Kolosa teeb 3:11 - Yennu Gbounpaauŋ Mɔɔr

¹¹ Li paak, bɔkitu ji kaa binba tee Juu teeb nan binba ki tee Juu teeb sinsuuk ni; binba pot puna nan binba ki pot kura ji ki mɔk bɔkitu nan leebi; bɔkitu ji kaa muuk ni niib nan doo ni yab sinsuuk ni; bɔkitu bia kaa daaba nan yentinmɔŋ damm sinsuuk ni, ŋaan i kur tee Masia yab, ki u be i kur ni.

Yennu Gbouŋ Mɔɔr

¹¹ Li paak, bɔkitu ji kaa binba tee Juu teeb nan binba ki tee Juu teeb sinsuuk ni; binba pot puna nan binba ki pot kura ji ki mɔk bɔkitu nan leebi; bɔkitu ji kaa nigamm nan muuk ni yab sinsuuk ni; bɔkitu bia kaa daaba nan yent-n-mɔŋ damm sinsuuk ni, ŋaan i kur tee Masia yabe, ki u be i kur ni.

Kolosa teeb 3:11 ပူးပေါင်းရင်းမြစ်များ

Jɔɔnn 14:23

Ki Yisa jiin betɔ a “Daanɔ nba loonin, u sii saak n maan, ki n Baa Yennu sii loonɔ, ki min nan n Baa Yennu sa baar u boor ki sii yɔɔ be u ni.

Jɔɔnn 15:5

“Mine tee tiik maŋ, ki yimme tee li yiinii. Wunba gaa n paak, ki n mun be u ni, ŋɔɔe sii lôon lɔɔna bonchiann, kimaan mi-i kaa i ni, i kan fit tun siari.

Jɔɔnn 17:23

N be bi ni, ki a mun be n ni, a bin fit lian taan mɔyomm chib. Ŋannii sa te ki tingbouŋ na ŋaateeb-n bann nan fine tumin, ki bi sa bann nan a loonib kaman nan fa loon min biaŋinba na.

Toona 15:17

a ki li paak, nisiab kur nba be tingbouŋ na ni ki ki tee Israel teebi, ŋaan ki n gannib na a bin nakin min nba tee bi Yomdaanɔ.

Toona 28:2

Leŋ niib din diat bonŋann, kimaan saak din baa, ki waat be bonchiann, ki bi joo mugann ki turit a ti nanii, ŋaan teen ti kur sommir sommir.

Toona 28:4

Ki leŋ niib nba la ki waauk na jɔɔn Pɔɔl nuu paak, ki bi ji beer bi leeb a “Jɔɔ na kpan tee nikpiiruko. Wa lek tinn u mɔŋ mɔkgbeŋŋir nna, ŋaan kpeemm ŋarin kan nyikɔ ki wuu be u manfoor ni.”

Rom Teeb 1:14

Li kpaa talas ki n bet niib kura barŋanii na po, binba mɔk yan, nan binba ki mɔk yan, nan binba mɔk ninyentir nan binba ki mɔk ninyentir.

Rom Teeb 10:12

Bɔkitu kaa Juu teeb nan binba ki tee Juu teeb sinsuuk ni, Yennu kuukɔɔ nee tee ti kura Yomdaanɔ, ki binba kur meiɔ, u sommitib nan burchintuk.

Rom Teeb 3:22

Yennu te ki nisaarii kur nba teen Yisa Masia yada nee tee niŋamm u tɔɔnn, li nyii ba teen Yisa Masia yada nie, ki lukitin kaa,

Rom Teeb 3:29

Yennu tee Juu teeb kuukɔɔ Yennuee? Aaii, u tee Juu teeb nan binba ki tee Juu teeb Yennue.

1 Korint teeb 12:13

Ti kura nba tee Juu teeb, nan binba ki tee Juu teebi, nan daaba, nan yentinmɔŋ damm, bi wur ti kur Yennu nyunwuru u Seyeeŋ yenɔkɔɔ sann ni a ti taan teen gbananyennkɔɔ; ki li Seyeeŋ yenɔkɔɔ maŋ bia gbeen ti kura.

1 Korint teeb 7:19

Wunba pot nan wunba ki pot, li kur tee yanne. Linba mantik tee barkpaann tee i dia Yennu sennu bonŋann.

Galasia teeb 2:20

Li paak, li ji ki tee min nba fo na kaa, ŋaan li tee Masia nba fo ki be n ni nee. Mɔtana, ma mɔk manfoor ki be n gbanant ni na, n be ki teen Yennu Bija Masia yada; ŋɔɔe loonin ki din gaar n paak ki kpo.

Galasia teeb 5:6

Kimaan ti-i be Yisa Masia ni, ti-i lekii pot ti puna amii ti-i kii poti, li ki kpaa talasi. Ti-i teen Yisa Masia yada ki loon leeb, ŋanne tee linba kpaa talas.

Efesus teeb 1:23

U nigannkab maŋe tee u gbanant. Ŋamme gbee u gbanant maŋ ni, ki u mun jii piinii kur ki gbeen bi ni.

Efesus teeb 2:14

kimaan ŋɔɔe taan Juu teeb nan binba ki tee Juu teeb ki teemm niyenɔkɔɔ, ki parmaasir baar; u gbanant paak ki u biir dataar nba din tuu puun bi sinsuuk ni na.

Efesus teeb 2:15

U din kpeen Juu teeb sennu nan li kɔɔt na kura a wun te parmaasir-n baar nibooru munnlee maŋ sinsuuk ni, ki bii be u ni ki taan kii tee nipaamm yenɔkɔɔ.

Efesus teeb 3:17

n bia meiɔ a Masia-n jii i para ki teen u binbeboor i yada paak. N meiɔ a wun te ki i fit set chib, ki baa jiina ki fɔkin fiakir, ki loomm na-ii paar,

Efesus teeb 3:6

U woonin ni lor maŋ tee nee: barŋanii maŋ paak ki binba ki tee Juu teeb na ji fit taan la yiar Yendɔuŋ ni nan Juu teeb; ŋaan bia taan namm ki tee gbananyennkɔɔ ki fit mɔk namm wa din senn mɔsonn nba Yisa Masia ni na.

Efesus teeb 6:8

kii tian nan ti Yomdaanɔ tan sa tur wunba yen u mɔŋ nan daabir kura bi toonŋana paauko.

Kolosa teeb 2:10

ki i gaar manfomunn yimm nan u benu ni. Ŋɔɔe tee yudamm nan paŋ damm kura paarɔ.

1 Jɔɔnn 5:20

Ti mi nan Yennu Bija Yisa din sik tingbouŋ na ni ki tan turit yan a tii bant barmɔnii Yennu. Ta gaa nan u Bija Yisa Masia na paak, ŋanne bia te ki ti gaa nan u Baa Yennu paak; ki ŋɔɔe set tee barmɔnii Yennu, ki bia tee daanɔ nba teent manfoor nba kaa gbennu.

2 Jɔɔnn 1:9

Daansɔɔ nba ki gaan Yisa Masia wannu bonŋann ŋaan pukii u mɔŋ yar, Yennu ki be nanɔ, ŋaan wunba saak wannu maŋ ki ki nyikiti, ti Baa Yennu nan u Bija Yisa Masia kur be u ni.