Barŋanii nba ki LUK din sɔb nae na 20:16 - Yennu Gbounpaauŋ Mɔɔr

¹⁶ U sa baar ki kpib, ŋaan bia jii kpaab maŋ ki tur leeb.” Niib maŋ nba gbat linba na ki bi yet a “Yennu-n bɔr ŋann.”

Yennu Gbouŋ Mɔɔr

¹⁶ U saa baar ki kpibe, ŋaan bia jii kpaab maŋ ki tur siab.” Niib maŋ nba gbat linba na, ki bi yet a “Yennu n bɔr ŋann.”

Barŋanii nba ki LUK din sɔb nae na 20:16 ပူးပေါင်းရင်းမြစ်များ

Matiu 21:34

Ki tilɔɔna maŋ punpɔɔr yoo tan baar, ki ŋaadaanɔ na tun u daaba a bin saan toontunna na boor ni a ki saa gaar u tilɔɔna na.

Matiu 21:41

Ŋanne ki bi jiin ki yetɔ a “U sa kpi toontunbiit damm maŋ gbenna, ŋaan bia jii u kpaab maŋ ki tur toontunsiab nba sa sak kii yɔɔ kii teenɔ li lɔɔna li punpɔɔr yoo.”

Matiu 22:7

Ŋanne ki bat na wutoor din doo bonchiann; ki u tun u lanjimanba, ki bi saan ki saa kpii nikpiira maŋ, ŋaan joo bi doo muu.

Barŋanii nba ki MAK din sɔb nae na 12:9

Yisa nba pak nna gbenn ki u boib a “I dukin ki kpadaanɔ na sa teen nlee? U sa baar ki tan kpi toontunna maŋe, ŋaan jii kpaab na ki teen toontunsiab nii ni.

Barŋanii nba ki LUK din sɔb nae na 19:27

Tɔn, n datai na nba ki loon ki n teen bi bat na, ŋann baat namm nna na ki tan kpib n numm nna.’ ”

Barŋanii nba ki LUK din sɔb nae na 20:15

Ki bi soorɔ ki nyii nanɔ kpaab na kpiŋ po ki saa kpiiu. “Tɔn, toontunna maŋ nba teen biaŋinba na, kpadaanɔ na sa teemm nlee?

Toona 13:46

Ŋaan ki Pɔɔl nan Banabas lek bia yeen nan parcheenn a “Li kpaa talase nan ki tin sint pak Yennu maan ki tur yimm Juu teeb. Ŋaan ya yêt maan maŋ, ki bia dukin nan i ki ŋan nan i la manfoor nba kaa gbennu na, li paake te ki ti nyikiti, ŋaan saa binba ki tee Juu teeb ni na,

Rom Teeb 11:1

N loon ki n boi ki laan i dukii a Yennu nyik u mɔŋ niib Israel teeb amii? Aaii, u ki nyikibi kaa. N mɔŋ tee Israel nirɔe, ki tee Abraham yaaboonn, ki nyii Benjamin naakuuk ni.

Rom Teeb 11:11

N loon ki n boi ki laan i dukin nan Israel teeb din gbiat ki baa a bin biir amii? Aaii, li ki tee nna kaa. Ba tun toonbiit na paak, ki Yennu tinn binba ki tee Juu teeb na. Yennu tun nna a ŋamm Juu teeb na-ii mɔk funfunn binba ki tee Juu teeb na paak.

Rom Teeb 3:31

Tɔn, ta yet a nifosaarik laat tinnu u yada teenu nie na, ŋanne te ki sennu na tee yannii? Aaii, li ki tee nna kaa. Ti lek see sennu na poe.

Rom Teeb 3:4

Aaii, li ki want nna kaa. Niib kur-i bo-i tee fai damm, ŋaan Yennu ŋanin tee barmɔnpakirɔɔe. Li waa nan la sɔb Yennu gbouŋ ni biaŋinba nee a “Niib-i bu fin Yennu buut, bi sa la ki a mɔk mɔnii, ki bia di mɔniie.”

Rom Teeb 3:6

Yennu-i kii be fanu, u bo kan fit kii bu tingbouŋ na niib buuti.

Rom Teeb 6:15

Tɔn, sennu na nba ki yenti, ŋaan ki Yennu ninbatinu nee yent na, ti sa biar toonbiit tumu ni amii? Aaii, ti kan teen nna kaa.

Rom Teeb 6:2

Aaii, ŋann kaa. Li tee kaman nan ti kpo nee, ki li paak biit ki mɔk ti yaaki. Ŋannimi ti kan biar toonbiit tumu ni.

Rom Teeb 7:13

Tɔn, li want nan linba ŋane baar nan kuun n paak amii? Aaii, li ki want nna kaa. Biit nee jii linba ŋan na ki baar nan kuun turin, a lin wann biit nba tee linba. Ŋanne ki ti ji bann nan biit tee bonbilankante.

Rom Teeb 7:7

Li paak, ti sa yet a nlee? Ti sa yet a sennu na ki ŋan amii? Ti kan yet nna kaa. Sennu na-i bo-i kaa, n bo kan bann biit nba tee linba. Sennu na-i bo-i kii wann a n daa mɔk niauŋ n lɔɔ bont paaki, n bo kan bann niauŋ nba tee linba,

Rom Teeb 9:14

Ki ti ji sa yet a bee? Ti sa yet a Yennu ki tun linba ŋan amii? Aaii, ti kan yet nna kaa.

1 Korint teeb 6:15

I ki mi nan i gbanant na gaa nan Masia gbanantee? Li paak, daa jikit gbanant nba gaa nan Masia gbanant na ki gaant nan poochonchonna.

Galasia teeb 2:17

Li-i bo-i kii tee nnaie, ŋann ŋanin ti-i yabii a Yennu-n yet a ti tee niŋamm u boor Masia paak, ŋaan ti lek bia tee biitdamme kaman nan binba ki tee Juu teeb na. Linba na want nan Masia ki kɔn toonbiit paak amii? Aaii, li ki want nna kaa.

Galasia teeb 3:21

Tɔn, ŋanne want nan sennu na kɔn nan Yennu mɔsona-aa? Aaii, li ki want nna kaa; ŋaan Yennu-i bo-i senn sennu nba sa fit teen nirɔ manfoor, u bo sa yet a niib tee niŋamm u boor sennu maŋ weiu paaka.

Galasia teeb 6:14

ŋaan min ŋanin kan mi faa japaat see ti Yomdaanɔ Yisa Masia dapunpunn na kuukɔɔ paak; kimaan u dapunpunn maŋ paake te ki n kpii tingbouŋ na niauŋ n gbanant ni, ki tingbouŋ na niauŋ mun nyii n gbanant ni.