Barŋanii nba ki LUK din sɔb nae na 6:35 - Yennu Gbounpaauŋ Mɔɔr

³⁵ “Li paak, yii mɔk loomm nan i datai man, kii tuun linba ŋan kii teemm. Li-i tee ki i kpent nirɔ ki li yukir, ya daa biir i para li paaki, kimaan i nyɔɔt tan sii yab, ki i bia tan sii tee Yabint Yennu waas, kimaan ŋɔɔe tuun linba ŋan ki teen binba ki teenɔ niipoouk, nan biitdamm.

Yennu Gbouŋ Mɔɔr

³⁵ “Li paak, ii mɔk lomm nan i datai man, kii tuun linba ŋan kii teemm. Li-i tee ki i kpent nirɔ ki li yukir, yaa daa biir i para li paaki, kimaan i nyɔɔt tan sii yab, ki i bia tan sii tee Yabint Yennu waas, kimaan ŋɔɔe tuun linba ŋan ki teen binba ki teenɔ niipoouk, nan binba tee biitdamm na.

Barŋanii nba ki LUK din sɔb nae na 6:35 ပူးပေါင်းရင်းမြစ်များ

Matiu 5:9

“Binba tee sandantinna nan kunkɔnpat teeb, parpeenn tee bi yare, kimaan ŋamme ki Yennu sii yib u waas.

Barŋanii nba ki MAK din sɔb nae na 5:7

ŋaan yikin sanpaapowa ki yet a “Yisa wunba tee Yabint Yennu Bija, min nan fin nlee mantiki? Yennu paak ki n barima, a daa mukisirimi.”

Barŋanii nba ki LUK din sɔb nae na 1:32

U tan sii tee nijaanne, ki bi tan sii yiu Yabint Yennu Bija. Ti Yomdaanɔ Yennu sa te ki wun di u yeja David naan,

Barŋanii nba ki LUK din sɔb nae na 6:36

Yii mɔk ninbatinu man kaman nan i Baa Yennu nba mɔk ninbatinu biaŋinba na.

Jɔɔnn 13:35

Li-i tee ki i loon i leeb, sɔɔ kur sa bann nan i tee n poorpoweiteebe.”

Jɔɔnn 15:8

Li-i tee ki i lôon lɔɔna bonchiann, ŋanne sa wann nan i set tee n poorpoweiteeb nan barmɔnii, ki n Baa Yennu sa la dontir.

Toona 14:17

ŋaan yoo kur u tuun bonŋana, ki li set want nan u be; ki u te ki saak nyi sanpaapo ki baa ki teeni, ki bia teeni dii dijaan-yoo, ki gboonti jeet, ki i laat parpeenn.”

2 Korint teeb 8:9

I mi ti Yomdaanɔ Yisa Masia nuu nba yaa biaŋinba. U tee mɔkitɔɔe, ŋaan ki i paak ki u din kpant tarik, ki u tarik kpantu maŋ paak te ki yimm ji teen mɔkita.

2 Timoti 3:2

Niib tan sii tee jawudamme, nan likilonna, nan karinbaanii damm, nan garukdamm, nan binba sukii niib, nan binba ki saak bi damm mɔi, nan binba ki tian ŋamm po, nan binba ki tiin Yennu;