Barŋanii nba ki LUK din sɔb nae na 14:23 - Yennu Gbounpaauŋ Mɔɔr

²³ Ŋanne biak ki u yomdaanɔ na yet u daabir na a ‘Nyimin biak ki saan digbankpinii ki saa got pana paak nan sanjobis ni, ki te ki niib-n baar, ki n ŋaak-n gbee.

Yennu Gbouŋ Mɔɔr

²³ Ŋanne ki u chanbaa na yetɔ a, ‘Nyimin biak ki saan digbankpinii ki saa got pana paak nan sɔnjobis ni, ki te niib n baar, ki n ŋaak na n gbee.

Barŋanii nba ki LUK din sɔb nae na 14:23 ပူးပေါင်းရင်းမြစ်များ

Matiu 21:43

Ki Yisa ji betib a “Barmɔniie ki n beeri na, Yennu tan sa gaar u naan i boor ni ki tur nibooru nba sa te ki wun di u naan nyɔɔt.

Matiu 5:41

sɔɔ-i mia-a a jii u jikpiatir ki saan nann mar yennkɔɔ, fan jii ki saan nanɔ mar ŋannlee.

Barŋanii nba ki LUK din sɔb nae na 14:22

Li poorpoe ki u daabir na saan ki jen yet a ‘Chanbaa, n teen fa yet linba nawa, ŋaan ki yiar daa be.’

Barŋanii nba ki LUK din sɔb nae na 14:24

Ŋaan binba ki n daan yiimm ki bi yêt baaru na, bi sɔɔ poŋ taan kan lemm n jaamm dinu na kaawa.’ ”

Barŋanii nba ki LUK din sɔb nae na 24:29

Ki bi gɔɔrɔ ki yeen a “Biat nant nna, a kimaan yennu baawa ki li ji bɔnte.” Li paak ki u ji kɔɔ ki biar bi boor ni.

Toona 16:15

Ki ti din wur ŋɔɔ nan u ŋaateeb Yennu nyunwuru. Ki u din gɔɔrit, ki yet a “Li-i tee ki i mi a n set tee ti Yomdaanɔ yada nan barmɔniie, yin baar kii be n ŋaak ni.” Ŋanne ki ti baar ki kɔɔ be.

Toona 18:6

Ŋaan ki bi lek din ki sak maan maŋ, ki sukiiɔ. Ki u din pit pit u nii nan u taa, ŋaan betib a “Li-i tee ki i tan kɔŋ i manfoorie, li jii i mɔŋ mɔŋ yura paake. N nuu kaa jikii. La jii dinna ki saa, see ki n nyiki, ŋaan wann boorganu Yisa maan maŋ.”

Toona 28:28

Ki Pɔɔl bia ŋamm yet a “Ki bia jenna, li paak, li ŋan ki yin bann nan Yennu tinnu maan baar niib nba ki tee Juu teeb paake, ki bi sa gbat.”

Toona 9:15

Ki ti Yomdaanɔ betɔ a “Fini saawa! a ŋɔɔe tee wunba ki n gannɔ a wuu tuun n toonn, ki te ki boorganu nan bi kpanbara nan Israel teeb-n bann n sann,

Rom Teeb 10:18

N loon ki n boi ki laan niib ki gbat barŋanii maŋ amii? Mɔmɔmm, bi gbata. Li sɔb Yennu gbouŋ ni a “Niib gbat bi kunkɔra nan bi mɔmaan tingbouŋ lokir kur po.”

2 Korint teeb 5:11

Ta tiin ti Yomdaanɔ biaŋinba na, li paak ki ti daak niib. Yennu mi ti binbeŋ nba be biaŋinba; ki n mɔk dindann nan i mun bia mi i para ni nan n binbeŋ nba be biaŋinba.

2 Korint teeb 5:20

Li paak ki ti ji tee Masia taatara ki Yennu te ki ti yi niib. Masia paak ki ti barimi a yin tunn ki teen Yennu yɔɔsinba.

2 Korint teeb 6:1

Li paak, timm nba tuun Yennu toona u sommir paak na, ti barimiie, i daa te ki u ninbatinu na tee yanni.

Kolosa teeb 1:23

li paak, yii yabii man setik nan mɔnii, ki teen Yisa yada kii see chimm, ki daa fɔrii nyi dindann nba ki i la yoo nba ki i din gbat u barŋanii; ki bi din mɔɔntir barŋanii maŋ ki teen niib kur nba be tingbouŋ na ni; ki min Pɔɔl teen li toontunnɔ na.

Kolosa teeb 1:28

Li paak, Masia maŋ poe ki ti mɔɔntir, ki kpaan sɔɔ kura, ki want sɔɔ kur nan yan booru kur, a tin te sɔɔ kur-n chee nan Masia weiu, ki jiib wann Yennu.

2 Timoti 4:2

a fii mɔɔntir u barii; ki yoo-i lekii jaŋ amii li-i kii jaŋi, fii mɔɔntir, kii piak niib bi toonbiit po, kii kpaanib, kii kɔɔntib para, kii wantib barii maŋ nan sukuru yoo kura,