Barŋanii nba ki LUK din sɔb nae na 2:51 - Yennu Gbounpaauŋ Mɔɔr

⁵¹ Ŋanne ki bi din ŋmat nan Yisa ki sik Nasaret, ki u din saak bi mɔb. Ki u naa din tian linba teen na kur u par ni.

Yennu Gbouŋ Mɔɔr

⁵¹ Ŋanne ki bi din ŋmat nan Yiisa ki sik Nasaref, ki u saak bi mɔb. Ki u naa tian linba tun na kur u par ni.

Barŋanii nba ki LUK din sɔb nae na 2:51 ပူးပေါင်းရင်းမြစ်များ

Matiu 12:46

Yisa nba din daa piak ki teen niib na yoonba, ki u naa nan u waarii baar ki tan see nanyer po, ŋaan tun sɔɔ a wun yiinɔ ki bin pakɔ mɔbonsiar.

Matiu 3:15

Ŋaan ki Yisa yetɔ a “Ŋaant ki lin tun nna mɔtana, kimaan nnee ki li ŋan ki tin tun toonŋana kura.” Li yoo na ki Jɔɔnn sak.

Barŋanii nba ki MAK din sɔb nae na 1:9

Li yoo na ki Yisa din nyii Nasaret doo nba be Galilee tiŋ ni na, ki baar Jɔɔnn boor, ki Jɔɔnn wurɔ Yennu nyunwuru Jɔɔdann mɔkir maŋ ni.

Barŋanii nba ki MAK din sɔb nae na 6:3

Kanpinta na kaa na-aa? Mari bija na kaa-aa? Ŋɔɔ kaa tee Jems nan Josef nan Judas nan Simon yɔɔrɔ na-aa? U niipoob kaa be nna na-aa?” Ki bi yêenɔ.

Barŋanii nba ki LUK din sɔb nae na 18:37

Ki bi betɔ a “Yisa nba tee Nasaret nirɔ nee gaar.”

Barŋanii nba ki LUK din sɔb nae na 2:19

Ŋaan Mari din tiar linba teen na kur, ki din dukii li po u par ni bonchiann.

Barŋanii nba ki LUK din sɔb nae na 2:39

Ki Josef nan Mari nba din tun gbenn bi Yomdaanɔ Yennu sennu nba senn biaŋinba na, li yoo ki bi ŋmat kun Nasaret nba be Galilee tiŋ ni.

Barŋanii nba ki LUK din sɔb nae na 4:16

Li poorpoe ki Yisa din saan Nasaret, siaminba ki u din tan ŋmant nirɔ na. Ki foon daar ki u din tan kɔɔ Yenjiantu diiuk ni kaman nan wa poŋ din tuu kɔɔ biaŋinba na, ki tan fiir a wun karin Yennu gbouŋ.

Barŋanii nba ki LUK din sɔb nae na 4:23

Li yoo na ki u betib a “N kan biris nan i tan sa betin barjouk nee a ‘Fin tebtɔɔ, tebin a mɔŋ mɔŋ,’ ki bia tan sa betin a n tun bakitnauŋ toonjaana n mɔŋ doo ni kaman nan biaŋinba ki i gbat a n tun Kapenaum ni na.

Efesus teeb 5:21

Masia paak, yi sikin i mɔŋ ki tur i leeb man.

1 Piita 2:21

Ki Yennu din yiinit a tii di fara, kimaan Masia tiauŋ din di fara ti paak, a tii gotir u binbeŋ kii waa u taapauŋ.