Barŋanii nba ki LUK din sɔb nae na 10:40 - Yennu Gbounpaauŋ Mɔɔr

⁴⁰ Ŋaan ki Maata mun din gbaa nan saauŋ chantuk kur kur, ki tan baar bet Yisa a “N Yomdaanɔ, ma gbaa nan saauŋ chantuk n kuukɔɔ, ŋaan ki n niipoo na ki sommitin, a baka kaa li po-oo? Betirɔ ki wun baar ki tan sommin.”

Yennu Gbouŋ Mɔɔr

⁴⁰ Ŋaan ki Maata mun gbaa nan saauŋ kur kur, ki tan baar bet Yiisa a “N Yomdaanɔ, maa gbaa nan saauŋ, n kuukɔɔ, ŋaan ki n naa bik na ki sommitin na, a baka kaa li po-o? Betirɔ ki wun baar ki tan sommin.”

Barŋanii nba ki LUK din sɔb nae na 10:40 ပူးပေါင်းရင်းမြစ်များ

Matiu 14:15

Yennu nba tan maakit yoonba, ki u poorpoweiteeb baar u boor ni, ki tan yetɔ a “Nna na tee muuk nie, ki yennu mun yaa wun baae; li paak, ŋaant ki niib na-n saan digbanbis nba kpia na ki saa la jeet ki daa.”

Matiu 16:22

Ki Piita yiinɔ kpiŋ po ki tan kpaanɔ a “N Yomdaanɔ, Yennu-n bɔr bonbiir na ki li daa baat a paaki.”

Barŋanii nba ki MAK din sɔb nae na 3:21

U ŋaateeb nba din gbat nna, ki bi baar a bin soorɔ, kimaan niib din yeen a u waate.

Barŋanii nba ki LUK din sɔb nae na 10:38

Li poorpoe ki Yisa nan u poorpoweiteeb din saa bi sɔnu, ki bi saa baar digbanbisiak nna ni; ki poosɔɔ din be leŋ ki bi yiu Maata, ki u din gaar Yisa nan parpeenn u ŋaak ni.

Barŋanii nba ki LUK din sɔb nae na 10:41

Ki ti Yomdaanɔ Yisa jiin ki yetɔ a “Maata, n mi nan a gbaa nan bona bonchiann, ki li mukisa ki biir a par,

Barŋanii nba ki LUK din sɔb nae na 12:29

“I bia daa gbaa nan ya sa di linba amii ya sa nyu linba, ki bia daa mukis i dudukit,

Barŋanii nba ki LUK din sɔb nae na 9:55

Ki Yisa jiant gaar jat bi paak a bin nyika.

Jɔɔnn 11:1

Tɔn, jasɔɔ nna din be Betani, ki u sann yi Lasarus, ki u din tan yiar. Betani din tee Mari nan u yɔɔrɔ Maata dooe.

Jɔɔnn 11:5

Tɔn, Yisa din loon Maata nan Mari nan Lasarus.

Jɔɔnn 12:2

Leŋe ki bi din teen jeet, ki Maata jii ki baar nann ki tan turib; ki Lasarus din tee bi ni yenɔ nba din kar ki di namm.

Jɔɔnn 6:27

I daa tuun toonn jeet nba sa fit biir paaki, ŋaan yii tuun toonn jeet nba mɔk manfoor nba kaa gbennu paak. Min nisaarik Bik sa turi li jebooru, kimaan n Baa Yennu turin yikoo na a mii teeni, kimaan u numm gboon.”