Barŋanii nba ki LUK din sɔb nae na 13:21 - Yennu Gbounpaauŋ Mɔɔr

²¹ Yennu naan tee kaman nan datiŋ nba ki poo jii ki ŋmat nan boroboro yon nba yab, ki lin tan miik mɔkmɔk nan la tuu tan pukir nee.”

Yennu Gbouŋ Mɔɔr

²¹ Yennu naan tee nan datiŋ nba ki poo tuu jii ki ŋmat nan boroboro yon nba yab, ki lin tan miik ki ji fuut do nae.”

Barŋanii nba ki LUK din sɔb nae na 13:21 ပူးပေါင်းရင်းမြစ်များ

Matiu 13:33

Ki Yisa bia din yimm barjouk na ki pukin a “Yennu naan tee kaman nan datiŋ nba ki poo jii ki ŋmat nan boroboro yon nba yab, ki lin tan miik nan la tuu tan pukir nee.”

Barŋanii nba ki LUK din sɔb nae na 13:20

Ki Yisa bia ŋamm boib a “N sa bikin Yennu naan nan lannpoe?

Jɔɔnn 15:2

ki u tuu chɔɔ yiinu kur nba gaa n paak ŋaan ki lôon lɔɔna na. Ŋaan yiinii kur nba ŋarin lôon lɔɔna na, u tuu gbat gbat ŋanne, ki lin ŋamm ki lôn lɔɔna bonchiann.

Jɔɔnn 4:14

ŋaan mi-i tur wunba n nyun na ki u nyuu, nyunyukiru kan mi ki soorɔ jiki, kimaan mi-i tur sɔɔ n nyun na, li sii bunii manfoor nyume u ni, ki bia sa turɔ manfoor nba kaa gbennu.”

1 Korint teeb 5:6

I dontinmɔŋ maŋ ki ŋani. I ki mi a datiŋ waaminnae te ki boroboro yon kur fuutir piirii?

Filipi teeb 1:6

Li paak, n ki mɔk birsuk nan Yennu nba din piin toonŋann i ni na, u sii diar nna mɔkmɔk nan yoo nba ki u tan sa gbenn toonŋann maŋ Yisa Masia daar maŋ.

Jeems 1:21

Li paak, n naa waas, yi nyik i yanbɔmm nan biit kur nba be i para ni na, ŋaan sikin i mɔŋ Yennu tɔɔnn, ki gaar u maan nba ki u kɔɔnt i para ni na, kimaan maan maŋe mɔk paŋ nba sa nyinni kuun ni.