Barŋanii nba ki LUK din sɔb nae na 13:34 - Yennu Gbounpaauŋ Mɔɔr

³⁴ “Jerusalem teeb, nbaayoo, yimm nba kpi Yennu sɔkiniinba, ki bia jaat u toomiinba nba ki u tumm i boor ni na tana, bikinu bikinu taar muŋŋae ki n gbaa ma n lakini yomm kaman nan korik nba tuu lakin u kobis u kpinkpant ni na, ki i ki saki.

Yennu Gbouŋ Mɔɔr

³⁴ “Jerusalem teeb, nbaayoo-o, yimm nba kpi Yennu sɔkiniinba, ki bia jaat u toomiinba nba ki u tumm i boor ni na tana, bikinu taar munŋaae ki n gbaa maa n lakini yomm, nan korik nba tuu lakin u kobis u kpinkpant ni na, ki i ki saki.

Barŋanii nba ki LUK din sɔb nae na 13:34 ပူးပေါင်းရင်းမြစ်များ

Matiu 22:3

Ki u din tan tun u daaba a bin saan ki yiin niib nba ki u daan poib na a bin baar na; ŋaan ki bi ki loon bin baari.

Matiu 22:6

Ŋaan ki siab mun soor u daaba na ki boob ki saa kpiib.

Barŋanii nba ki LUK din sɔb nae na 15:28

Ŋanne ki u yɔɔrɔ maŋ wutoor ji doo hei, ki u yêt ŋaak ni kɔɔnu. Ki u chanbaa nyii ki barimɔ a wun baar kɔɔ.

Barŋanii nba ki LUK din sɔb nae na 19:44

ŋaan tan libit i kura nan tiŋ ki kpi-i perrr. Bi tan sa gbenn i ŋei maŋ chain, ki tangbiinn gbaa tan kan tenni. Muksuk na tan sa teen nneewa, kimaan ya ki bann Yennu tinnu yoo na paak.”

Barŋanii nba ki LUK din sɔb nae na 23:28

Ki Yisa din tan jiant bi paak ki yetib a “Jerusalem poob, i daa bui n paaki, ŋaan kii bui man i mɔŋ paak nan i waas paak.

Toona 7:52

Yennu sɔkinii sɔɔ din kaa ki i yejamm din ki mukisɔ. Bi bia din kpii binba din poŋ sɔkint a Yennu Popeendaanɔ Masia tan sa baar nawa. Tɔn, ki mɔtana yimme tee damm nba nyii u poor ki bia tee u kpiira.

Toona 7:59

Bi din jaatɔe dik dik dik; ki u din tan yiin ti Yomdaanɔ a “N Yomdaanɔ Yisa, gaat n seek na;”

Toona 8:1

Ki Sɔɔl din sak ba din yaa bin kpiu na po. Li daar maŋe ki muksubiir din baar Yisaweira nba din be Jerusalem na paak; ki bi kura din nyii yat ki saan Judea nan Samaria yaka po, ŋaan nyik toomiinba na kuukɔɔ leŋ.

Fiitu 11:8

Ki bi gbanant tan sii dɔɔ dogbeŋŋir sɔnjouk ni, siaminba ki bi din kpaa ti Yomdaanɔ dapunpunn paak na. Yennu pur doo maŋ Sodom amii Ijipt.