Kolosa teeb 4:10 - Yennu Gbounpaauŋ Mɔɔr

¹⁰ Aristakus, min nan wunba kɔɔ dansarik na foonti, ki Banabas niipoo bija Mak mun bia foonti. (I daan poŋ gaar n kpaanii, ma Mak-i taŋŋi baar i boor ni, yin gaarɔ.)

Yennu Gbouŋ Mɔɔr

¹⁰ Aristakus nba ki min nan ŋɔɔ be dansarik ni na foonti, ki Banabas poorɔ bija Mak mun bia foonti. (I daan poŋ gaar n kpaanii nan Mak-i taŋi baar i boor, yin gaarɔ.)

Kolosa teeb 4:10 ပူးပေါင်းရင်းမြစ်များ

Toona 12:12

Wa bann u mɔŋ po nba tee biaŋinba, ki u saan Jɔɔnn Mak naa Mari ŋaak ni; ki niib bonchiann poŋ tikir leŋ ki mei Yennu.

Toona 12:25

Yoo nba ki Banabas nan Sɔɔl din gbenn bi toona nba ki bi saan ki tun na, ki bi ji jii Jɔɔnn Mak ki nyii Jerusalem ki ŋmat ki kun Antiok.

Toona 13:13

Li poorpoe jik ki Pɔɔl nan u weinanleeb kɔɔ ŋaruŋ, ki nyii Pafos ki saan Pega nba din be Pamfilia tiŋ ni na. Leŋe ki Jɔɔnn Mak din nyikib ŋaan ŋmat saan Jerusalem.

Toona 13:5

ki nyii ŋaruŋ ni leŋ, ki saa Juu teeb Yenjiantu diit ni, ki mɔɔntir Yennu maan ki teemm. Ki Jɔɔnn Mak din tee bi kpaakir ki be namm.

Toona 19:29

Ki doo na kur muk. Ki bi soor Gaius nan Aristakus ki chiar saan kɔɔ namm nitituk ni. Jab bannlee maŋ din tee Masedonia niib, binba ki Pɔɔl tuu tɔkii namm na.

Toona 20:4

Ki Pirus bik Sopata, wunba nyii Berea na, nan Aristakus nan Sekondus, binba nyii Tesalonika na, nan Gaius wunba nyii Debe na, nan Tikikus nan Trofimus, binba nyii Asia tiŋ ni na, nan Timoti, ŋamme din saan nan Pɔɔl.

Toona 27:2

ki bi ji kɔɔ ŋaruŋ nba nyii Adramitium, kimaan ŋaruŋ maŋ poŋ teen siir nan wun nyi Siisarea ki saan Asia tiŋ ni doi nba kpia mɔkgbeŋŋir na kpiŋ; ki Masedonia nirɔ Aristakus, wunba din nyii Tesalonika na, nan min Luk mun bia din chian Pɔɔla.

Toona 4:36

Ki jasɔɔ din be leŋ ki u sann yi Josef, ki u din tee Liifai booru ni nirɔ, wunba ki bi din marɔ Saiprus, ki toomiinba na din yiu Banabas (ki li paak tee Sommtɔɔ na),

Rom Teeb 16:2

yin gaarɔ ti Yomdaanɔ Masia sann paak kaman nan Yennu niib nba bo sii gaan bi leeb biaŋinba na, ki sommɔ wa loon linba i boor, kimaan u mun tuu sommit niib bonchiann, nan n mɔŋ gbaa.

Rom Teeb 16:7

ki foont Andronikus nan Junias binba tee n booru ni niib, ki min nan ŋamm din lakin kɔɔ dansarik; ki Masia toomiinba mib bonŋann na, ki bi din sint teen Masiaweira ki n tan wei na.

2 Timoti 4:11

Luk kuukɔɔe ji be nanin. Jiin Mak baar nanɔ na, kimaan u toona mɔk nyɔɔt turin bonchiann.

Filemonn 1:23

Epafras wunba ki min nan ŋɔɔ kɔɔ dansarik Yisa Masia paak na teena u foontii;

Filemonn 1:24

ki n toontunleeb, Mak, nan Aristakus, nan Demas, nan Luk, mun bia teena bi foontii.

1 Piita 5:13

I leeb nba be Babilɔnn ki Yennu din gannib na, bi foonti. N bik Mak mun foonti.