Barŋanii nba ki LUK din sɔb nae na 10:2 - Yennu Gbounpaauŋ Mɔɔr

² Ŋanne ki u betib a “Dii na beer ki yaba, ŋaan ki dijaara waar. Li paak, yii mei man dii na daanɔ ki wun ŋamm pukin dijaara ki te ki bin saan jaan u dii maŋ.

Yennu Gbouŋ Mɔɔr

² Ŋanne ki u betib a “Dii na beer yaba, ŋaan ki dijaara waar. Li paak, ii mei man dii na daanɔ ki wun ŋamm pukin dijaara, ki te bin jaan dii maŋ.

Barŋanii nba ki LUK din sɔb nae na 10:2 ပူးပေါင်းရင်းမြစ်များ

Matiu 20:1

“Kimaan Yennu naan tee kaman nan ŋaadaanɔ nba din nyii sanyapob ni ki loon niib a wun jiib ki bin ko u kpaab nee.

Barŋanii nba ki MAK din sɔb nae na 13:34

Li tan sii tee kaman nan jasɔɔ nba yaa wun nyi u ŋaak ni ki yaatir saa sɔnbanfɔkir, ki chab u ŋaajab yaak a bii dia u ŋaak, ki bia chent bi kura toona, ŋaan bet u ŋaguurɔɔ a wun guu, ŋaan saan.

Barŋanii nba ki MAK din sɔb nae na 16:15

Ki u bia yetib a “Yii saa kii mɔɔntir barŋanii na ki tur sɔɔ kur tingbouŋ na kur saaka po.

Barŋanii nba ki MAK din sɔb nae na 16:20

Ŋanne ki u poorpoweiteeb saan ki saa mɔɔntir u barŋanii lokir kur po, ki ti Yomdaanɔ din be namm, ki te ki bi tuun yaarlituk toona, ki li toona na din wann siara a bi mɔɔntii maŋ set tee barmɔniie.

Barŋanii nba ki LUK din sɔb nae na 9:1

Li poorpo ki Yisa din tan yiin u poorpoweiteeb piik nan bannlee na ki lakimm, ki turib yent nan paŋ nba ki bi sii nyint narinbiit nba kur be niib ni, ki bia te ki baatib paak,

Toona 11:19

Tɔn, Stiifen kpinu poorpoe ki muksuk din baar Yisaweira paak, ki bi din yat; ki bi siab din yaat ki saan Fonisia, nan Saiprus, nan Antiok, ki din mɔɔntir Yisa maan ki teen Juu teeb kuukɔɔ.

Toona 13:2

Ki dasiar ki bi daa din be ki jiantir ti Yomdaanɔ ki lorin mɔi, ki Yennu Seyeeŋ tan betib a “Nyint Banabas nan Sɔɔl, ki bin tun toonn nba ki n yiimm a bin tun na.” Ki bi nyimm.

Toona 13:4

Yoo nba ki Yennu Seyeeŋ din tun Banabas nan Sɔɔl a bin saan tun u toonn na, ki bi din sik Selusia ki kɔɔ ŋaruŋ, ki saa baar Salamis nba din be Saiprus tiŋ ni na,

Toona 20:28

Li paak, i dia i mɔŋ man bonŋann, nan Yisaweira nba ki Yennu Seyeeŋ kubin i nuu ni a yii tee bi yudamm kii goriib. Ŋamme ki Yennu jiib ki teemm u niib, kimaan u Bija Yisa nba din kpo na paak.

Toona 22:21

Ki ti Yomdaanɔ betin a ‘Finii saawa, a mine yaa n tuma niib nba be banfɔka ki ki tee Juu teeb na tinii ni.’ ”

Toona 8:4

Yisaweira nba din nyii ki yat na ji din saa lokir kur poe ki mɔɔntir Yisa maan maŋ;

1 Korint teeb 12:28

Ŋanne ki Yennu gann toomiinba u niib sinsuuk ni ki bi tee saakab; ki wei gann sɔkiniinba; ki gann wannteeb; ki wei paan binba tuun bakitnauŋ toona; ki gann binba te ki baatib paak, ki gann sommteeb; ki wei paan saakab nba ŋan ki gorii toona paak; ki wei paan binba piak mabooru booru.

