Barŋanii nba ki LUK din sɔb nae na 18:43 - Yennu Gbounpaauŋ Mɔɔr

⁴³ Li taakpaak ni ki u ninbina nyɔɔnt ki u ji laat, ki waa Yisa ki saa ki dont Yennu sann. Yoo nba ki niib na la nna maŋ, ki bi kura ji piak Yennu.

Yennu Gbouŋ Mɔɔr

⁴³ Li taakpaak ni ki u ninbina nyɔɔnt ki u ji laat, ki waa Yiisa ki saa, ki dontir Yennu sann. Niib na nba la nna maŋ, ki bi kura ji piak Yennu.

Barŋanii nba ki LUK din sɔb nae na 18:43 ပူးပေါင်းရင်းမြစ်များ

Matiu 11:5

a i la ki jɔɔnii nyɔɔntir, ki wɔbii taa naatir ki bi somm, ki gbaata ŋaat gbent, ki tukpaa ji gbia, ki kpeemm fi kuun ni, ki talasdamm gbiintir barŋanii mɔɔntii.

Matiu 21:14

Ki jɔɔnii nan wɔbii din baar u boor ni Yennu jiantu ŋasaakak ni, ki u din te ki bi kura paaka.

Matiu 9:8

Nibur na nba din la nna maŋ ki jaŋmaanii soorib; ki bi piak dont Yennu nba tur nisaarik yikoo na booru.

Barŋanii nba ki LUK din sɔb nae na 13:17

Yisa nba din pak linba maŋ, ki mɔnɔnɔira na kura ji din dii fei; ki nibur na kur ji din mɔk parpeenn nan wa tuun bakitnauŋ toona kur maŋ.

Barŋanii nba ki LUK din sɔb nae na 19:37

Wa tan per Jerusalem ki u baar sɔnsinsikir nba nyi Olif Tiinii kunkonn paak na. Leŋe ki u poorpojɔɔmu bonchiann piin piak Yennu nan kpianpaarii nan parpeenn, kimaan ba din la bakitnauŋ toonjaana nba kur ki Yisa tun na; ki bi yeen a

Barŋanii nba ki LUK din sɔb nae na 4:39

Ki Yisa baar ki set wa dɔɔ siaminba po na, ŋaan tur yiaru na mɔb, ki li gbenn; ki poo na fiir yiama ki teemm saauŋ.

Barŋanii nba ki LUK din sɔb nae na 5:26

Ki li bakit bi kura, ki jaŋmaanii bia soorib; ki bi piak dont Yennu ki yeen a “Dinna ti jia la duniaa.”

Barŋanii nba ki LUK din sɔb nae na 9:43

Ŋanne ki li yaar lit niib na kur nan Yennu nba mɔk paŋ biaŋinba na. Li daa din bakit nibur na nan wa tuun biaŋinba kur na paak, ki Yisa ŋmat bet u poorpoweiteeb na a

Toona 11:18

Ba din gbat nna maŋ yoonba, ki bi ji nyik bi kpayakit na, ŋaan donn Yennu sann, ki yeen a “Yennu chab binba ki tee Juu teeb mun a bin nyik bi biit ki teen Yisaweira ki la manfoor nba kaa gbennu.”

Toona 26:18

Fine tee wunba sa yent bi numm po, ki bin nyi bunbɔnn ni ki kɔɔ yentu ni, ki bia nyinnib Sintaanii nuu ni ki bin kɔɔ Yennu nuu ni, a wun nyik bi biit ki chabib, ki bin la yiar, binba ki Yennu teemm u niib na sinsuuk ni, kimaan ba teenin yada paake.’

Toona 4:21

Ki tituk teeb maŋ lek kpaamm kpaanii nan nunmɔnjar, ŋaan ŋaab yann a bii saa, kimaan bi ki la sɔnsau nba ki bi sa dat bi tuba, kimaan niib na din piak ki dont Yennu sann nan ba din fiin wɔbik na paak.

Galasia teeb 1:24

Ki bi din piak Yennu n paak linba na po.

1 Piita 2:9

Ŋaan yimm ŋanin tee Yennu nigannkabe, ki bia tee u naan ni niib binba jiantirɔ, ki bia tee nibooru nba tee popeendamm, ki bia tee u tiauŋ niib, ki yii mɔɔntir u burchintuk po, ŋɔɔ nba nyinni bunbɔnn ni, ki baar nani u bakitnauŋ yentu ni.