Barŋanii nba ki LUK din sɔb nae na 22:53 - Yennu Gbounpaauŋ Mɔɔr

⁵³ N poŋ tuu yɔɔ be nani daar kur Yennu jiantu ŋasaakak ni, ŋaan ki i ki somi. Tɔn, ŋaan yoo na lek tee i yare, nan bunbɔnn paŋ daanɔ yar.”

Yennu Gbouŋ Mɔɔr

⁵³ N poŋ tuu yɔɔ be nani daar kur Yenjiantu ŋasaakak ni, ŋaan ki i ki somi. Tɔn, ŋaan yoo na lek tee yimm nan bunbɔnn paŋ daanɔ Sintaanii yare.”

Barŋanii nba ki LUK din sɔb nae na 22:53 ပူးပေါင်းရင်းမြစ်များ

Matiu 21:23

Yisa nba din saan ki saa kɔɔ Yennu jiantu ŋasaakak ni ki want niib Yennu maan yoonba na, ki Yennu jiantu yudamm nan tiŋ maŋ ni saakab baar u boor ni, ki tan boiɔ a “Yikoo lannpoe ki a mɔk ki tuun linba na kuri? Ki ŋmee chaba li yikoo?”

Barŋanii nba ki LUK din sɔb nae na 22:52

Ŋanne ki Yisa boi Yennu jiantu yudamm nan bi lanjimanba yudamm nan saakab binba baar a bin soorɔ na a “N tee fatitɔɔe ki i baar nan jukbanjai nan gbajara-aa?

Barŋanii nba ki LUK din sɔb nae na 22:54

Li yoo na ki bi ji din soor Yisa ki saan nanɔ Yennu jiantu yudaanɔ ŋaak ni; ki Piita ji saa waa u poorpo banfɔkira.

Jɔɔnn 12:27

Ŋanne ki Yisa yet a “N mɔk parbiir bonchiann, ki ki mi ma sa teen biaŋinba. N nɔk boi n Baa Yennu ki wun nyinnin fara nba baat n paak na nɔkaa?” ŋaan bia yaa a “Aaii, kimaan n baar tingbouŋ na ni ma n tan di fara maŋe,”

Jɔɔnn 13:30

Judas nba din gaar boroboro na yoonba, li tonton na ki u fiir nyii. Li mun din tee nyiɔko.

Jɔɔnn 14:30

N kan pak nani ki yukiri, kimaan tingbouŋ na yudaanɔ Sintaanii baat, ŋaan u ki mɔk n yaaki.

Jɔɔnn 7:30

Ŋanne ki bi din yabii a bin soorɔ, ŋaan ki sɔɔ ki soorɔ, kimaan u sooru yoo daa din ki baari.

Jɔɔnn 7:45

Li poorpoe ki lanjimanba na ji ŋmat Yennu jiantu yudamm nan Farisiinba na boor ni; ki bi boib a “Bee teen ki i ki jen nanɔ?”

Toona 26:18

Fine tee wunba sa yent bi numm po, ki bin nyi bunbɔnn ni ki kɔɔ yentu ni, ki bia nyinnib Sintaanii nuu ni ki bin kɔɔ Yennu nuu ni, a wun nyik bi biit ki chabib, ki bin la yiar, binba ki Yennu teemm u niib na sinsuuk ni, kimaan ba teenin yada paake.’

Efesus teeb 6:12

Kimaan ti ki kɔn nan wunba mɔk gbanant nan sɔn kaa, ŋaan ti kɔn nan narinbiite nan bi yikodamm, nan mɔtana dunia bunbɔnn ni yudamm, nan sanpagbann ni narinbiit.

Kolosa teeb 1:13

ki bia nyinnit Sintaanii bunbɔnn naan ni, ŋaan jiit nan laafia ki kɔɔnt u Bilonkak maŋ naan ni.