Barŋanii nba ki LUK din sɔb nae na 5:30 - Yennu Gbounpaauŋ Mɔɔr

³⁰ Ki Farisiinba siab nan bi sennu wannteeb din baar ki tan burin nan Yisa poorpoweiteeb ki boib a “Bee ki i di ki nyu nan lampogaarteeb nan biitdammi?”

Yennu Gbouŋ Mɔɔr

³⁰ Ki Farisiinba siab nan sennu wannteeb nba tee Farisiinba na baar ki burin nan Yiisa poorpoweiteeb a, “Bee ki i di ki nyu nan lampogaarteeb nan biitdammi?”

Barŋanii nba ki LUK din sɔb nae na 5:30 ပူးပေါင်းရင်းမြစ်များ

Matiu 5:46

Kimaan li-i tee ki i loon binba looni na kuukɔɔe, nyɔlantpoe ki i sa la Yennu boor ni? Li ki tee nna kaa ki nifobiit mun tuumii?

Matiu 9:11

Farisiinba na nba din la nna maŋ, ki bi boi u poorpoweiteeb na a “Bee ki i wanntɔɔ maŋ di jeet nan lampogaarteeb nan biitdammi?”

Barŋanii nba ki MAK din sɔb nae na 2:16

Ki sennu wannteeb, binba din tee Farisiinba na, la ki Yisa di jeet nan biitdamm nan lampogaarteeb na; ki bi boi u poorpoweiteeb na a “Bee ki u lakin di nan lampogaarteeb nan biitdammi?”

Barŋanii nba ki MAK din sɔb nae na 7:3

(Kimaan Farisiinba nan Juu teeb nileeb kur din tuu ki gbia bi di jeet see ki bi nit bi nii fanu kaman nan bi yejamm kaar nba din want biaŋinba na.

Barŋanii nba ki MAK din sɔb nae na 9:16

Ŋanne ki u boi u poorpoweiteeb na a “I nɔi namm lannpo paake?”

Barŋanii nba ki LUK din sɔb nae na 18:11

Ki Farisii nirɔ na set ŋaan miar u mɔŋ dudukit ni ki yet a nna, ‘Yennu, n teena niipoouk, kimaan n ki tee biitdaanɔ kaman nan nileeb na. N ki tee ninfɔkdaanɔ, ki bia ki di fobiti, ki mun bia ki tuun bonchonchonsimi. Niipoouk nan ma ki tee kaman nan lampogaartɔɔ na na.

Barŋanii nba ki LUK din sɔb nae na 19:7

Ki niib nba din la linba na maŋ ki bi ji din burin ki yeen a “Jɔɔ na saan kɔɔ biitdaanɔ ŋaak ni.”

Barŋanii nba ki LUK din sɔb nae na 5:17

Sianyoo ki Farisiinba nan sennu wannteeb mun din nyii Galilee doo kur ni, nan Judea doo kur ni, nan Jerusalem, ki baar Yisa boor. Li daar ki Yisa din want niib Yennu maan ŋasiak nna diiuk ni, ki Farisiinba nan sennu wannteeb maŋ kar leŋ, ki ti Yomdaanɔ Yennu paŋ din be Yisa ni a wuu te ki niib-n paak.

Barŋanii nba ki LUK din sɔb nae na 5:21

Ki sennu wannteeb nan Farisiinba na ji din dukii bi para ni a “Nilanɔpoe mun piak nna ki jikit Yennu yikoo u yur paaki? Ŋmee daa sa fit nyik chab nirɔ biiti, ki li ki tee Yennu kuukɔɔ kaa?”

Barŋanii nba ki LUK din sɔb nae na 7:34

ki min nisaarik Bik mun tan baar ki di ki nyu, ŋaan ki i yaa a ‘Gotir man, a u tee podaanɔ nan danyuruko; a u bia tee lampogaarteeb nan biitdamm yɔɔke.’

Barŋanii nba ki LUK din sɔb nae na 7:39

Ki Farisiijɔɔ nba yiin Yisa na din la linba na, ki u dukin u par ni a “Jɔɔ na-i bo-i tee Yennu sɔkiniie nan barmɔnii, a u bo sa bann poo na nba tee poosɔɔ nbae ki siinɔ na. U bo sa bann nan u tee biitdaanɔwa.”

Toona 23:9

Ŋanne ki bi tintianii na ŋammit ki do ki pukii. Ki sennu wannteeb na siab, binba tee Farisiinba na, fiir pak nan nunmɔnn a “Ti ki la jɔɔ na biiti. Li pasiar Yennu set tun seek amii malakae, ki u pak turɔ a wun pak.”