Barŋanii nba ki LUK din sɔb nae na 16:24 - Yennu Gbounpaauŋ Mɔɔr

²⁴ Ŋanne ki mɔkitɔɔ na yikin yet a ‘Chanbaa Abraham, tinimin ninbaauk, ki tun Lasarus ki wun pak u niibir nyun ni, ki tan teen n jerinn paak ki lin maak, kimaan n di farchiauŋo muu ni nna.’

Yennu Gbouŋ Mɔɔr

²⁴ Ŋanne ki mɔkitɔɔ na yiin sanpaapo a, ‘Chanbaa Abraham, tinimin ninbaauk, ki tun Lasarus ki wun pak u niibir nyun, ki tan teen n jerinn paak ki lin maak, kimaan n di biake muu ni na.’

Barŋanii nba ki LUK din sɔb nae na 16:24 ပူးပေါင်းရင်းမြစ်များ

Matiu 25:41

“Li poorpo, n tan sa jiant ki bet binba see n nuugaŋ po na a ‘Yimm nibiit nba ŋan nan tubdatu na, seetir nna man. I saa man ki saa kɔɔ muu nba di ki kaa kpeenu nba ki Yennu din ŋamm ki guun Sintaanii nan u niib na ni,

Matiu 3:9

I daa mɔk parbifaant nan Abraham tee i yeja; n beerie, Yennu sa fit ki fiin tana nba na ki lin kpant Abraham yaaboona.

Matiu 5:22

ŋaan min ŋanin beerie la, nan wunba dont wutoor u naa bik paak yann yann, ki li kaa paaki, u tan sii be barii ni barbudaar; ki wunba sukir u naa bik a ‘Bon-yann na,’ u tan sii be barii ni; ki wunba mun bia sukir u naa bik a ‘Bonjatir na,’ u tan sii be barii ni ki kɔɔ muu nba kan mi kpeen na ni.

Barŋanii nba ki LUK din sɔb nae na 16:30

Ki mɔkitɔɔ na yetɔ a ‘Chanbaa Abraham, aaii, nna kan saki; sɔɔ-i sa fiir kuun ni ki saan bi boor ni, ŋann bi sa nyik bi biita.’

Barŋanii nba ki LUK din sɔb nae na 19:9

Ki Yisa yetɔ a “Tinnu baar ŋaak na niib paak dinna, kimaan jɔɔ maŋ mun tee Abraham yaaboonne.

Barŋanii nba ki LUK din sɔb nae na 3:8

Yii tuun man linba sa wann nan i set nyik i biit. I daa daan i para ni nan Abraham tee i yeja. N beerie, Yennu sa fit ki fiin tana nba na ki lin kpant Abraham yaaboona.

Jɔɔnn 4:10

Ki Yisa din jiinɔ, “Li-i tee ki a bo mi bakitnauŋ piinii nba ki Yennu loon wun pia na, ki bia mi ma tee wunba ki meia nyun na, a bo sa boin ki n tura manfoor nyun, ki n set bo sa turawa.”

Jɔɔnn 4:14

ŋaan mi-i tur wunba n nyun na ki u nyuu, nyunyukiru kan mi ki soorɔ jiki, kimaan mi-i tur sɔɔ n nyun na, li sii bunii manfoor nyume u ni, ki bia sa turɔ manfoor nba kaa gbennu.”

Jɔɔnn 7:37

Tɔn, ki jaamm maŋ gbennu daar din tee dajaanne. Li daar maŋe ki Yisa fiir set ki pak sanpaapowa a “Wunba ki nyunyukiru gbatɔ, wun baar n boor ni ki tan nyu,

Rom Teeb 4:12

Abraham tee binba pot na mun yaa baae, li ki tee a ba pot na paak kaa, ŋaan ba bia waa biaŋinba ki ti baa Abraham din teen Yennu yada na, li poorpoewa ki u din tan pot; bi yada paake ki Abraham tee bi baa.

2 Tesalonika teeb 1:8

ki tan dat binba ki sak u barŋanii ki bia ki mi Yennu na tuba;

Jeems 2:13

Binba ki tin bi leeb ninbaauk, Yennu sa bu bi buut ki kan tinib ninbaauku; ŋaan ki ninbatinue nyant tubdatu.

Jeems 3:6

Jerinn tee kaman nan muu nee; li be ti gbanant ni ki mɔk biitbooru booru kura, ki sa fit biir ti gbanant kur ki bia di nifosaarik binbeŋ kaman nan muu na; ki li muu nyii Sintaanii boore.

Fiitu 19:20

Ki bi soor muuk ni bonkobuk na, nan u faak sɔkinii nba daan tuu tee bakitnauŋ nyina u tɔɔnn po ki kpann binba mɔk muuk ni bonkobuk maŋ dɔk na, nan binba daan jiantir u naauŋ na; bi soor muuk ni bonkobuk maŋ nan u faak sɔkinii maŋ na ki bi fo, ki lub bootuk nba gbee nan muu ki sarwuutaa di nann na ni.

Fiitu 20:15

Ki wunba sann din ki sɔb manfopaann damm gbouŋ na ni, bi sa lu-u bootuk maŋ nba ki muu gbee leŋ nie.

Fiitu 22:1

Li yoo ki malaka na wannin manfoor nyun mɔkir na, ki li puuk nyi Yennu nan Pebik na naangbouŋ na ni, ki nyirii kaman nan mianu na,