Barŋanii nba ki LUK din sɔb nae na 8:1 - Yennu Gbounpaauŋ Mɔɔr

¹ Li poorpo ki Yisa din lin digbansaakara ni nan digbanbis ni, ki mɔɔntir Yennu naan baaru barŋanii, ki u poorpoweiteeb piik nan bannlee din waau.

Yennu Gbouŋ Mɔɔr

¹ Li poorpoe ki Yiisa din lin digbansaakara ni nan digbanbis ni, ki mɔɔntir Yennu naan baaru po, ki u poorpoweiteeb piik nan banlee na waau.

Barŋanii nba ki LUK din sɔb nae na 8:1 ပူးပေါင်းရင်းမြစ်များ

Matiu 11:1

Yisa nba din wann u poorpoweiteeb piik nan bannlee na wannu maŋ ki gbenn yoonba, ki u nyii leŋ ki saan bi doi ni ki mɔɔntir Yennu maan ki want niib.

Matiu 13:19

Nirɔ-i gbat Yennu naan barŋanii, ŋaan ki bann li paaki, Sintaanii tuu baare ki tan nyinn linba bo kɔɔ li daanɔ par ni maŋ; ŋanne tee bonboorii nba baa sanjouk paak na.

Matiu 4:23

Yisa din lin Galilee tiŋ maŋ kura po, ki want niib Yennu maan, jiantu diit ni, ki mɔɔntir Yennu naan barŋanii mɔɔntii ki teemm, ki te ki binba mɔk yiarboorii boorii kur nan binba mɔk gbanantont kur paak.

Matiu 9:35

Tɔn, ki Yisa din kak lin doi kur ni nan digbanbis ni, ki kɔɔ Yenjiantu diit ni, ki mɔɔntir Yennu naan barŋanii ki want niib, ki te ki binba yiar yiarboorii boorii kur paak, nan binba yiar yiarbiit kur.

Barŋanii nba ki MAK din sɔb nae na 1:39

Ki u din gɔrin ki lin Galilee tingbouŋ ni kura, ki mɔɔntir barŋanii maŋ Yenjiantu diit ni, ki bia nyint narinbiit niib ni.

Barŋanii nba ki LUK din sɔb nae na 1:80

Li poorpoe ki bik maŋ din tan kpaatir ki pukii nan Yennu bannu, ki u din tan kɔɔ muuk ni ki saa be tatata nan yoo nba tan baar nan wun dɔkit Israel teeb paak.

Barŋanii nba ki LUK din sɔb nae na 20:1

Dasiar Yisa nba din be Yennu jiantu ŋasaakak ni ki mɔɔntir Yennu barŋanii ki want niib, ki Yennu jiantu yudamm nan sennu wannteeb nan saakab din baar u boor

Barŋanii nba ki LUK din sɔb nae na 4:18

“Ti Yomdaanɔ Yennu Seek be n ni, ki u gannin a n mɔɔnt barŋanii ki tur tatimm na. U tumin a n tan bet yommii a n sa nyinnib yann, ki bia bet jɔɔnii ki bi sa nyɔɔnt, ki bia fat binba be fara ni ki lub yann,

Barŋanii nba ki LUK din sɔb nae na 9:6

Ŋanne ki u poorpoweiteeb na din nyii ki lin digbanbis kur ki mɔɔntir Yennu barŋanii, ki bia te ki baatib paak siar kur po.

Toona 10:38

I bia poŋ mi biaŋinba ki Yennu nyinn senn Yisa maŋ, ki turɔ u Seyeeŋ nan u paŋ, ki u lin ki tuun toonŋana, ki bia te ki binba kur ki Sintaanii teemm baatib na la laafia, kimaan Yennu be nanɔ.

Toona 13:32

“Ŋanne te ki ti baar i peŋ na a tin wanni Yennu barŋanii. Tɔn, Yennu nba din senn ti yejamm mɔsonn na, u ji gbeen ki tur timm nba tee bi yaaboona nawa, nan wa din fiin Yisa u kuun ni na. Nnee ki li sɔb Yennu gbouŋ ni, yanii nba tee munnlee na yanii gbouŋ nɔɔk ni, a ŋɔɔ Yennu yetɔ a ‘Fine tee n Bija, ki dinne ki n sa wann niib nan n set tee a Baa.’

Rom Teeb 10:15

Ki Yennu-i kii tun toomiinba, nlee ki barŋanii maŋ sa mɔɔnti? Li sɔb Yennu gbouŋ ni a “Binba lin ki mɔɔntir barŋanii maŋ, bi baaru ŋan bonchiann.”