Kolosa teeb 3:12 - Yennu Gbounpaauŋ Mɔɔr

¹² Li paak, ya tee Yennu nigannkab ki tee popeendamm ki bia tee u walonkai na, yii mɔk ninkpabauŋ, nan burchint, nan sikininmɔŋ, nan soonna binbeŋ, nan sukuru,

Yennu Gbouŋ Mɔɔr

¹² Li paak, yaa tee Yennu nigannkab ki tee popeendamm ki bia tee u walonkai na, ii mɔk ninkpabauŋ, nan burchint, nan sikin-n-mɔŋ, nan soon nna binbeŋ, nan sukuru,

Kolosa teeb 3:12 ပူးပေါင်းရင်းမြစ်များ

Matiu 24:22

Yennu-i taŋŋi kii wat daa maŋ yabinti, sɔɔ tan kan tinni; ŋaan u nigannkab paak ki u tan sa wat daa maŋ yabint.

Matiu 24:24

kimaan li yoo maŋ, faak Masianba nan faak sɔkiniinba tan sa nyi ki tuun nyina nan bakitnauŋ toonjaana a bin kpann niib; ki li-i taŋŋi fit gbaa, bi tan sa kpann Yennu nigannkab tiauŋɔ gbaa.

Matiu 24:31

Gatgaak tan sa bui, ki n tun n malakanba ki bin saan ki saa tikir n nigannkab nba be tingbouŋ na loka ŋanna na kur po ki baar.

Barŋanii nba ki MAK din sɔb nae na 13:20

Ŋaan ti Yomdaanɔ wat daa maŋ yabinta. Li-i tee ki u bo ki watiri, sɔɔ bo tan kan tinni, ŋaan u nifogannkab paak ki u wat daa maŋ yabint.

Barŋanii nba ki MAK din sɔb nae na 13:22

kimaan faak Masianba nan faak sɔkiniinba tan sa baar ki tuun nyina nan bakitnauŋ toona, a bin kpann niib. Ki li-i taŋŋi sa fit gbaa, bi tan sa kpann binba tee Yennu nifogannkab tiauŋɔ gbaa.

Barŋanii nba ki MAK din sɔb nae na 13:27

N tan sa tun malakanba tingbouŋ na loka ŋanna na kur po ki bin tikir Yennu nifogannkab ki lakimm.

Barŋanii nba ki LUK din sɔb nae na 1:78

Barmɔniie, ti Yennu mɔk ninbatinu nan burchint, ki ti tinnu daar maŋ tan sii tee nan yendoor nee,

Barŋanii nba ki LUK din sɔb nae na 18:7

Wa yaa a u sa turɔ mɔnii na, ki Yennu nigannteeb nba meiɔ yennu nan nyiɔk na, ŋɔɔ Yennu kan bu ki turibii? U sa yukiraa?

Rom Teeb 1:7

Li paak, ki n sɔbin gbouŋ na ki teen yimm nba be Rom doo ni, ki Yennu looni ki ganni a i teen u mɔŋ niib na. Ti Baa Yennu nan ti Yomdaanɔ Yisa Masia-n sommi, ki bia turi parmaasir.

Rom Teeb 13:14

Yii tee man kaman nan ti Yomdaanɔ Yisa Masia nba tee biaŋinba na, ŋaan nyik i gbanant loonbiit, ki daa dukii li po jiki.

Rom Teeb 9:11

Yoo nba ki bi daa din ki marib ki bi ki tun linba ŋan amii linba bi na, ki Yennu din yet a bikperik na tan sii tee waarɔ po na jiamɔ. Yennu din yet nna a u loomm na-n saan tɔɔnn. Li paak, u loomm na tee wun gann niibe, li ki tee bi toona paak kaa ki bi tee u niibi; ŋaan li tee wa loon ki gann nee.

1 Korint teeb 13:4

Wunba mɔk loomm, u mɔk sukurue nan burchint niib paak; u ki mɔk funfunn, ki bia ki mɔk wantinmɔŋ, ki bia ki mɔk dontinmɔŋi.

