Kolosa teeb 4:12 - Yennu Gbounpaauŋ Mɔɔr

¹² Epafras wunba mun bia tee i yenɔ nan Yisa Masia toontunnɔ na foonti. U mei Yennu nan nunmɔnn yoo kura ki teeni a ŋɔɔ Yennu-n te ki yin set kenken, kii tee nisubirteeb nba tuun Yennu loomm na,

Yennu Gbouŋ Mɔɔr

¹² Epafras, wunba mun tee i yenɔ ki bia tee Yiisa Masia toontunnɔ na foonti. U mei Yennu nan ninmɔnn yoo kura ki teeni, a Yennu n te yin set kenken, kii tee subirteeb nba tuun Yennu loomm,

Kolosa teeb 4:12 ပူးပေါင်းရင်းမြစ်များ

Matiu 5:48

Li paak, yii be man fanu kaman nan i Baa Yennu nba be sanpaapo na nba be fanu biaŋinba na.

Barŋanii nba ki LUK din sɔb nae na 1:1

Chanbaa Teofilus: N loon ki a bann nan maan nba ki bi poŋ daan wanna na, li tee barmɔnii mɔniie. Li piinu ni, nisiab din la linba piin ki teen maŋ ti leeb sinsuuk ni, nan bi ninbina. Ŋamme din tee binba din mɔɔntir maan maŋ po, ki niib bonchiann kot bi mɔŋ paak ki sɔb linba ki bi wannib na. Li paak, n mɔŋ mɔŋ boi ki fiitir bonŋann ki la nan li bonsiar kur nba tee biaŋinba li piinu ni, nan la saa biaŋinba, ki n dukin nan li ŋan n po nan ki n sɔb ki lii tɔɔk sɔnu, ki tura.

Barŋanii nba ki LUK din sɔb nae na 22:44

U din dii muksuk bonchiann ki miar Yennu nan u yaak kur, ki naauk tan pu u paak ki tan toot naan nan sɔn na.

Jɔɔnn 12:26

Daanɔ nba loon wuu tuun n toonn, see ki wuu waan, ki ma tan sii be siaminba, ki n toontunnɔ mun tan sii be leŋ. Ki bia jenna, daanɔ nba tuun n toonn, n Baa Yennu tan sa donnɔ.”

Rom Teeb 15:14

N naa waas, n mi n par ni nan i binbeŋ ŋan, ki i mi Yennu maan bonŋann ki fit ki kpaan i leeb;

Rom Teeb 15:30

Tɔn, n naa waas, ti Yomdaanɔ Yisa Masia sann paak nan Yennu Seyeeŋ loomm paak, n mei-i, yii mei Yennu nan ninmɔnn n paak ki sommin,

1 Korint teeb 14:20

N naa waas, i daa dia bisin ni dudukiti, ŋaan biit ni, yii tee kaman nan sanpantii nee; ŋaant man ki i dudukit-ii tee subintɔɔ dudukit.

1 Korint teeb 2:6

Mɔmɔmm, ti piak nan yame ki teen binba ki bi para chee nan Yisaweiu ni na. Li ki tee tingbouŋ na niib yan amii tingbouŋ na paŋ damm nba ki bi panii sa teen yann na.

2 Korint teeb 13:11

N naa waas, linba ji biar tee min chabie. Ŋammit i sɔnu man, kii saak n kpaanii man, kii mɔk mɔtaauk, nan parmaasir; ki Yennu nba loonit ki teent parmaasir na sii be nani.

Galasia teeb 1:10

N ki yiab ma n gaar nisaarik pinpakit kaa, ŋaan Yennu yare ki n loon, kimaan mi-i loon nisaarik pinpakitie, n bo kan teen Masia daabiri.

Galasia teeb 4:19

N walonkai, li yiarin bonchiann i paak mɔkmɔk nan yoo nba ki Masia binbeŋ na tan sa gbee i ni.

Kolosa teeb 1:22

ŋaan mɔtana, u Bija gbanant kuun maŋ paak, u ji teeni u yɔɔsinbae a wun jii-i ki yii tee popeendamm, ki daa mɔk jakint nan biit, ki baar u boor ni,

Kolosa teeb 1:28

Li paak, Masia maŋ poe ki ti mɔɔntir, ki kpaan sɔɔ kura, ki want sɔɔ kur nan yan booru kur, a tin te sɔɔ kur-n chee nan Masia weiu, ki jiib wann Yennu.

Kolosa teeb 1:29

Linba na paak ki n lek yabii nan n paŋ kur nba ki Masia turin ki li yab bonchiann.

Kolosa teeb 1:7

I din tumii Yennu ninbatinu maŋ po ti toontunlɔɔ Epafras wunba ki ti loonɔ na boor ni; ŋɔɔe tee Masia toontunnɔ nba tuun nan barmɔnii i boor ni ki turit,

Kolosa teeb 1:9

Linba na paak, ta daan gbat i po, ti ki nyik Yenmiaru i paaki a ŋɔɔ Yennu-n te ki i bann u loomm nba tee biaŋinba, ŋaan turi Seyeeŋ yan nan li subinii kur,

Kolosa teeb 4:9

Ŋɔɔ nan Onesimus, wunba tee ti naa bilonkak nba mɔk yada ki tee i yɔɔ nee sa saan. Bi sa beti bonsiar kura nba tuun nna na.

1 Tesalonika teeb 5:23

Yennu nba teent parmaasir na tiauŋ-n teeni popeendamm ki gbenn, ki dia i sei nan i manfoa nan i gbanant mun, ki li daa mɔk biit ti Yomdaanɔ Yisa Masia jenu maŋ po.

Filemonn 1:23

Epafras wunba ki min nan ŋɔɔ kɔɔ dansarik Yisa Masia paak na teena u foontii;

Hiibru teeb 5:14

Ŋaan jeŋmankat tee saakab yare, ŋamm tuu tumii ki fit bann linba tee bonbiir nan linba tee bonŋann.

Hiibru teeb 5:7

Tɔn, Yisa nba din be tingbouŋ na ni yoonba na u din mei Yennu ki barimɔ, ki bui nan ninnyuut Yennu nba sa fit fatɔ kuun ni na boor ni. Ki wa din baakit Yennu na paak ki Yennu din gbat u miaruwa.

Jeems 1:1

Min Jems, wunba tee Yennu toontunnɔ ki bia tee ti Yomdaanɔ Yisa Masia toontunnɔ, n foont Israel nibooru piik nan bannlee nba yat ki be tingbouŋ na kur ni.

Jeems 1:4

Ŋaant man kii ŋamm kii mɔk gbankur fanu nan li joontu, ki i tan kan kɔŋ binbenŋaŋi.

Jeems 5:16

Fiitir i toonbiit ki wann leeb, ki miar Yennu ki tur leeb, ki Yennu sa te ki i paak. Popeendaanɔ-i miar Yennu nan ninmɔnn, li mɔk paŋ bonchiann.

2 Piita 1:1

Min Simon Piita, wunba tee Yisa Masia daabir nan u toomii nae sɔbin gbouŋ na ki teen binba teen Yennu nan ti Tinntɔɔ Yisa Masia yada u burchint paak, kaman nan ta mun teemm yada biaŋinba na.

Juud 1:24

Yennu sa fit guui ki i daa baa, ki sa baar nani u tɔɔnn yentsaakar ni, ki i ki mɔk biiti, ŋaan sii mɔk parpeenn bonchiann;