Barŋanii nba ki LUK din sɔb nae na 6:23 - Yennu Gbounpaauŋ Mɔɔr

²³ Yii mɔk parpeenn jik kii kpamm, kimaan i nyɔɔt tan sii yab Yendɔuŋ ni; bi yejamm mun din tee Yennu sɔkiniinba nnee.

Yennu Gbouŋ Mɔɔr

²³ Ii mɔk parpeenn kii kpamm, kimaan i nyɔɔt tan sii yab Yendɔuŋ ni; bi yeejamm mun din tee Yennu sɔkiniinba na nnae.

Barŋanii nba ki LUK din sɔb nae na 6:23 ပူးပေါင်းရင်းမြစ်များ

Matiu 5:12

Bi-i taŋŋi teei nna, yii mɔk parpeenn man bonchiann, kimaan i nyɔɔt tan sii yab Yendɔuŋ ni; nnee ki bi poŋ din mukis Yennu sɔkiniinba nba din be yaayoo ni na.

Barŋanii nba ki LUK din sɔb nae na 1:41

Yoo nba ki Elisabet gbat Mari foontu na, ki bik nba daa be Elisabet poor ni maŋ ji din kpir kutib. Li yoo na ki Yennu Seyeeŋ gbee nan Elisabet,

Barŋanii nba ki LUK din sɔb nae na 1:44

Ma gbat a foontii yoonba na, ki bik nba be n poor nna ji kpir kutib nan parpeenn.

Barŋanii nba ki LUK din sɔb nae na 6:35

“Li paak, yii mɔk loomm nan i datai man, kii tuun linba ŋan kii teemm. Li-i tee ki i kpent nirɔ ki li yukir, ya daa biir i para li paaki, kimaan i nyɔɔt tan sii yab, ki i bia tan sii tee Yabint Yennu waas, kimaan ŋɔɔe tuun linba ŋan ki teen binba ki teenɔ niipoouk, nan biitdamm.

Toona 14:10

Ki u yetɔ sanpaapowa a “Fiit ki set a taa paak.” Ki u tab naat ki fiir ki ji somm.

Toona 3:8

ki u tab ki fiir set, ki ji piin somm ki lin, ki tan weib ki kɔɔ Yennu jiantu ŋasaakak maŋ ni, ki yuuk ki mɔbit nan parpeenn, ki piak dont Yennu sann.

Toona 5:41

Ŋann maŋe ki toomiinba maŋ nyii tituk kaanu na ni nan parpeenn, Yennu nba la ki bi jaŋ nan feidinu, Yisa sann paak na.

Rom Teeb 5:3

Ti bia mɔk parpeenn ti fardinu ni, kimaan ti mi nan fardinu baat nan sukurue,

2 Korint teeb 12:10

Li-i tee Masia paak ki n di butuŋ, ki laat sukit, ki di fara nan muksuk, ki laat barii, n mɔk parpeenn, kimaan mi-i taŋŋi kii mɔk n tiauŋ paŋ yoonba na, li yooe ki n laat Masia paŋ.

Kolosa teeb 1:24

Ki mɔtana n mɔk parpeenn n fara dinu ni i paak, kimaan ma di fara maŋ biaŋinba na, n tontir fara dinu nba ki Masia din senn ma n di u gbanant nba tee u weira na paak na.

2 Timoti 2:12

Ti-i ŋammit yabii, ti mun tan sa di naan nanɔe; ŋaan ti-i yaa a ti ki miu, u mun tan sii yaa a u ki miti;

Hiibru teeb 11:26

U din dukin a bi-i sukiiɔ Masia paak, li mɔk nyɔɔt bonchiann ki chee Ijipt tiŋ ni mɔkint kura, kimaan u ninbinn din kpaa nyɔɔt nba baat na paake.

Hiibru teeb 11:6

Nirɔ-i kii teen Yennu yada, li yɔɔ kan fit penn ŋɔɔ Yennu par ni, kimaan wunba kur baat Yennu boor ni, li kpaa talas ki li yɔɔ-n teen yada nan Yennu set be ki teen binba loonɔ na nyɔɔt.

Jeems 1:2

N naa waas, yii mɔk man parpeenn yoo nba ki i di fara booru booru na,

1 Piita 4:13

Ya di fara Masia paak na, yii mɔk parpeenn man, ki yoo nba ki u tan sa nyi paanu nan yentsaakar ni, i sa la parpeenn bonchiann.

Fiitu 2:17

“Wunba mɔk tuba, wun gbiint linba ki Yennu Seyeeŋ na yeen ki teen Masiaweira na. “Wunba nyann nyannu na, ŋɔɔe ki n sa turɔ woonin ni jeet nba ki bi yir mana na ki wun di, ki n bia sa turɔ tanpeenn nba ki sanpaann sɔb li paak ki sɔɔ ki mir na, see fin nba gaar na kuukɔɔ.’ ”

Fiitu 2:26

Wunba nyann nyannu na, ki tuun n loomm ki kan nyik, n sa turɔ paŋ nba ki n gaar n Baa boor ni na booru, ki bia turɔ tingbouŋ na nibooru kur yikoo ki u sii diab nan paŋ ki sa fit biirib kaman nan fa tuu dia kut patu ki faa boba ki yee biaŋinba na.

Fiitu 2:7

“Wunba mɔk tuba, wun gbiint linba ki Yennu Seyeeŋ na yeen ki teen Masiaweira na. “Wunba nyann nyannu maŋ, ŋɔɔe ki n sa turɔ sɔnu ki wun di manfoor tilɔɔna nba be Yennu boor, siaminba ki bi yir Paradais na.’ ”

Fiitu 21:7

a ki wunba nyann nyannu na, u sa gaar linba na n boor, ki n sii tee u Yennu, ki u mun sii tee n bik.

Fiitu 3:12

Wunba nyann nyannu na, n sa teenɔ Yennu diiuk ni jaantarik, ki u ji kan nyi leŋi. Ki n bia sa sɔb Yennu sann u paak, ki sɔb Yennu doo sann u paak, ki bia sɔb n mɔŋ sanpaann na u paak. Yennu doo maŋe tee Jerusalem paann nba sa nyi Yendɔuŋ ni Yennu boor ni na, ki tan sik tiŋ na ni.

Fiitu 3:5

Wunba nyann nyannu maŋ na, u tan sa lia tapeenii na, ki n tan kan kpeen u sann manfopaana damm gbouŋ na ni, ki n tan sa yet n Baa nan u malakanba na paanu ni a li daanɔ tee n yɔɔe.