Barŋanii nba ki LUK din sɔb nae na 11:13 - Yennu Gbounpaauŋ Mɔɔr

¹³ Ki li-i tee ki yimm nba tee biitdamm na mi biaŋinba ki i sa tur i waas bonŋana, ki i Baa Yennu nba be sanpaapo na mantik sa jii u Seyeeŋ ki tur binba meiɔ Seyeeŋ maŋ poe.”

Yennu Gbouŋ Mɔɔr

¹³ Ki li-i tee yimm nba tee biitdamm na mi biaŋinba ki i saa tur i waas bonŋana, i Baa Yennu nba be sanpaapo na mantik kan jii u Seyeeŋ maŋ ki tur binba meiɔ li po na-a?”

Barŋanii nba ki LUK din sɔb nae na 11:13 ပူးပေါင်းရင်းမြစ်များ

Matiu 5:16

Yimm mun-ii be nna; ŋaant ki i yentu-n yent tur nifosaarii, a bii laat i toonŋana kii dont i Baa Yennu nba be Yendɔuŋ ni na.

Matiu 5:45

Ŋanne sa te ki i set kii tee ti Baa Yennu nba be sanpaapo na waas, kimaan ŋɔɔe te ki yennu do nifobiit nan nifoŋamm paak, ki bia te ki saak baa nifobiit nan nifoŋamm doi ni.

Matiu 6:14

“Li-i tee ki i nyikit i leeb biit ki chabitibi, i Baa Yennu nba be sanpaapo na mun sa nyik ki chabiiwa;

Matiu 6:30

Mɔɔt nba be dinna, ŋaan wonn ki bi joo muuwa na, Yennu nba faŋŋitir biaŋinba na, ki u kan gbabin yimmii? Yimm yadakanpɔɔna damm na!

Matiu 6:32

Binba ki mi Yennu na tuu mukis bi dudukit linba na kur paake; ŋaan i Baa Yennu nba be sanpaapo na set mi nan i loon linba na kura.

Matiu 7:11

Ki li-i tee ki yimm nba tee biitdamm na mi biaŋinba ki i sa tur i waas bonŋana, ki i Baa Yennu nba be sanpaapo na mantik sa tur binba meiɔ na bonŋana.

Barŋanii nba ki LUK din sɔb nae na 11:12

amii ŋmee ki u sa miarɔ jenn ki wun ji naŋ ki turɔ?

Barŋanii nba ki LUK din sɔb nae na 11:2

Ki Yisa betib a “Ya tuu sii mei Yennu biaŋinbae na: Ti Baa, ŋaant ki bii baakit a sann. Ŋaant ki a naan-n baar.

Barŋanii nba ki LUK din sɔb nae na 18:7

Wa yaa a u sa turɔ mɔnii na, ki Yennu nigannteeb nba meiɔ yennu nan nyiɔk na, ŋɔɔ Yennu kan bu ki turibii? U sa yukiraa?

Jɔɔnn 4:10

Ki Yisa din jiinɔ, “Li-i tee ki a bo mi bakitnauŋ piinii nba ki Yennu loon wun pia na, ki bia mi ma tee wunba ki meia nyun na, a bo sa boin ki n tura manfoor nyun, ki n set bo sa turawa.”

Toona 2:38

Ki Piita betib a “See ki i kura-n nyik i biit, ki tin wuri Yennu nyunwuru nan Yisa Masia sann ni, ki Yennu-n nyik i biit ki chabi, ki sa turi u piinii nba tee u Seyeeŋ na;

Rom Teeb 5:17

Niyenɔkɔɔ maŋ toonbiiuk paake ki kuun kpi sɔɔ kur, ki li nyii niyenɔ maŋ boore; ŋaan linba wei niyenɔkɔɔ Yisa Masia toonn na gar nnawa; niib kur nba la Yennu ninbatinu nba yab, nan u piinii nba tee nyikinchab piinii na, bi sa di naan kii mɔk manfoa Yisa Masia paak.

Rom Teeb 7:18

N mi nan bonŋansiar kaa n par ni; n loon ki n tun linba ŋan, ŋaan n kan fit ki tuumiri;

Rom Teeb 8:32

Yennu ki minnit u mɔŋ Bija na, ŋaan jiiu ki turit; ŋɔɔ Yennu turit u Bija maŋ, ki nlee ki u ji kan turit linba kur biari?

Taitus 3:3

kimaan sianyoo ti mɔŋ din ki mɔk yami, ti din tee mɔyêtdamme, ki waa sɔnu nba ki tooki, ki waa nianbiit sɔnbooru booru. Ti din tuu ki mi dudukit nba ŋan; ti din tee funfunn damme, ki din nan ti leebe ki bi mun namit.