Barŋanii nba ki LUK din sɔb nae na 20:21 - Yennu Gbounpaauŋ Mɔɔr

²¹ Ki pikiiteeb maŋ tan baar bet Yisa a “Wanntɔɔ, ti mi nan fa yeen linba ki bia want na, li ŋan. A bia ki tee lukitindaanɔ, ŋaan fii bia want Yennu sɔnu nan barmɔnii.

Yennu Gbouŋ Mɔɔr

²¹ Ki pikiiteeb maŋ tan baar bet Yiisa a “Wanntɔɔ, ti mi nan faa yeen linba ki bia want na ŋan. A bia ki tee lukitindaanɔ, ŋaan fine bia want Yennu sɔnu nan barmɔnii.

Barŋanii nba ki LUK din sɔb nae na 20:21 ပူးပေါင်းရင်းမြစ်များ

Matiu 22:16

Ŋanne ki bi din tun bi poorpoweiteeb nan Bat Herod poorpojɔɔmu Yisa boor ni, ki bi din boiɔ a “Wanntɔɔ, ti mi nan a tee barmɔnpakirɔɔe, ki want niib Yennu sɔnu nan barmɔnii, ŋaan ki ki fiin niib po, kimaan a baka kaa nan nisaarik nba tee wunba po.

Barŋanii nba ki MAK din sɔb nae na 12:14

Ki bi tan baar ki yetɔ a “Wanntɔɔ, ti mi nan a piak barmɔnii, ki ki mɔk jaŋmaanii nan niib nba sa dukin li po biaŋinba. A bia want niib Yennu sɔnu nan barmɔnii, ki a baka bia kaa nan nirɔ nba tee wunba. Li paak, betirit, ti sennu chabit nan tii pa lampo kii teen Rom tiŋ kpanbar Siisa, amii ti daa pa?”

Barŋanii nba ki LUK din sɔb nae na 20:20

Li paak, ki bi ji din waa pikiiɔ, ŋaan bia tun pikiiteeb binba kpann a bi tee popeendamme, a bin la u mɔbonkpetir nba tee linba, ki fit lian soorɔ ki teenɔ tiŋ yudaanɔ nuu ni.

Barŋanii nba ki LUK din sɔb nae na 20:22

Tɔn, ti sennu chabit nan tii pa lampo kii teen Rom tiŋ kpanbar Siisa amii ti daa pa?”

Jɔɔnn 3:2

ki nyiɔsiɔk ki u tan baar Yisa boor ni, ki yetɔ a “Chanbaa, ti mi nan a tee wanntɔɔ nba nyii Yennu boor, kimaan sɔɔ kan fit tun toonjaana nba ki a tuun na booru, ki li ki tee ki Yennu be nanɔ kaa.”

2 Korint teeb 2:17

Ŋmee jaŋ nan toona maŋi? Tɔn, ti ki tee kaman nan binba dia Yennu mɔmaan maŋ ki li tee kpinkpouŋ turib na kaa, ŋaan ti mɔk barmɔnpaku, kimaan ŋɔɔ Yennu tunt; li paak ki ti be u tɔɔnn, ki mɔɔntir u mɔmaan Yisa sann ni.

Galasia teeb 1:10

N ki yiab ma n gaar nisaarik pinpakit kaa, ŋaan Yennu yare ki n loon, kimaan mi-i loon nisaarik pinpakitie, n bo kan teen Masia daabiri.

Galasia teeb 2:6

Ŋaan binba ki bi yib saakab na, bi-i tee nijaana amii bi-i kii teeie, li ki kpaa talas min yaa boor, kimaan Yennu ki bikii nan ningannii; ŋamm nba ki bi yib saakab na din ki turin kpaanpaanii.