Kolosa teeb 3:16 - Yennu Gbounpaauŋ Mɔɔr

¹⁶ Li kpaa talas ki Masia labaar na-ii be i para ni chib chib, kii want i leeb, kii bia kpaan i leeb nan i yan kur; kii yiin Yennu gbouŋ ni yanii, nan yenpaku yanii, nan Seyeeŋ yanii; kii yiin yanii kii teen Yennu nan niipoouk i para ni.

Yennu Gbouŋ Mɔɔr

¹⁶ Li kpaa talas ki Masia labaar na-ii be i para ni chib chib, ki yii want i leeb, kii bia kii kpaan i leeb nan yan; kii yiin Yennu gbouŋ ni yanii, nan Yenpaku yanii, nan Seyeeŋ yanii; kii yiin yanii maŋ nan niipoturu para kii teen Yennu.

Kolosa teeb 3:16 ပူးပေါင်းရင်းမြစ်များ

Matiu 26:30

Ŋanne ki bi din yin Yenjiantu yanii, ŋaan nyii ki saan Olif Tiinii kunkonn paak.

Barŋanii nba ki LUK din sɔb nae na 2:51

Ŋanne ki bi din ŋmat nan Yisa ki sik Nasaret, ki u din saak bi mɔb. Ki u naa din tian linba teen na kur u par ni.

Jɔɔnn 15:7

Ki bia jenna, li-i tee ki i yɔɔ gaa n paak, ki n maan na be i ni, miat Yennu linba kur ki i loon, ki i sa lawa.

Rom Teeb 10:17

Li paak, nirɔ-i gbia barŋanii, ŋanne sa te ki wun teen Masia yada; ki niib-i mɔɔntir Masia barŋanii na, li mun sa te ki u gbiar.

Rom Teeb 15:14

N naa waas, n mi n par ni nan i binbeŋ ŋan, ki i mi Yennu maan bonŋann ki fit ki kpaan i leeb;

1 Korint teeb 14:15

Ki n sa teen nlee? N sa miar Yennu nan n seeke, ki bia miarɔ nan n yan ni; ki yin yanii ki tur Yennu nan n seek, ki bia yin yanii nan n yan ni.

1 Korint teeb 14:26

N naa waas, n ji sa yet a bia? Li-i tee ki i lakin leeb a yi jiant Yennu, ki sɔɔ mɔk yaŋ, ki sɔɔ mɔk wannu, ki sɔɔ mɔk mafiit kar ki sa wann, ki sɔɔ mɔk barganii paku, ki sɔɔ mun mɔk barganii maŋ kpintu; yi teen linba na kur ki lin somm Masiaweira.

Efesus teeb 1:17

ki lek mei ti Baa Yennu wunba tee paŋ daanɔ ki bia tee ti Yomdaanɔ Yisa Masia Yennu, a wun turi Seyeeŋ nba sa turi yan ki fiit Yennu wanni kii ŋamm bannɔ.

Efesus teeb 5:17

Li paak, yii bant linba tee ti Yomdaanɔ loomm ki daa tee i mɔŋ jatiti.

Efesus teeb 5:19

Yii yiin yanii kii piak ti Yomdaanɔ i para ni, kii yiin nan i leeb Yennu gbouŋ ni yanii nan Seyeeŋ yanii.

Efesus teeb 5:26

U din tun linba na, ki bia jii Yennu barii nan nyun ki wurib, a wun ŋammib fanu

Kolosa teeb 1:28

Li paak, Masia maŋ poe ki ti mɔɔntir, ki kpaan sɔɔ kura, ki want sɔɔ kur nan yan booru kur, a tin te sɔɔ kur-n chee nan Masia weiu, ki jiib wann Yennu.

Kolosa teeb 1:9

Linba na paak, ta daan gbat i po, ti ki nyik Yenmiaru i paaki a ŋɔɔ Yennu-n te ki i bann u loomm nba tee biaŋinba, ŋaan turi Seyeeŋ yan nan li subinii kur,

Kolosa teeb 4:6

Li kpaa talas ki i mɔbona-ii man, kii mɔk baakir, ki yii mi biaŋinba ki i sa gat buboit ki lii took ki tur sɔɔ kura.

1 Tesalonika teeb 1:8

Kimaan ti Yomdaanɔ barŋanii maŋ din nyii i boore, ki lin Masedonia nan Akaya tinii ni, ki linba bia pukin, ya teen Yennu yada biaŋinba poŋ lin lokir kur powa. Li paak, li ji ki kpaa talas nan ki ti pak siar bi boori.

1 Tesalonika teeb 4:18

Li paak, yii dia mɔmaan na kii maant i leeb para man.

