Kolosa teeb 3:1 - Yennu Gbounpaauŋ Mɔɔr

¹ I din fiir nan Masia kuun ni, li paak yi jii i para gaan nan sanpaapo bona, siaminba ki Masia kar Yennu niidiitu po na.

Yennu Gbouŋ Mɔɔr

¹ I din fiir nan Masia kuun niwa, li paak, ii jii i para ki gaan nan sanpaapo bona, siaminba ki Masia kar Yennu niidiitu po na.

Kolosa teeb 3:1 ပူးပေါင်းရင်းမြစ်များ

Matiu 22:44

‘Ti Yomdaanɔ Yennu din yet n Yomdaanɔ a Karin n nuudiitu po mɔkmɔk nan ma tan sa te fan ŋmaa a datai a taapauŋ ni.’

Matiu 26:64

Ki Yisa jiin a “Nn, fine yaa. Ŋaan n beerie, la nyii mɔtana ki jii saa, i tan sa la min nisaarik Bik ki n kar Yabint Yennu nuudiitu po, ki bia tan sa lan ki n be sanpagbana ni ki siik.”

Matiu 6:20

ŋaan bɔr a mɔkint Yendɔuŋ ni, siaminba ki bonŋmiŋmabit nan tintanii kan fit ki biiri, ki nanyukib bia kan fit kɔɔ ki jami;

Matiu 6:33

Ŋaant man ki i baka-ii be Yennu naan ni nan yentinu ni labaar, ki u sa jii bona nba na kur ki turi.

Barŋanii nba ki MAK din sɔb nae na 12:36

kimaan Yennu Seyeeŋ nba din gbee nan David ki u yet a, ‘Ti Yomdaanɔ Yennu din bet n Yomdaanɔ a Karin n nuudiitu po mɔkmɔk nan ma tan sa te fan ŋmaa a datai a taapauŋ ni.’

Barŋanii nba ki MAK din sɔb nae na 14:62

Ki Yisa jiin a “Nn, mine na. I tan sa la min nisaarik Bik ki n kar Yabint Yennu nuudiitu po, ki bia tan sa lan ki n be sanpagbana ni ki siik.”

Barŋanii nba ki MAK din sɔb nae na 16:19

Tɔn, ti Yomdaanɔ Yisa nba pak barii na ki gbenn yoonba, ki Yennu te ki u doo sanpaapo ki saa kar ŋɔɔ Yennu nuudiitu po.

Barŋanii nba ki LUK din sɔb nae na 12:33

Li paak amii, kɔin i bona nba ki i mɔk ki jii li likirii ki tur talasdamm, ki i tan sa la mɔkint nba ki mɔk gbennu. Mɔkint maŋ sii be Yendɔuŋ ni, ki kan wati, kimaan nanyukɔɔ kan kpian leŋi, ki bonŋmiŋmabit bia kan mɔɔri.

Barŋanii nba ki LUK din sɔb nae na 20:42

Kimaan Yennu gbouŋ ni ki David mɔŋ mɔŋ sɔb yanii gbouŋ nɔɔk ni a ‘Ti Yomdaanɔ Yennu yet n Yomdaanɔ a: Karin n nuudiitu po

Barŋanii nba ki LUK din sɔb nae na 22:69

La nyii mɔtana ki jii saa min nisaarik Bik tan sii kar Yabint Yennu nuudiitu po.”

Toona 2:34

David nba ŋarin din kpo na, u din ki doo Yendɔuŋ ni nan u gbananti. Tɔn, u buntir maŋ din ki want u mɔŋ donnu po kaa, ŋaan u din want Yisa poe, ki din yet a ‘Ti Yomdaanɔ Yennu yet n Yomdaanɔ Masia a Karin n niidiitu po

Toona 7:55

Ŋanne ki Yennu Seyeeŋ fiir Stiifen ni, ki u yaat ki got Yendɔuŋ ni, ki la Yennu yentsaakar, ki Yisa see ŋɔɔ Yennu niidiitu po;

Rom Teeb 8:34

Ŋmee be ki sa bu bi buut ki biiribi? Sɔɔ kaa. Yisa Masia wunba din kpo ki fiir kuun ni na amii? Yisa Masia wunba be Yennu niidiitu po ki tee ti sindantinnɔ na amii?

Rom Teeb 8:6

Fi-i jii a yan ki gaan nan nisaarik loomm, li tee kuume, ŋaan fi-i jii a yan ki gaan nan Yennu Seyeeŋ loomm na, li tee manfoore nan parmaasir.

2 Korint teeb 4:18

kimaan ti baka kaa linba ki ti laat na po kaa, ŋaan ti baka be linba ki ti ki laat na poe; kimaan linba ki ti laat na, li kan yukiri ki li tan sa gar, ŋaan linba ki ti ki laat na ŋanin tan sii be nan yoo nba kaa gbennu.

Efesus teeb 4:10

Ŋɔɔ nba din sik tingbouŋ na ni maŋe bia din doo sanpanagbeŋ na.

Efesus teeb 5:22

Poob, ya baakit Masia biaŋinba na, yii saak i sɔrib mɔi,

Kolosa teeb 2:20

I kpo nan Masia, ki u fati dunia ni bona paŋ yent ni, ki bee ki i jin be kaman nan i bia daa tee tingbouŋ na yabi? Bee te ki i jɔbi i mɔŋ tee sennii nba yaa a

Kolosa teeb 3:2

Yii lor i dudukit nan leŋ bona na, ŋaan daa lorinn nan tingbouŋ na bona kaa,

Hiibru teeb 1:13

Tɔn, Yennu daa ki mi bet malakasɔɔ a “Karin n nuudiitu po nna na mɔkmɔk ki man tan jii a datai na ki teemm a taakpakta.”

Hiibru teeb 1:3

Ŋɔɔe tee Yennu mɔŋ mɔŋ ninnauŋ, ki yentir Yennu yentu na, ki dia dunia yaka kur nan u mɔmaan nba mɔk paŋ. Wa din tun linba sa te ki niib-n la nyikinchabu bi biit paak yoonba na, ki u ji kar ti yabint Yennu nuudiitu po Yendɔuŋ ni.

Hiibru teeb 10:12

Ŋaan Masia ŋanin din mann marouŋ yomkɔɔe, linba mɔk yikoo yoo kur biit paak, ŋaan ŋmat doo Yendɔuŋ ni ki kar Yennu nuudiitu po.

Hiibru teeb 12:2

Ŋaant ki tin kpan kpaa ti ninbina Yisa paak; ŋɔɔe ki ti yada gaa u paak li pinpiik niwa nan li joontu ni na. Dapunpunn na din ki te ki u nyik u yabiru, kimaan parpeenn nba din baat u paak na paak, u din ki dukin ki li mɔkɔ fei nan wun kpo li dapunpunn paaki, ŋanne te ki u ji kar Yennu naangbouŋ paak u nuudiitu po mɔtana.

Hiibru teeb 8:1

Barii na barnɔɔk want nan ti mɔk mantɔyudaanɔ nba tee nna mun, ki kar Yennu nba mɔk paŋ kur na naangbouŋ nuudiitu po Yendɔuŋ ni,

1 Piita 3:22

U saan Yendɔuŋ nie ki be Yennu nuudiitu po, ki malakanba nan yentdamm kur saak u mɔb.