Kolosa teeb 3:5 - Yennu Gbounpaauŋ Mɔɔr

⁵ Li paak, yi nyik tingbouŋ na ni niauŋ nba tuun toona i ni na; li yenninbae tee bonchonchonsin, nan linba tee jakint toona, nan kunkɔmaasu, nan nianbiiuk, nan nianchiauŋ, linba tee patmannu booru.

Yennu Gbouŋ Mɔɔr

⁵ Li paak, ii nyik tingbouŋ na ni niɔŋ nba tuun toona i ni na; li yenn-nbae tee bonchonchonsin, nan jakint toona, nan kunkɔmaasu, nan dudukbiit, nan nianchiɔŋ. Nianchiɔŋ tee nan patmannu nae.

Kolosa teeb 3:5 ပူးပေါင်းရင်းမြစ်များ

Matiu 15:19

Kimaan nirɔ par nie ki dudukbiit nyi, nan nikpinu, nan bonchonchonn toona, nan nanyukin, nan faak siara, nan sanjaauŋ.

Rom Teeb 1:26

Li paak, ki Yennu nyikib ki bi tuun bi mɔŋ loomm nba mɔk fei, ki bi poob nyik bii dɔɔ nan jab ŋaan ŋmat ki dɔɔ nan bi leeb;

Rom Teeb 1:29

Ki biit kur din be bi ni, ki bi gbee nan biit nan nianchiauŋ nan yanbɔmm nan funfunbiit nan nikpinu nan kunkɔna nan fai nan dudukbiit, ki bia tee sanjanjanna;

Rom Teeb 6:13

Daa teen i gbanant siar po yaak ki li tuun toonbiit, ŋaan jii i mɔŋ ki tur Yennu, ŋaan kii tee kaman nan i nyii kuun nie ki kɔɔ manfoor ni na; jiin i mɔŋ kur ki tur Yennu ki wun jii-i ki tun yentinu toona.

Rom Teeb 6:6

Ti mi nan ti binbenkper na lakin ki kpo nan Yisa u dapunpunn paak, a ti binbenkper na ji daa mɔk yaak, ki ti ji kii tee daaba biit paŋ ni.

Rom Teeb 7:23

ŋaan ki n laat sennsiar nba tuun n gbanant ni, ki li ki sak nan sennu nba ki n par loon na, ki lorin nan dansarkɔɔrɔ na, a n sak biit nba be n ni na.

Rom Teeb 7:5

Yoo nba ki ti din tuun ti gbanant loomm nee, ki sennu na te ki ti mɔk nianbiiuk ki li tuun ti gbanant ni, ki li baat nan linba tee kuun ti paak.

Rom Teeb 8:13

Li-i tee ki i waa gbanant loomm, i sa kpowa, ŋaan li-i tee ki i kpi gbanant loomm Yennu Seyeeŋ paŋ na paak, i sa la manfoor.

1 Korint teeb 5:1

Li set tee mɔniie ki bi yeen a bonchonchonsin be i sinsuuk ni, linba ki binba ki waa Yisa Masia na mɔŋ kan tumi. N gbat a sɔɔ be i sinsuuk ni ki dɔɔ nan u baa poo;

1 Korint teeb 6:11

I siab din tuu tee nnee; ŋaan ki Yennu wuur i biit na ki i ji tee u niib ki bia tee popeendamm u peŋ, ti Yomdaanɔ Yisa Masia nan Yennu Seyeeŋ na paak.

1 Korint teeb 6:13

I siab yeen a “Jeet tee poor yare, ki poor mun tee jeet yar.” Mɔniie; ŋaan Yennu sa gɔɔr li ŋannlee na kur. Yennu ki nan ti gbanant a ti jiir kii chommi, ŋaan a ti jiir ki lii tee ti Yomdaanɔ yar. Ti Yomdaanɔe yen ti gbanant na.

1 Korint teeb 6:18

Yi nyinn i mɔŋ man bonchonchonsin ni. Toonbiit kur nba biar, li ki tuun gbanant ni; ŋaan wunba chomm ŋanin biir u mɔŋ gbanante.

2 Korint teeb 12:21

n bia mɔk jijeet nan Yennu sa te ki n di fei i paak; ki n par sa biir i siab bonchiann paak, kimaan bi poŋ tun toonbiit, nan jakint toona, nan bonchonchonn toona, ki ji ki tiin fei, ki bia ki nyik bi biit maŋi.

Galasia teeb 5:24

Ki Yisa Masia nba yen binba na ŋanin poŋ din kpii bi nisaarik binbeŋ nan li loonbiit kura.

Efesus teeb 4:19

Bi ji ki tiin fei, ki lin tuun jakint toona, ki ki dia bi mɔŋ nan waaminnawa.

Kolosa teeb 2:11

Yimm nan u benu nie ki i gaar punpotu; ŋaan li ki tee nisaarik nuu pot i gbananti; Masia punpotu na nee nyinnit biit ni,

1 Tesalonika teeb 4:3

Kimaan Yennu loon ki yii tee popeendamm ki daa tuun bonchonchonn toona.

1 Tesalonika teeb 4:5

ki daa tuun nna nan nianbiiuk binbeŋ kaman nan binba ki mi Yennu nba be biaŋinba na.

1 Timoti 6:10

kimaan likirii loomme tee bonbiir kur jiinn. Nisiab poŋ jii bi mɔŋ ki teen likiloonbiiuk na ni; li paak, ki bi ji ki teen Masia yada. Ŋanne te ki bi laat parbibooru booru.

Hiibru teeb 12:16

I sɔɔ daa tuun bonchonchonn toona amii ki gorii Yennu barii yann kaman nan Esɔ wunba din jii u saakatuk ki daa jeet ki dii taar yomm na.

Hiibru teeb 13:4

Yii mɔk nibaakir nan i leeb nan i pookɔɔnt nan i jakunt ni ki daa chommi, kimaan Yennu tan sa dat bonchonchona nan joonbaarit nan sapaanwɔbira nan naasinwɔbira tuba.

Hiibru teeb 13:5

Yi nyinn i niauŋ nan liklommu, ŋaan te ki i numm-n gboo nan ya mɔk linba; kimaan Yennu yet a “N kan mi ki nyikani, n bia kan mi ki ŋaanani.”

Jeems 4:1

Bee te ki i kɔn ki nɔi nan leebi? Li tee i nianbiiuk nba be i para ni ki kɔne.

1 Piita 2:11

N naa walonkai, ya tee saamm tingbouŋ na ni na, n kpaaniie a yi nyik gbanant loonbiit nba kɔn nan i sei na,

Fiitu 21:8

Ŋaan jaŋmaanii damm, nan yadakanpɔɔna damm, nan biitdamm, nan nikpiirit, nan joonbaarit, nan jabaabura, nan patjiantdamm, nan fai damm kur, bi binbeboor tee bootuk nba gbee nan muu ki sarwuutaa di nann nee; ŋanne tee kuun munnlee na.”

Fiitu 22:15

Ki nibiit, nan binba dia jabaat na ki bu ki kpann niib, nan binba tuun jakint toona na, nan nikpiira, nan patjiantdamm, nan binba tee fai damm ki kpann niib na, bi kur tan sii be doo maŋ nanyer poe.