2 Tesalonika teeb 3:15

Ŋaan i daa teeu kaman nan u tee i dataake na, yi kpaanɔ kaman nan i naa bike na.

1 Timoti 6:17

A kpaan mɔkita na a bi daa mɔk dontinmɔŋ amii bin teen bi dindann mɔkint nba tee wouŋ na ni; ŋaan bin teen bi dindann kur Yennu ni; ŋɔɔe turit bonsiar kur a ti gaar kii mɔk parpeenn.

2 Timoti 3:15

ki a bisin niwa a poŋ mi Yennu gbouŋ nba fit teena yan ki wanta fa sa teen Yisa Masia yada ki tinn biaŋinba na.

Taitus 3:6

ki din jii u Seyeeŋ maŋ ki turit bonchiann, ti Tinntɔɔ Yisa Masia paak.

Jeems 1:5

Li-i tee ki i sɔɔ pɔt yan, wun miar Yennu wunba pi sɔɔ kur piinii nan burchint, ki ki dint sɔɔ fei na, ki u sa turɔwa.

Jeems 3:17

Ŋaan yan nba nyi Yennu boor, li ki mɔk biiti; wunba mɔk yan maŋ, u mɔk parmaasir ki be soonna, ki gbia u leeb; u mɔk ninbatinu bonchiann, ki bia tuun toonŋana bonchiann; u ki mɔk lukitin, ki bia ki mɔk kpinkpannii.

Jeems 5:13

Sɔɔ-i be i ni ki mɔk parbiir, wun miar Yennu. Wunba mun mɔk parpeenn, wun yin yanii kii piak Yennu.

1 Jɔɔnn 2:14

N waas, ya mi ti Baa Yennu na, li paake te ki n sɔbin ki teeni na. N chanbaanba, ya mi Yisa nba poŋ din yɔɔ be mɔkmɔk nan mɔkmɔk na, li paake te ki n sɔbin ki teeni na. Naasimm, ya mɔk paŋ, ki Yennu mɔmaan bia be i ni, ki i nyann Sintaanii, bonbiiuk daanɔ maŋ na, li paake te ki n sɔbin ki teeni na.

1 Jɔɔnn 2:24

Ya din sint gbat Yisa maan nba pinpiik ni na, yii dia nna man fanu. Li-i tee ki i dia maan maŋ, i sii gaa ti Baa Yennu nan u Bija Yisa paake,

1 Jɔɔnn 2:27

ŋaan yimm ŋarin, Yisa sikin u Seyeeŋ maŋ i paaka. Seyeeŋ maŋ nba biar be i ni na, i ji kii loon ki sɔɔ-n wanniini, kimaan Seyeeŋ maŋ mɔŋe wanti bont kura, ki u wannu maŋe tee barmɔnii wannu, ki li ki tee faak wannu kaa. Li paak, yii gaa Yisa paak man kaman nan Seyeeŋ maŋ nba wanti biaŋinba na.

2 Jɔɔnn 1:2

Min nan ŋamme looni, kimaan ti kur nba taa barmɔnii wannu maŋ paak, ki barmɔnii wannu maŋ set sii yɔɔ be ti ni mɔkmɔk nan yoo nba kaa gbennu.

Fiitu 14:3

Ki niib tuskobik nan tuspiinna nan tusa ŋanna maŋ see naangbouŋ nan bonfoa banna na nan saakab na tɔɔnn po ki yiin yanpaanii nba ki sɔɔ ki fit tumii, see niib maŋ nba ki Yennu gannib tingbouŋ na ŋaateeb ni ki tinnib na kuukɔɔ.

Fiitu 15:3

ki bi yiin yaŋ nba ki Yennu toontunnɔ Moses din tuu yiin na, nan Pebik na yaŋ a “Ti Yomdaanɔ Yennu nba mɔk paŋ kur, a toona tee toonjaana nba yaar ŋaan litit, a sɔnii took ki bia tee barmɔnii. Fine tee nibooru kur Kpanbar.

Fiitu 19:10

Li yoo ki n gbaan u tɔɔnn a n jiantɔ. Ki u yetin a n daa tee nna kaa, a u tee min nan n naa waas nba dia Yisa barŋanii na toontunlɔɔe, a n jiant Yennue. Yennu sɔkiniinba nba sɔkint ki yeen na, bi piak Yisa poe.

Fiitu 5:9

Ki bi yiin yanpaanii ki teen Pebik na ki yeen a, “A set jaŋ nan fan gaar gbanpɔɔbir na ki tabit li yiit ŋannlore na, kimaan a din kpoe ki jii a sɔn ki daa niib ki tur Yennu; niib maŋ nyii nibooru booru kur ni, nan mabooru kur ni, nan maaru kur ni, nan tingbouŋ na yent kur ni.