litib, ki bi boi bi leeb a “Jaboor bee na? Ki u yeen ki wouŋ nan nyunpana saak u mɔbu.”

Barŋanii nba ki LUK din sɔb nae na 8:25 ပူးပေါင်းရင်းမြစ်များ

Matiu 14:31

Ki Yisa tant u nuu yiama ki soorɔ, ŋaan boiɔ a “Fin yadakanpɔɔn daanɔ na, bee ki a birisimi?”

Matiu 17:20

Ki u jiin betib a “I yada kaarin paak. Barmɔniie ki n beeri na, li-i tee ki i teen Yennu yada ki li yab kaman nan jinjirik binn na, i sa fit yet jɔɔr na a ‘Fiit ki saa baa nawa,’ ki li set sa fiire; i bo sa fit tun bonsiar kura.

Matiu 6:30

Mɔɔt nba be dinna, ŋaan wonn ki bi joo muuwa na, Yennu nba faŋŋitir biaŋinba na, ki u kan gbabin yimmii? Yimm yadakanpɔɔna damm na!

Matiu 8:10

Yisa nba din gbat linba na, ki li yaar ŋaan litɔ; ki u jiant got niib nba waa u poor po na ki betib a “Barmɔniie ki n beeri na, n daa ki mi la sɔɔ ki u teenin yada na booru yimm Israel teeb niwa gbaa.

Matiu 8:26

Ki Yisa yetib a “Yimm yadakanpɔɔna damm, bee ki i tiin jaŋmaanii?” ŋaan fiir ki tian wouŋ nan nyunpana na paak a bin ŋmin, ki bi set ŋmin soonna.

Barŋanii nba ki MAK din sɔb nae na 4:35

Li daar maŋ dajouk ki Yisa bet u poorpoweiteeb ki yaa a “Ŋaant man ki tin poot mɔkgbeŋŋir na pootir man.”

Barŋanii nba ki LUK din sɔb nae na 12:28

Mɔɔt nba be dinna, ŋaan wonn ki bi joo muuwa, Yennu nba faŋŋitir biaŋinba na, ki u kan gbabin yimmii? Yimm yadakanpɔɔna damm na!

Barŋanii nba ki LUK din sɔb nae na 8:24

Ki u poorpoweiteeb din baar ki fiinɔ ki yi a “Chanbaa, chanbaa, ti be kuun nie.” Ki u fiir ki tian wouŋ nan nyunpana na paak a bin ŋmin, ki li ji din fɔɔ ki ŋmin soonna.

Barŋanii nba ki LUK din sɔb nae na 8:26

Ki bi baar Gerasa tiŋ ni, ki set, ŋaan ki Galilee tiŋ biar poor po.

Jɔɔnn 11:40

Ki Yisa boiɔ, “N bo ki beta a li-i tee ki a teenin yada, a sa la Yennu nba mɔk panchiauŋ biaŋinba-aa?”