Kolosa teeb 3:8 - Yennu Gbounpaauŋ Mɔɔr

⁸ Ŋaan mɔtana yi fian linba na nba munna ki lu; ki linba tee naŋ, nan wutoor, nan nifobiisin, nan niib sanbiiruk, nan barbiit, i daa te ki li nyi i mɔi ni.

Yennu Gbouŋ Mɔɔr

⁸ Ŋaan mɔtana, ii fian linba na nba munn ki lu; ŋanne tee naŋ, nan wutoor, nan nifobisin. Ki niib sanbiiuk, nan barbiit ji daa nyi i mɔi ni.

Kolosa teeb 3:8 ပူးပေါင်းရင်းမြစ်များ

Matiu 5:22

ŋaan min ŋanin beerie la, nan wunba dont wutoor u naa bik paak yann yann, ki li kaa paaki, u tan sii be barii ni barbudaar; ki wunba sukir u naa bik a ‘Bon-yann na,’ u tan sii be barii ni; ki wunba mun bia sukir u naa bik a ‘Bonjatir na,’ u tan sii be barii ni ki kɔɔ muu nba kan mi kpeen na ni.

Barŋanii nba ki MAK din sɔb nae na 7:22

nan bonchonchonn toona, nan nianchiauŋ nan biitbooru booru nan faak faaru, nan toon-yana, nan funfunn, nan sanjaauŋ, nan karinbaanii, nan jat toona.

Rom Teeb 13:13

Ŋaant ki ti toona-ii yeen kaman nan niib nba tuu be yentu ni na, ki daa nyu daan ki yibi, ki daa tuun yuukpeensimi. Ti daa baa joona, ki daa tuun toonbiit booru booru, ki daa kɔn kunkɔna, ki daa mɔk funfuna nan leebi.

1 Korint teeb 3:3

kimaan i binbeŋ bia daa be kaman nan tingbouŋ na niib binbeŋ nee; kimaan funfunn nan mɔniɔk-i be i sinsuuk ni, i ki waa tingbouŋ na teeb binbeŋ kaa-aa?

2 Korint teeb 12:20

N yan put i paake nan ma tan sa baar i boor ni ki kan lai ki i be kaman nan ma loon yii be biaŋinba na; ki i mun kan la min ki n be kaman nan ya loon mii be biaŋinba na: n mɔk jijeet nan n sa lai ki i kɔn nan i leeb, ki mɔk funfunn nan i leeb, ki dont wutoor i leeb paak, ki lukitir i leeb, ki sukii i leeb, ki biir i leeb, ki mɔk karinbaanii, ki tee kpirkpir;

Galasia teeb 5:15

Ŋaan li-i tee ki i tee i leeb danii ki biir i leeb kaman nan muuk ni bonkobit na, i set sa baan i leeb yann na.

Galasia teeb 5:20

nan patmannu, nan nyɔkdinu, nan dataar, nan kunkɔna, nan funfunbiiuk, nan wutoor, nan bɔkitu, nan lukitin,

Galasia teeb 5:26

Li ki ŋan ki tii mɔk karinbaanii, amii tii fiint ti leeb wutoa, amii tii mɔk funfunbiit nan ti leebi.

Efesus teeb 4:22

Li paak, yabit i mɔŋ man ki nyann niauŋ nba be i binbekperik nba na ni.

Efesus teeb 4:25

Li paak, ŋaant ki ti nyik faak, ŋaan sɔɔ kur-ii piak barmɔnii kii teen u lɔɔ, kimaan ti tee niyenɔkɔɔe Masia ni.

Efesus teeb 4:26

Li-i tee ki a donn wutoor ŋaan fa daa tuun toonbiiti, ki bia daa diar a par ni ki yennu baa,

Efesus teeb 4:29

I daa piak mɔbonbiit ki teen i leebi, ŋaan te ki i mɔbona-ii tee linba kpaa talas ki mɔk nyɔɔt, ki i leeb-i gbat, lin pukimm binbeŋ nba fan.

Efesus teeb 5:4

Yii teen Yennu niipoouk yoo kura, ŋaan daa te ki bonchonchonn toona barii nan jakint barii nan baryana nyi i mɔi ni.

Kolosa teeb 3:5

Li paak, yi nyik tingbouŋ na ni niauŋ nba tuun toona i ni na; li yenninbae tee bonchonchonsin, nan linba tee jakint toona, nan kunkɔmaasu, nan nianbiiuk, nan nianchiauŋ, linba tee patmannu booru.

Kolosa teeb 3:9

I daa fa faak ki teen leebi, kimaan i poŋ nyik linba tuu tee i binbenkper na nan li toonawa;

1 Timoti 1:13

ma lek din biir u sann ki mukis u niib, ki sukiiɔ na, ŋaan u bia gaarin u ninbatinu niwa, kimaan n din ki mie, ki bia ki teenɔ yada, ki tuun nna.

1 Timoti 1:20

Bi siabe tee Haimeneus nan Aleksander, binba ki n daan jiib teemm Sintaanii nuu ni a wun mukisib. Linba nee sa wannib yan ki bin nyik Yennu sann biiru.

Hiibru teeb 12:1

Binba na kur tee siaradamme ki lintit. Li paak, yi ŋaan ki tin yabir ki fok lu linba kur sa gɔɔrit Masia sɔnu ni, nan biit nba sa soorit; yi ŋaan man ki tii di sukuru ki gbaa gbaar nba yaa lin baarit na.

Jeems 2:7

Ŋamme bia piak biir Yisa Masia sanŋann nba ki Yennu turi na.

1 Piita 2:1

Ŋannimi, yi nyik biit kur, nan faak kur, nan kpinkpannii, nan funfunn, nan sanjaauŋ.

2 Piita 2:18

Bi piak karinbaanii barii nba ki mɔk nyɔɔte a bin kpann niib nba yabit bi mɔŋ a bin nyik biitdamm, ki kpannib a bii tuun gbanant loonbiit kii tuun bonchonchonn toona,

2 Piita 2:7

U bia din tan tinn Lot, wunba din tee niŋanɔ na. Biitdamm nba din tuun bi gbanant loonbiit biaŋinba na, li din biir ŋɔɔ Lot par ni bonchiann.

Juud 1:13

Bi tee kaman nan mɔkgbeŋŋir nyunpana nba fi ki pukir nan jakint nee. Bi bia tee kaman nan ŋmaabira nba tuu ŋabir ki lin nee; ki bunbɔnchiauŋ nba kaa gbennu be ki guub.

Juud 1:8

Nibooru maŋ mun bia daa mɔk dudukit nba ki bi tuun ki biir bi gbanant, ki bia tee tubkangbata, ki bia sukii Yennu malakanba.

Fiitu 16:9

Ki yennu na ŋamm yekitib nan muu na; ki bi ji sukii Yennu wunba mɔk fara na paŋ na sann, ŋaan ki bi lek bia ki sak nan bin lebit bi dudukit kii teenɔ nibaakiri.