Barŋanii nba ki LUK din sɔb nae na 18:7 - Yennu Gbounpaauŋ Mɔɔr

⁷ Wa yaa a u sa turɔ mɔnii na, ki Yennu nigannteeb nba meiɔ yennu nan nyiɔk na, ŋɔɔ Yennu kan bu ki turibii? U sa yukiraa?

Yennu Gbouŋ Mɔɔr

⁷ Waa yaa u saa turɔ mɔnii na, ki Yennu nigannkab nba meiɔ yonnu nan nyiɔk na, ŋɔɔ Yennu kan bu ki turibi-i? U saa taantira-a?

Barŋanii nba ki LUK din sɔb nae na 18:7 ပူးပေါင်းရင်းမြစ်များ

Matiu 24:22

Yennu-i taŋŋi kii wat daa maŋ yabinti, sɔɔ tan kan tinni; ŋaan u nigannkab paak ki u tan sa wat daa maŋ yabint.

Matiu 24:24

kimaan li yoo maŋ, faak Masianba nan faak sɔkiniinba tan sa nyi ki tuun nyina nan bakitnauŋ toonjaana a bin kpann niib; ki li-i taŋŋi fit gbaa, bi tan sa kpann Yennu nigannkab tiauŋɔ gbaa.

Matiu 7:11

Ki li-i tee ki yimm nba tee biitdamm na mi biaŋinba ki i sa tur i waas bonŋana, ki i Baa Yennu nba be sanpaapo na mantik sa tur binba meiɔ na bonŋana.

Barŋanii nba ki LUK din sɔb nae na 11:13

Ki li-i tee ki yimm nba tee biitdamm na mi biaŋinba ki i sa tur i waas bonŋana, ki i Baa Yennu nba be sanpaapo na mantik sa jii u Seyeeŋ ki tur binba meiɔ Seyeeŋ maŋ poe.”

Barŋanii nba ki LUK din sɔb nae na 2:37

ki u sɔrɔ tan kpo ŋaan nyikɔ pakɔɔk binpiinniin nan ŋanna; ŋaan u din tuu ki nak Yennu jiantu ŋasaakak yennu nan nyiɔk, ki jiantir Yennu ki lorin mɔb ki meiɔ.

Barŋanii nba ki LUK din sɔb nae na 21:28

Ki linba na nba tan sa piin teenue, yii mɔk parcheenn kimaan i tinnu yoo pera.”

Rom Teeb 8:33

Ŋmee sa fikis Yennu nigannkabi? Yennue nyinnib ki bi ki tee biitdamm u boori.

Kolosa teeb 3:12

Li paak, ya tee Yennu nigannkab ki tee popeendamm ki bia tee u walonkai na, yii mɔk ninkpabauŋ, nan burchint, nan sikininmɔŋ, nan soonna binbeŋ, nan sukuru,

1 Tesalonika teeb 3:10

Nyiɔk nan yennu kur ti meiɔ nan ti para kura a wun te ki timm nan yimm-n la leeb ki tin ŋamm i yada.

2 Tesalonika teeb 1:6

Yennue tuun linba took; u sa te ki binba dinti fara maŋ na-n mun di fara nnee,

1 Timoti 5:5

Pakɔɔk nba be u kuukɔɔ ki kaa sɔɔ, ŋaan ki u dindann be Yennu ni, ki u mei Yennu yoo kur, ŋɔɔe tee barmɔnii pakɔɔk.

2 Timoti 1:3

Yennu nba ki n jiantirɔ nan dudukŋant kaman nan n yejamm nba din tuun biaŋinba na, mi-i meiɔ, n tian a po yoo kura n Yenmiaru ni, nyiɔk nan yennu ni, ki teenɔ niipoouk a paak.

2 Timoti 2:10

Ŋaan Yennu nigannkab na paak ki n lek di sukuru fara kura ni, a bin mun la tinnu Yisa Masia paak, kii mɔk parpeenn nba kaa gbennu na.

Taitus 1:1

Min Pɔɔl, wunba tee Yennu daabir nan Yisa Masia toomii na, mine ki Yennu gannin ki tumin u nigannkab boor a n chee bi yada, ki te bin bann u barmɔnii labaar nba wantit yentinu sɔnu.

1 Piita 1:1

Min Piita nba tee Yisa Masia toomii nee sɔbin gbouŋ na ki teen Masiaweira nba yat ki be Pontus nan Galasia nan Kapadosia nan Asia nan Bitinia tinii ni ki tee saamm na.

2 Piita 3:9

Nisiab dukii a li tan sa yukir nan ti Yomdaanɔ-n tun mɔsonn nba ki u din senn na, ŋaan li ki tee nna; li tee a u mɔk sukuru nani; u ki loon ki sɔɔ-n tan mann kɔɔ muu ni, u loon ki sɔɔ kur-n nyik u biite ki la tinnu.

Fiitu 18:20

Yendɔuŋ ni teeb, nan Yennu niib, nan u sɔkiniinba, nan Yisa toomiinba, i mɔk man parpeenn, kimaan Yennu bu dogbeŋŋir maŋ buut ki biirɔ ki turi.

Fiitu 6:10

ki yikin sanpaapo ki yeen a, “Ti Yomdaanɔ Yennu, fin nba tee popeendaanɔ ki bia tee barmɔnii daanɔ, a li sa yukir nleewa ki a tan bu tingbouŋ na niib na buut ki dat bi tuba, kimaan ba kpiit na paaki?”

Fiitu 7:15

a li paake ki bi see Yennu naangbouŋ na tɔɔnn ki tuun teenɔ nyiɔk nan yennu ni u jiantu diiuk na ni, a ki ŋɔɔ Yennu nba kar naangbouŋ na paak na sii be namm, ki u maasu sii dɔɔk bi paak;