Barŋanii nba ki LUK din sɔb nae na 6:22 - Yennu Gbounpaauŋ Mɔɔr

²² “Niib-i nami ki bɔkitiri ki sukii-i ki biir i sana, kimaan ya waa min nisaarik Bik na paak, parpeenn tee i yare.

Yennu Gbouŋ Mɔɔr

²² “Niib-i nami ki bɔkitiri, ki sukii-i ki biir i sana, kimaan yaa waa min nisaarik Bik na paak, parpeenn tee i yare.

Barŋanii nba ki LUK din sɔb nae na 6:22 ပူးပေါင်းရင်းမြစ်များ

Matiu 10:18

Bi tan sa saan nani tiŋ yudamm nan kpanbara boor ni, ki bin bu i buut, kimaan ya waan na paak; ŋaan i tan sa bet ŋamm nan binba ki tee Juu teeb na n barŋanii.

Matiu 10:22

Ki sɔɔ kur tan sii nami kimaan ya waan na paak; ŋaan wunba tan gubin nan fara yoo na joontu tan sa la tinnuwa.

Matiu 10:39

Wunba yaa ŋɔɔ dekii u manfoor tan sa kɔŋŋira, ŋaan wunba likin u saaŋmaŋ n paak, u tan sa la u manfoora.

Barŋanii nba ki LUK din sɔb nae na 20:15

Ki bi soorɔ ki nyii nanɔ kpaab na kpiŋ po ki saa kpiiu. “Tɔn, toontunna maŋ nba teen biaŋinba na, kpadaanɔ na sa teemm nlee?

Barŋanii nba ki LUK din sɔb nae na 21:17

Ki sɔɔ kur tan sii nami, kimaan ya waan na paak.

Barŋanii nba ki LUK din sɔb nae na 6:21

Yimm nba ki kon mɔki mɔtana, parpeenn tee i yare, kimaan i tan sa gboo. Yimm nba mɔ mɔtana, parpeenn tee i yare, kimaan i tan sii laa.

Jɔɔnn 12:42

Tɔn, Juu teeb yudamm bonchiann gbaa din teen Yisa yada, ŋaan bi ki nyinn bi mɔŋ paanu ni a bi teenɔ yada, kimaan bi tiin jaŋmaanii a Farisiinba nee sa nyinnib bi Yenjiantu ni.

Jɔɔnn 16:2

Bi tan sa yɔɔ nyinni Yenjiantu ni. Ki yoo baat ki wunba tan kpi-i, u sii dukii mi a u tuun nna ki teen Yennue.

Jɔɔnn 17:14

“N pak a maan na turiba. Li paak ki tingbouŋ na ŋaateeb namm, kimaan bi ki tee tingbouŋ na ni yabi, kaman nan ma mun ki tee tingbouŋ na ni ŋaayɔɔ na.

Jɔɔnn 7:7

kimaan tingbouŋ na ŋaateeb ki namiini, ŋaan min ŋarin bi namin, kimaan ma beerib a bi sɔnii ki ŋan na paak.

Jɔɔnn 9:34

Ki bi jiin ki yetɔ a “Fin nba ki bi mara nan biit na po, a tee ŋmee ki want timmi?” Ki bi nyinnɔ bi Yenjiantu ni.

Toona 22:22

Tɔn, Pɔɔl nba piak nna maŋ, ki niib na lek maak bi mɔŋ ki gbiint wa pak linba maŋ, ŋaan wa tan pak joont ki bi ji ki saki, ki tian tintianii sanpaapowa a “Jɔɔ na ki ŋan nan wuu be tingbouŋ na ni. Yimm taan lek kpimɔ man.”

Toona 24:5

“Ti la jɔɔ na ki u tee daamii nirɔe, ki bia jenna, ki u tuk Juu teeb, tingbouŋ na kur ni. Ŋɔɔe bia tee Nasareniinba yudaanɔ gbaa.

Toona 9:16

ki n mɔŋ sa wannɔ muksuk nba kur ki u sa di n paak.”

Jeems 1:12

Binba nyann bikinu na, parpeenn tee bi yare, kimaan Yennu sa turib nyɔɔt nba tee manfoor nba ki u din senn mɔsonn a u sa tur binba loonɔ na.

1 Piita 3:14

Ŋaan li-i lekii tee ki i la tubdatu i toonŋana paak, parpeenn sii tee i yare; i daa tiin nisaarik, i bia daa te ki li daamiini.