2 Korint teeb 6:6

Ti tee popeendamme, ki ti mi Yennu mɔmaan, ki mɔk sukuru nan burchint, ki gbee nan Yennu Seyeeŋ, ki loon niib,

Galasia teeb 5:6

Kimaan ti-i be Yisa Masia ni, ti-i lekii pot ti puna amii ti-i kii poti, li ki kpaa talasi. Ti-i teen Yisa Masia yada ki loon leeb, ŋanne tee linba kpaa talas.

Efesus teeb 1:4

Yennu nba poŋ daa din ki nan tingbouŋ yoonba nawa ki u din gannit a tii tee u niib Yisa Masia paak, kii tee popeendamm ki daa mɔk biit u boor ni. Kimaan Yennu loonit,

Efesus teeb 4:2

Yii sikint i mɔŋ, kii be soonna nan sukuru, kii mɔk yandiŋir nan i leeb, nan loomm.

Efesus teeb 4:24

kii mɔk binbenpaaŋ nba ki Yennu turi na, kii naan Yennu, kii be fanu, kii tee popeendamm nan barmɔnii.

Efesus teeb 4:32

Yii tee burchimm nan ninkpabauŋ damm man i leeb boor. Yii nyikit leeb biit kii chabitib kaman nan Yennu nba nyikit i yara ki chabiti biaŋinba Masia paak na.

Filipi teeb 1:8

Yennue tee n siara daanɔ nan n yan set be i ni nan Yisa Masia mɔŋ mɔŋ loomm.

Kolosa teeb 3:10

ŋaan ji mɔk linba tee binbenpaaŋe. Binbenpaaŋ nee ki Yennu nba tee li nantɔɔ na pantir yoo kura, ki li naan u mɔŋ binbeŋ, a wun te ki yin bannɔ setik nan mɔnii.

1 Tesalonika teeb 5:15

I kpan daa tuun biit ki jiint biit paaki, ŋaan yii te ki lii tee i lor yoo kur nan yin tun linba ŋan ki tur i leeb nan sɔɔ kur man.

2 Timoti 1:9

Ŋɔɔ Yennue tinnit ki yiinit a tii tee popeendamm; wa yiinit biaŋinba, li ki tee ti toonŋana paak kaa, ŋaan u mɔŋ din senn a u sa tint ninbaauk Yisa Masia paak; u din senn nnee yoo nba ki u daa ki nan dunia na.

2 Timoti 2:10

Ŋaan Yennu nigannkab na paak ki n lek di sukuru fara kura ni, a bin mun la tinnu Yisa Masia paak, kii mɔk parpeenn nba kaa gbennu na.

Taitus 1:1

Min Pɔɔl, wunba tee Yennu daabir nan Yisa Masia toomii na, mine ki Yennu gannin ki tumin u nigannkab boor a n chee bi yada, ki te bin bann u barmɔnii labaar nba wantit yentinu sɔnu.

1 Piita 1:2

Ti Baa Yennu dɔŋ ki ganni ki mi nan yimm tan sa teen u niiba, ki u Seyeeŋ te ki i tee popeendamm, ki u ganni a yii saak Yisa Masia mɔb, ki u wuur i para nan u sɔn. Yennu-n sommi, ki bia turi parmaasir bonchiann.

2 Piita 1:10

N naa waas, Yennue yiini ki ganni, li paak, yi ŋamm yabir i mɔŋ paak man, ki te ki lin set wann nan i tee u niibe. Li-i tee ki i tuun linba na i kan mi ki baa;

1 Jɔɔnn 4:19

Yennue sint loonit; ŋanne teen ki ti mun mɔk loomm.

2 Jɔɔnn 1:13

A niipoo wunba ki Yennu gannɔ na, u waas foonta.

Fiitu 17:14

ki bi tan sa kɔn nan Pebik na, ki Pebik na sa nyannib, kimaan u tee yomdamm kur Yomdaanɔ, nan kpanbara kur Kpanbar, ki u poorpoweiteeb mun tee binba ki u yiinib ki gannib, ki bi bia tee yadadamm.