Barŋanii nba ki LUK din sɔb nae na 1:6 - Yennu Gbounpaauŋ Mɔɔr

⁶ Bi bannlee maŋ binbeŋ din ŋan Yennu boor ni, ki bi din saak u mɔb sennu kur nyiknyik;

Yennu Gbouŋ Mɔɔr

⁶ Bi banlee maŋ binbeŋ din ŋan Yennu boor, ki bi sak u wannu nan sennu kur nyiknyik;

Barŋanii nba ki LUK din sɔb nae na 1:6 ပူးပေါင်းရင်းမြစ်များ

Barŋanii nba ki LUK din sɔb nae na 1:7

ŋaan bi din ki mɔk biki, kimaan Elisabet din tee pookanmatire, ki bi kur bia poŋ din kpet nan maarua.

Barŋanii nba ki LUK din sɔb nae na 16:15

Ki Yisa yetib a “Yimm nba na want i mɔŋ nan i tee niburchimme, ŋaan Yennu mi i para ni. Linba ki nirɔ dukii nan li tee bonjaanne ŋaan li nubire Yennu boor.

Barŋanii nba ki LUK din sɔb nae na 2:25

Li yoo na ki jasɔɔ nna din be Jerusalem, ki u sann din tee Simeon. U din tee niburchimɔ nan yentinɔe, ki Yennu Seyeeŋ din be u ni, ki u din guu yoo nba ki Yennu sa tinn Israel teeb.

Toona 2:25

Kimaan David din bunt buntir ki jikit saa Yisa po ki yaa a ‘N mi nan n Yomdaanɔ Yennu yɔɔ be nanin, ki u bia see n poorpo ki guun ki n ki laat daŋi.

Toona 23:1

Ŋanne ki Pɔɔl got tituk kaanu damm maŋ sirrr, ki tan yet a “Chanbaanba nan n naa waas, ma din be ki tan tuu mɔtana, n mi nan li fan nan Yennu.”

Toona 24:16

Ki li paak, n yabii n mɔŋ yoo kur ma n tun linba took sɔnu, ki n par-ii be fanu Yennu nan nisaarik boor ni.

Toona 8:21

Li paak na, a lek kan tun siar ti toonn na ni, kimaan a par ki be fanu nan Yennu.

Rom Teeb 8:4

Yennue tun nna, a timm nba ki ti binbeŋ waa Yennu Seyeeŋ na ki li ki tee ti nisaarii loomm na, sa sak ki wei barmɔnii sɔnu, sennu nba wann biaŋinba.

1 Korint teeb 11:2

N naa waas, n mɔk parpeenn nan ya tian linba ki n wanni na kur, ki bia tee nnee.

2 Korint teeb 1:12

Linba paak te ki ti mɔk yuugontir na tee nnee: ti dudukite wantit nan ti mɔk barmɔnpaku nan yentinu tingbouŋ na niib boor, ki mantik daan be nna ki jiin timm nan yimm weinanleeb po na; ki Yennu sommir paake te ki ti be nna maŋ, li ki tee nisaarii yan paak kaa.

Filipi teeb 2:15

ŋanne sa te ki i daa mɔk biit, ŋaan kii mɔk popeenn, kii tee Yennu waas nba ki mɔk daŋ, kimaan i be nijakina nan biitdamm sinsuuk nie na. Li kpaa talas ki yii nyirii bi sinsuuk ni kaman nan ŋmaajara nba nyirii sanpaapo biaŋinba na,

Kolosa teeb 1:22

ŋaan mɔtana, u Bija gbanant kuun maŋ paak, u ji teeni u yɔɔsinbae a wun jii-i ki yii tee popeendamm, ki daa mɔk jakint nan biit, ki baar u boor ni,

1 Tesalonika teeb 3:13

Nnee ki u sa chee i para, ki i sii tee popeendamm nba ki mɔk biit ti Baa Yennu boor ni, nan yoo nba ki ti Yomdaanɔ Yisa tan sa jen nan u yab kura na.

2 Piita 3:14

N naa walonkai, ya guu bona maŋ na paak, yii yabir i mɔŋ paak kii mɔk parmaasir, nan binbenyeeŋ, ki daa mɔk biit Yennu boori.

1 Jɔɔnn 2:29

I mi nan Yisa Masia tee popeendaanɔe; li paake, ki i mun bann nan binba kur tuun popeenn toona, bi mun tee Yennu waase.

1 Jɔɔnn 2:3

Ti-i dia Yennu sennii, ŋanne sa wann nan ti set miu,

1 Jɔɔnn 3:7

N waas, i daa saak ki sɔɔ-n kpanniini; daanɔ nba tuun popeenn toona, ŋɔɔe tee popeendaanɔ, kaman nan Yisa nba tee popeendaanɔ na.