Kolosa teeb 3:14 - Yennu Gbounpaauŋ Mɔɔr

¹⁴ Yi pukin loomm; ŋanne fan ki gar binbeŋ kur, ki taan dia li kura nan barmɔnii mɔtaauk.

Yennu Gbouŋ Mɔɔr

¹⁴ Ii pukin lomm; ŋanne fan ki gar binbeŋ kur, ki taan dia li kur nan barmɔnii mɔtaauk.

Kolosa teeb 3:14 ပူးပေါင်းရင်းမြစ်များ

Jɔɔnn 13:34

“Mɔtana n teenii sennpaanue; a yii loon i leeb man. Ma looni biaŋinba na, yii mun-ii loon i leeb nna.

Jɔɔnn 15:12

Nee tee n sennu ki n senn ki turi, ma yii loon i leeb kaman nan ma loon yimm biaŋinba na.

Jɔɔnn 17:23

N be bi ni, ki a mun be n ni, a bin fit lian taan mɔyomm chib. Ŋannii sa te ki tingbouŋ na ŋaateeb-n bann nan fine tumin, ki bi sa bann nan a loonib kaman nan fa loon min biaŋinba na.

Rom Teeb 13:8

Daa mɔk sɔɔ panni. Ya sii mɔk pann nba tee, yii loon man i leeb. Wunba loon u lɔɔ, li daanɔ gbeen Yennu sennu na kura.

Efesus teeb 1:4

Yennu nba poŋ daa din ki nan tingbouŋ yoonba nawa ki u din gannit a tii tee u niib Yisa Masia paak, kii tee popeendamm ki daa mɔk biit u boor ni. Kimaan Yennu loonit,

Efesus teeb 4:3

Yennu Seyeeŋ nba din turi mɔtaauk nba na, yi yabir i mɔŋ kii be nan parmaasir.

Efesus teeb 5:2

ki ŋaan ki loomm-ii dia-i kaman nan Masia nba din loont bonchiann ki gaar ti paak ki kpo ki teen mannu nba ki Yennu loon na.

Kolosa teeb 2:2

N yaa bi para-n chee, ki bin lakin taan leeb nan loomm, ki bann Yisa barii paak, ki teenɔ yada nan barmɔnii, ki daa mɔk birsuku, ki bann Yennu woonin ni labaar maŋ, linba tee Masia po;

1 Tesalonika teeb 4:9

Li ki kpaa talas ki tin sɔb gbouŋ ki tiari ya sii loon Masiaweira biaŋinba. Yennu mɔŋe poŋ wanni biaŋinba ki i sii loon i leeb.

1 Timoti 1:5

Ŋaan n kpaanii maŋ paak tee a lin fiin loomm nan popeenn nan dudukŋant nan yada nan mɔnii.

Hiibru teeb 6:1

Li paak, ŋaant man ki tii dia saakayan kii tumii Masia barii ki saan tɔɔnn po; ŋaan ŋamm ki tumii u barii bonchiann ki pukin pinpiik ni wannu po; li ji ki kpaa talas a bin ŋamm wanni a Nyikin toonbiit nan kuun sɔnu, ki teen Yennu yada,

1 Piita 4:8

Linba gar bont kur tee a yii loon i leeb man fanu, kimaan loomm dɔkint biit bonchiann.

2 Piita 1:7

ki bia pukin naataann i yentinu maŋ paak; ki bia pukin loomm i naataann maŋ paak.

1 Jɔɔnn 3:10

Ŋaan binba kur ki tuun popeenn toona, bi ki tee Yennu waas kaa. Ki bia jenna, binba kur mun bia ki loon bi naa waasi, bi bia ki tee Yennu waas kaa. Ŋannii want binba tee Yennu waas nan binba tee Sintaanii waas.

1 Jɔɔnn 3:23

Ki nee tee u sennu maŋ, a ti teen u Bija Yisa Masia yada kii loon ti leeb kaman nan wa din sennit sennu biaŋinba na.

1 Jɔɔnn 4:21

Ki Yisa din senn sennu ki yet a wunba loon Yennu, see ki wuu biakii loon u naa bik mun.