1 Korint teeb 15:10

Ŋaan Yennu sommir paake ki n tee ma tee wunba, ki sommir nba ki u jii ki turin na, li ki tee yanni; n tun ki gar toomiinba na kura, ŋaan li ki tee a mine tumi, li tee Yennu sommir nba be n ni nee tun.

2 Korint teeb 6:1

Li paak, timm nba tuun Yennu toona u sommir paak na, ti barimiie, i daa te ki u ninbatinu na tee yanni.

Filipi teeb 2:21

Sɔɔ kur nba ji biar gbaa nan bi mɔŋ mɔŋ yarae jiak jiak, bi ki fiin linba tee Yisa Masia yar na po.

Filipi teeb 2:25

N dukin ki li kpaa talase nan man tun ti naa bik Epafrodaitus, wunba tuun nan nunmɔnn ki gbaa a wun sommin nan Masia toonn, ŋɔɔe bia tee wunba ki i daan teenɔ i toomii ki u daan sommin na.

Filipi teeb 2:30

kimaan u daan ki kɔn u manfoor paak ki tan yaa wun kpo Masia toonn na paak, a wun turin sommir nba ki i daan ki fit turin na.

Kolosa teeb 1:29

Linba na paak ki n lek yabii nan n paŋ kur nba ki Masia turin ki li yab bonchiann.

Kolosa teeb 4:12

Epafras wunba mun bia tee i yenɔ nan Yisa Masia toontunnɔ na foonti. U mei Yennu nan nunmɔnn yoo kura ki teeni a ŋɔɔ Yennu-n te ki yin set kenken, kii tee nisubirteeb nba tuun Yennu loomm na,

1 Tesalonika teeb 2:9

Ti naa waas, setik nan barmɔniie, i mi ta din tuun di fara biaŋinba. Ta din be i boor ni ki mɔɔntir Yennu barŋanii maŋ ki teeni na, ti din tuun yennu ni nan nyiɔko, a ti daa teeni farsiari.

1 Tesalonika teeb 5:12

Ti naa waas, ti barimiie a i baka-ii be binba tuun ti Yomdaanɔ toonn nani, ki tee i yudamm u sɔnu ni, ki teeni kpaanii.

2 Tesalonika teeb 3:1

Ti naa waas, linba joont tee nnee, yii mei Yennu kii teent man ki ti Yomdaanɔ barŋanii maŋ-n lin yian yian kii mɔk yikoo kaman nan la din tee i boor ni biaŋinba na.

1 Timoti 4:10

Ti gbaae ki tuun nan nunmɔnn kimaan ti mɔk dindann Manfodaanɔ Yennu paak, kimaan u be ki tee sɔɔ kur Tinntɔɔ, ki sa tinn sɔɔ kur nba teenɔ yada.

2 Timoti 4:5

Ŋaan fii tee subindaanɔ yoo kur, kii saak fardinu, kii mɔɔntir Yisa Masia barŋanii, kii tuun toona kur nba ki Yennu tura na.

Filemonn 1:1

Min Pɔɔl wunba kɔɔ dansarik Yisa Masia sann paak na, nan ti naa bik Timoti sɔbin gbouŋ na ki teen ti toontunlɔɔ Filemon wunba ki ti loonɔ na,

Hiibru teeb 3:6

Masia ŋanin tee barmɔnii daanɔ nba yen Yennu ŋaak maŋe ki tee u Bija na. Ti-i mɔk parcheenn nan yuugontir ti dindann paak, ŋann timme tee Yennu ŋaateeb maŋ.

Fiitu 2:1

Ki wunba ki n lau na betin a n sɔb labaar na ki tur u weira nba lakin be Efesus doo ni na malaka a “Labaar na nyii wunba dia ŋmaabira ŋannlore u nuudiitu ni na ki bia somm sarima fita ŋannlore sinsuuk ni na boore: