Barŋanii nba ki LUK din sɔb nae na 4:23 - Yennu Gbounpaauŋ Mɔɔr

²³ Li yoo na ki u betib a “N kan biris nan i tan sa betin barjouk nee a ‘Fin tebtɔɔ, tebin a mɔŋ mɔŋ,’ ki bia tan sa betin a n tun bakitnauŋ toonjaana n mɔŋ doo ni kaman nan biaŋinba ki i gbat a n tun Kapenaum ni na.

Yennu Gbouŋ Mɔɔr

²³ Li yoo na ki u betib a, “N kan biris nan i tan saa betin barjouk nae a, ‘Fin tebtɔɔ, tebin a mɔŋ mɔŋ,’ ki bia tan saa betin a n tun bakitnauŋ toonjaana n mɔŋ doo ni, nan biaŋinba ki i gbat ki n tun Kapenaum na.

Barŋanii nba ki LUK din sɔb nae na 4:23 ပူးပေါင်းရင်းမြစ်များ

Matiu 13:54

ki kun u mɔŋ mɔŋ doo ni, ki saa want niib Yennu maan bi jiantu diiuk ni. U wannu maŋ din teen niib na bakitnauŋ bonchiann, ki bi boi bi leeb a “Lee ki jɔɔ na la yanbooru na? Lee ki u la paŋ ki tuun bakitnauŋ toonjaana na?

Matiu 4:13

Wa din baar Nasaret na u din ki yukir leŋi, ŋaan gar ki saan Kapenaum doo nba be mɔk-kpiŋ, Sebulun nan Naftali tiŋ ni na.

Matiu 4:23

Yisa din lin Galilee tiŋ maŋ kura po, ki want niib Yennu maan, jiantu diit ni, ki mɔɔntir Yennu naan barŋanii mɔɔntii ki teemm, ki te ki binba mɔk yiarboorii boorii kur nan binba mɔk gbanantont kur paak.

Barŋanii nba ki MAK din sɔb nae na 6:1

Li poorpoe ki Yisa nan u poorpoweiteeb nyii leŋ ki ŋmat kun u mɔŋ doo ni.

Barŋanii nba ki LUK din sɔb nae na 2:39

Ki Josef nan Mari nba din tun gbenn bi Yomdaanɔ Yennu sennu nba senn biaŋinba na, li yoo ki bi ŋmat kun Nasaret nba be Galilee tiŋ ni.

Barŋanii nba ki LUK din sɔb nae na 2:51

Ŋanne ki bi din ŋmat nan Yisa ki sik Nasaret, ki u din saak bi mɔb. Ki u naa din tian linba teen na kur u par ni.

Barŋanii nba ki LUK din sɔb nae na 4:16

Li poorpoe ki Yisa din saan Nasaret, siaminba ki u din tan ŋmant nirɔ na. Ki foon daar ki u din tan kɔɔ Yenjiantu diiuk ni kaman nan wa poŋ din tuu kɔɔ biaŋinba na, ki tan fiir a wun karin Yennu gbouŋ.

Barŋanii nba ki LUK din sɔb nae na 4:31

Li poorpo ki Yisa din sik Kapenaum nba be Galilee tiŋ ni. Foon daar ki u din kɔɔ Yenjiantu diiuk ni ki want niib Yennu maan;

Barŋanii nba ki LUK din sɔb nae na 4:35

Ki Yisa din kpaan narinbiiuk maŋ a “Ŋminin fuut, ŋaan nyi jɔɔ maŋ ni.” Ki narinbiiuk na lu jɔɔ na tiŋ ni bi sinsuuk ni, ŋaan nyii u ni; wa lek lu-u tiŋ ni na, ŋaan u ki paanɔ daŋi.

Barŋanii nba ki LUK din sɔb nae na 6:42

Nlee ki a sa bet a lɔɔ a ‘N yɔɔk, ŋaant ki n nyinn mɔɔnu nba be a ninbinn ni,’ ŋaan ki ki laat jaantarik nba be a mɔŋ ninbinn ni? Fin, kpinkpannii daanɔ na, nyint jaantarik nba be a ninbinn ni na sinsinn, ki ji fit la fanu ki nyinn mɔɔnu nba be a lɔɔ ninbinn ni na.

Jɔɔnn 4:28

Ŋanne ki poo na nyik u nyunsɔɔr na, ŋaan ŋmat saan doo na ni, ki saa yiin niib a

2 Korint teeb 5:16

Li paak, ti ji ki gorii nisɔɔ nanyer po kaa; ta din got Masia nanyer po biaŋinba na, ŋaan ti ji ki goriiɔ nna kaa.