Barŋanii nba ki LUK din sɔb nae na 2:14 - Yennu Gbounpaauŋ Mɔɔr

¹⁴ “Dont Yennu sann sanpaapo man; parmaasir-ii be u nigannkab paak, tingbouŋ ni.”

Yennu Gbouŋ Mɔɔr

¹⁴ “Dont Yennu sann sanpaapo man; parmaasir-ii be u nigannkab paak, tingbouŋ na ni.”

Barŋanii nba ki LUK din sɔb nae na 2:14 ပူးပေါင်းရင်းမြစ်များ

Matiu 21:9

Ki niburchiauŋ nba din gar u tɔɔnn po nan binba din waa u poorpo ji din yikin ki yeen a “Hosana! I piak man David yaaboonn maŋ. Yennu mɔsonŋann-ii be wunba baat nan ti Yomdaanɔ sann ni na paak. Yii woot man hosana sanpaapo.”

Barŋanii nba ki LUK din sɔb nae na 1:79

ki li tan sa yent sanpaapo ki tur binba be bunbɔnn ni nan binba per kuun; ki li bia tan sa yent ti taa ni ki tin tɔkin parmaasir sanjouk ni.”

Barŋanii nba ki LUK din sɔb nae na 19:38

“Yennu mɔsonŋann be kpanbar nba baat nan ti Yomdaanɔ Yennu sann paak. Parmaasir be Yendɔuŋ ni; dont Yennu sann sanpaapo man.”

Barŋanii nba ki LUK din sɔb nae na 2:13

Li yoo na ki Yendɔuŋ ni malakanba bonchiann dɔkit ki pukin malaka na po, ki piak Yennu ki yeen a:

Barŋanii nba ki LUK din sɔb nae na 2:15

Ki malakanba na tan nyik pekpaarii na, ŋaan ŋmat doo Yendɔuŋ ni. Ki bi yet bi leeb a “Ŋaant man ki tin saan Betlehem ki saa got laan linba teen, ki ti Yomdaanɔ Yennu betit na.”

Barŋanii nba ki LUK din sɔb nae na 3:22

ki Yennu Seyeeŋ sik u paak nan gbanant nba naan nan ŋmann na, ki kunkɔr nyii sanpaapo ki yet a “Fine tee n Bilonkak; fine ki n numm gboo.”

Jɔɔnn 14:27

“Mi-i yaa n saan, n sa pi-i piinii nba tee n parmaasir na. Li ki tee tingbouŋ na parmaasir na booru kaa. I daa mɔk parbiiri. I bia daa tiin jaŋmaanii.

Jɔɔnn 17:4

Toona nba ki a turin a n tun na, n ji tun ki gbenna, ki dont a sann tingbouŋ na ni.

Jɔɔnn 3:16

Kimaan Yennu mantik din loon timm tingbouŋ na niib bonchiann; li paak, ki u turit u Bijayemmir, ki wunba teen u Bija maŋ yada u tan kan kɔɔ muu ni, ŋaan u sii mɔk manfoor nba kaa gbennu,

Toona 10:36

I mi nan Yennu din tur Israel teeb u maan nba want barŋanii na po, a Yisa Masia nie ki timm nan Yennu maŋ nan leeb; ŋɔɔ Yisa Masiae tee ti kur Yomdaanɔ.

Rom Teeb 5:1

Tɔn, ta teen Yisa yada na paake, ki Yennu yet a ti tee niŋamm u tɔɔnn, ki parmaasir ji be timm nan Yennu sinsuuk ni ti Yomdaanɔ Yisa Masia paak.

Efesus teeb 1:6

Ŋaant ki tin pak Yennu kimaan u ninbatinu nba yab bonchiann biaŋinba na, nan wa tint ninbaauk u Bilonkak na paak.

Efesus teeb 1:9

ki fiit wannit woonin ni lora nba ki u din senn a wun tan tun Masia ni na.

Efesus teeb 2:4

Ŋaan Yennu loomm nan u ninbatinu yab bonchiann ki kaa bikinu,

Efesus teeb 2:7

U din tun linba na a wun wann sɔɔ kura u ninbatinu nba yab biaŋinbae, ki tun burchint turit Yisa Masia paak.

Filipi teeb 2:11

ki sɔɔ kura tan sa yet a ŋɔɔ Yisa Masia tee Yomdaanɔ kii dont ti Baa Yennu sann.

Filipi teeb 2:13

kimaan Yennu yɔɔ tuun nanie, a yii loon yii tuun u loomm kii biakii tuun u loomm maŋ.

Kolosa teeb 1:20

Li paak, u Bija maŋ paake ki Yennu te ki bont kur nba be sanpaapo nan tiŋ ni ŋamm teemm u yɔɔsinba nan parmaasir; ki sɔn nba nyii u Bija maŋ ni dapunpunn paak na paake ki u te ki parmaasir be timm nan ŋɔɔ Yennu sinsuuk ni.

2 Tesalonika teeb 2:16

Ti Baa Yennu nan ti Yomdaanɔ Yisa Masia binba loonit ki turit pardɔɔnn nba kaa gbennu nan dindann nba yab u ninbatinu paak na,

Fiitu 5:13

Ki linba kur ki Yennu din nan na, linba be sanpaapo, nan linba be tingbouŋ na ni, nan linba be kpeentiŋ, nan linba be mɔkgbeŋŋa ni, n gbat bi kur yeen a, “Paku nan nibaakir nan dontir nan paŋ kur-ii be wunba kar naangbouŋ na paak na nan Pebik na paak ki jii saa yoo nba kaa gbennu.”