Barŋanii nba ki LUK din sɔb nae na 19:38 - Yennu Gbounpaauŋ Mɔɔr

³⁸ “Yennu mɔsonŋann be kpanbar nba baat nan ti Yomdaanɔ Yennu sann paak. Parmaasir be Yendɔuŋ ni; dont Yennu sann sanpaapo man.”

Yennu Gbouŋ Mɔɔr

³⁸ “Piisin be kpanbar nba baat Yennu sann ni na paak. Parmaasir be Yendɔuŋ ni; ii dontir Yennu sann sanpaapo man.”

Barŋanii nba ki LUK din sɔb nae na 19:38 ပူးပေါင်းရင်းမြစ်များ

Matiu 2:2

“Israel teeb kpanbar saakɔɔ nba ki bi marɔ na, u be lee? Ti daan la u ŋmaabire yendopo ki baar na a ti tan jiantɔ.”

Matiu 21:9

Ki niburchiauŋ nba din gar u tɔɔnn po nan binba din waa u poorpo ji din yikin ki yeen a “Hosana! I piak man David yaaboonn maŋ. Yennu mɔsonŋann-ii be wunba baat nan ti Yomdaanɔ sann ni na paak. Yii woot man hosana sanpaapo.”

Matiu 25:34

Ki min, Bat na, sa yet binba see n nuudiitu po na a ‘Yimm nba ki n Baa Yennu senn mɔsonŋann i paak na, i saana man ki tan kɔɔ naan nba ki Yennu din ŋamm ki guuni dunia piinu niwa na,

Matiu 25:40

Ki min Bat na mun tan sa jiin ki betib a ‘Barmɔniie ki n beeri na, ya din tun linba ki tur wunba tee tatimɔɔ n naa waas na sinsuuk ni na yenɔkɔɔ, i din tuun ki teen mine.’

Barŋanii nba ki LUK din sɔb nae na 13:35

Gotir man, Yennu nyik i jiantu ŋaak nawa. N beerie na, la nyii dinna ki jii saa, i ji kan mi ki lan ki saa tuu daar nba ki i tan sa yet a ‘Yennu mɔsonŋann-ii be wunba baat nan ti Yomdaanɔ Yennu sann ni na paak.’ ”

Rom Teeb 5:1

Tɔn, ta teen Yisa yada na paake, ki Yennu yet a ti tee niŋamm u tɔɔnn, ki parmaasir ji be timm nan Yennu sinsuuk ni ti Yomdaanɔ Yisa Masia paak.

Efesus teeb 1:12

Timm nba dɔŋ mɔk dindann Masia ni na, tii piak Yennu kii dontir u sann man.

Efesus teeb 1:6

Ŋaant ki tin pak Yennu kimaan u ninbatinu nba yab bonchiann biaŋinba na, nan wa tint ninbaauk u Bilonkak na paak.

Efesus teeb 3:10

a Masia niib paak malakanba yent damm nan Yendɔuŋ ni yikoo damm-n tan tumii mɔtana u subinbooru booru.

Efesus teeb 3:21

ŋɔɔ Yennu tan sa la nibaakir Yisa Masia nan u weira paak, yoo kur nan yoo nba kaa gbennu. Mɔmɔmm.

Kolosa teeb 1:20

Li paak, u Bija maŋ paake ki Yennu te ki bont kur nba be sanpaapo nan tiŋ ni ŋamm teemm u yɔɔsinba nan parmaasir; ki sɔn nba nyii u Bija maŋ ni dapunpunn paak na paake ki u te ki parmaasir be timm nan ŋɔɔ Yennu sinsuuk ni.

1 Timoti 1:17

Dont Yennu ki turɔ nibaakir yoo nba kaa gbennu. Ŋɔɔe tee kpanbar nba kan mi kpo ki sii be yoo nba kaa gbennu; ki sɔɔ ki laatɔ; ki u tee Yen-yemmir na. Mɔmɔmm.

1 Piita 1:12

Ki Yennu fiit wannib a bi ki sɔkint bi mɔŋ yoo labaar kaa, ŋaan yimm poe ki bi sɔkint. Yennu Seyeeŋ nba ki u din tumɔ a wun nyi Yendɔuŋ ni nee mun te ki binba mɔɔntir barŋanii na beeri barii maŋ. Linba nee ki malakanba mun loon bin bann li paak.