Kolosa teeb 3:10 - Yennu Gbounpaauŋ Mɔɔr

¹⁰ ŋaan ji mɔk linba tee binbenpaaŋe. Binbenpaaŋ nee ki Yennu nba tee li nantɔɔ na pantir yoo kura, ki li naan u mɔŋ binbeŋ, a wun te ki yin bannɔ setik nan mɔnii.

Yennu Gbouŋ Mɔɔr

¹⁰ ŋaan ji mɔk linba tee binbenpaaŋe. Binbenpaaŋ nae ki Yennu nba tee li nantɔɔ na pantir yoo kura, ki li naan u mɔŋ binbeŋ, a wun te ki yin bannɔ setik nan mɔnii.

Kolosa teeb 3:10 ပူးပေါင်းရင်းမြစ်များ

Jɔɔnn 17:3

Ki manfoor maŋe, ki niib sa nakin bann fin nba tee Yennu nan barmɔnii, ki sɔɔ ji kaa; ki bi bia mun sa bann min, Yisa Masia, wunba ki a tumɔ na.

Rom Teeb 12:2

I daa te ki i binbeŋ tee kaman nan tingbouŋ na niib binbeŋ na, ŋaan ŋaant ki Yennu-n lebit i dudukit nan barmɔnii, kii ŋamm i binbeŋ fanu; ŋanne ki i sa bann Yennu yanbɔɔt nba ŋan ki bia tee fanu ki gbenn.

Rom Teeb 13:12

Nyiɔk na bɔnn ki gaare, ki li ji loon lin yent. Li paak, ŋaant man ki tin nyik bunbɔnn ni toona nba tee toonbiit na, ŋaan jii tɔbtiat nba ki Yennu teent na.

Rom Teeb 13:14

Yii tee man kaman nan ti Yomdaanɔ Yisa Masia nba tee biaŋinba na, ŋaan nyik i gbanant loonbiit, ki daa dukii li po jiki.

Rom Teeb 6:4

Li paak, ti din kpoe nan Yisa Masia ki bi lakin piit nanɔ Yennu nyunwuru ni; ki u Baa Yennu din jii u paŋ ki fiinɔ kuun ni, nnee ki ti mun fiir a tii be manfopaann ni.

Rom Teeb 8:29

U poŋ din senn nan binba ki u yiimm na a bi binbeŋ-ii tee kaman nan u Bija binbeŋ nee, ki Bija na-n teen Bikperik, waas bonchiann sinsuuk ni.

2 Korint teeb 3:18

Li paak, chinchenn maŋ ji ki dɔɔk ti kura nunii po, ki ti laat ti Yomdaanɔ nba mɔk ŋant bonchiann biaŋinba, ki li kpintit ki ti naan nanɔ, ki ti ŋant bia pukii yoo kura, ki ŋant maŋ nyi ti Yomdaanɔ nba tee Seyeeŋ na boor nie.

2 Korint teeb 4:16

Li paake te ki ti ki mɔk kpinkpangbatuku; hali nan ti gbananchɔkint maŋ nɔɔk ni gbaa, ŋaan Yennu pantir ti seek daar-n tuu daar.

2 Korint teeb 4:6

Yennu nba din yet a “Yentu-n yent bunbɔnn ni” ŋɔɔe te ki u yentu na yentir ti para ni, a ti bann u yentsaakar nba tee biaŋinba; ki li yentu yeen Yisa Masia numm po.

2 Korint teeb 5:17

Li paak, nirɔ nba be Masia ni, li yɔɔ ji tee nipaamɔɔe; u binbenkper kur ji gara; gotir man, binbenpaaŋ ji dɔkit li yɔɔ niwa.

Galasia teeb 3:27

Yimm nba ki bi din wuri Yennu nyunwuru Masia sann ni na, yimme gaar u mɔŋ mɔŋ binbeŋ.

Galasia teeb 6:15

Bɔkitu kaa wunba pot u punn nan wunba ki pot u punn sinsuuk ni. Linba ji kpaa talas tee binbenpaaŋ nba ki Yennu turit nee.

Efesus teeb 2:10

Yisa Masia nie ki Yennu teent ta tee binba, ki turit toonŋana binbeŋ a tii tuun linba ki u din poŋ lor a ti tun na.

Efesus teeb 2:15

U din kpeen Juu teeb sennu nan li kɔɔt na kura a wun te parmaasir-n baar nibooru munnlee maŋ sinsuuk ni, ki bii be u ni ki taan kii tee nipaamm yenɔkɔɔ.

Kolosa teeb 3:12

Li paak, ya tee Yennu nigannkab ki tee popeendamm ki bia tee u walonkai na, yii mɔk ninkpabauŋ, nan burchint, nan sikininmɔŋ, nan soonna binbeŋ, nan sukuru,

Kolosa teeb 3:14

Yi pukin loomm; ŋanne fan ki gar binbeŋ kur, ki taan dia li kura nan barmɔnii mɔtaauk.

Filemonn 1:6

N mei Yennu a timm nan fin nba taan ki teen Masia yada na paak, li sa te ki tin bann fanu binbenŋaŋ nba tee ti yar u ni na.

Hiibru teeb 6:6

ŋaan ji tan yêt Masia weiu. Li ji paar nan bin ji tan jen lebit bi dudukit, kimaan bi bia kpi Yennu Bija maŋe dapunpunn paak ki dintɔ fei paanu ni.

1 Jɔɔnn 2:3

Ti-i dia Yennu sennii, ŋanne sa wann nan ti set miu,

1 Jɔɔnn 2:5

Ki bia jenna, wunba dia u maan, ŋɔɔe set loon Yennu nan u yan kur. Ki bia jenna, daanɔ nba yaa a u gaa u paak, see ki u binbeŋ-ii tee kaman nan Yisa binbeŋ nba din tee biaŋinba na. Ŋanne ki u sa bann nan u gaa Yennu paak.

Fiitu 21:5

Ki wunba kar naangbouŋ maŋ paak na yet a “Nnara, n tee bont kur bonpaann nee.” Ŋanne ki u bia betin a n sɔbir, a kimaan mɔbona na tee mɔniie ki tee linba ki yada be li ni.