Kolosa teeb 2:8 - Yennu Gbounpaauŋ Mɔɔr

⁸ Li paak, i daa te ki sɔɔ dia nisaarik yan kpinkpann-yana ki kpanni; linba ki gaa nan Masia po, ŋaan tee tingbouŋ na yan nan nisaarik wannu,

Yennu Gbouŋ Mɔɔr

⁸ Li paak, i daa te ki sɔɔ dia nisaarik yan kpinkpann-yana ki kpanni; linba ki gaa nan Masia, ŋaan tee tingbouŋ na yan nan nisaarik wannu,

Kolosa teeb 2:8 ပူးပေါင်းရင်းမြစ်များ

Matiu 10:17

I mi man niib po, kimaan bi tan sa soori saan nani barbuteeb boor ni, ki bia booi bi jiantu diit ni.

Matiu 16:6

Ŋanne ki u betib a “I mi man Farisiinba nan Sajusiinba datinii na po.”

Matiu 7:15

“I mi man faak sɔkiniinba na po, binba baat i boor ni ki naan nan pei na, ŋaan tee kinkata nan barmɔnii na.

Toona 17:18

Ki saakayandaansiab nna din be, ki bi yi bi yemm Epikurus teeb, ki leeb mun Stoik teeb, ki bi mun tan baar ki faa labaar nan Pɔɔl. Ki bi siab tan pak nan bi leeb a “Barifoouk daanɔ nba want u mɔŋ na mun yeen bee na?” Ki bi yemm jiin a “Li taan tee nan u piak digbangana yennii poe na.” Bi din yet nna maŋ, kimaan Pɔɔl mɔɔntir Yisa po nan u kuunfiiru po.

Toona 17:32

Ba gbat ki Pɔɔl pak kuunfiiru po na, ki siab laa ki sarikitɔ, ŋaan ki siab mun yaa a “Ti bia loon ki tin ŋamm gbiint linba ki a sa pak nee.”

Rom Teeb 16:17

N naa waas, n kpaaniie, i mi man binba bɔkitir Yisa niib ŋaan dɔkib u sɔnu ni na ŋaan bia ki saak wannu nba ki i gaar na; lɔkitirib man;

1 Korint teeb 10:12

Li paak, wunba mi nan u be fanu, wun soor u mɔŋ ki daa baa.

1 Korint teeb 8:9

I mi man, li pasiar yin tan jii i yaak na ki lin kpant baruk ki tur niib nba yada waar na ni.

2 Korint teeb 10:5

ki nyant niib nba mɔk karinbaanii ki dukii a bi mɔk yan ki gar Yennue, a ti te ki sɔɔ kur dudukit-n sak gaar Masia.

Galasia teeb 1:14

Timm Juu teeb jiantu sɔnu ni, mine din gar tɔɔnn ti waakir ni, kimaan n din jii n par kura ki waa ti yejamm kaar nba want linba.

Galasia teeb 4:3

Ti mun tee nnee; yoo nba ki ti din tee kaman nan bonbunna Yennu sɔnu ni, dunia nna seek paŋe din tuu diat.

Galasia teeb 4:9

ŋaan mɔtana i bann Yennuwa, ki Yennu mun mi-i, li jin teen nlee ki i loon ki i ŋmat tunn ki wei bonsiar nba ki mɔk yaak nba sa sommi na boor ni? Bee teen ki i jin loon ki i bia kpant bi daaba?

Galasia teeb 5:15

Ŋaan li-i tee ki i tee i leeb danii ki biir i leeb kaman nan muuk ni bonkobit na, i set sa baan i leeb yann na.

Efesus teeb 2:2

I din waa tingbouŋ na narinbiit sɔnue ki sak tingbouŋ na bat Sintaanii nba dia niib nba ki saak Yennu mɔb na.

Efesus teeb 4:20

Ŋaan yimm din ki tumii ŋann kaa Masia boor ni.

Efesus teeb 5:6

Kimaan li toonbiit tumu paake te ki Yennu wutoor baat mɔyêtdamm paak. I daa te ki sɔɔ-n jii u jat wannu ki kpanniini.

Filipi teeb 3:2

I mi man biitdamm na, nisiab nba naan nan bɔi na, ki pot bi gbanant na.

Kolosa teeb 2:18

Sɔɔ-i yaa ŋɔɔe gar leeb ki laat yerintii ki loon a yi sikin i mɔŋ kii jiantir malakanba, i daa saak man; nna sa biiriwa. Li daanɔ dont u mɔŋ u dudukbiit ni, ŋaan ki li kaa paaki;

Kolosa teeb 2:20

I kpo nan Masia, ki u fati dunia ni bona paŋ yent ni, ki bee ki i jin be kaman nan i bia daa tee tingbouŋ na yabi? Bee te ki i jɔbi i mɔŋ tee sennii nba yaa a

Kolosa teeb 2:22

linba ki nirɔ sa di ki lin biir ki kan yukiri. Li sennii tee nisaarii wannue.

Kolosa teeb 2:23

Setik nan mɔniie, li sennboorii naan linba mɔk yame, ŋaan li ki mɔki; bi jiantir ba loon biaŋinbae, ki sikint bi mɔŋ, ki mukis bi gbanant; ŋaan nirɔ-i wei linba na kur, li kan fit sommɔ ki wun dia u gbanant loommu.

1 Timoti 6:20

Timoti, i guu barŋanii nba ki Yennu jii ki teen a nuu ni na. A nyik jat mɔniɔk nan labafaanu nba ki mɔk nyɔɔt ki bia ki tee Yennu yari, ki nisiab yir “bannu” na;

2 Timoti 3:13

ki nibiit nan kpinkpannii damm lek tan sii ŋammit pukii bi bitime, ki kpann leeb, ki bi leeb mun sa kpannib.

Hiibru teeb 13:9

I daa ŋaant ki wannsaanbooru booru-n te ki i boti, ki i tan sa mann tut sɔnŋanu maŋ. Li ŋan ki Yennu sommir-n tur nirɔ paŋ u par ni; jeet sennii weiu kan turɔ paŋi. Nisiab nba dia jeet sennii poŋ ki laat sommsiar li ni.

Hiibru teeb 3:12

Tɔn, n naasinyɔɔsinba, yi bann i yan ni ki sɔɔ daa tee biitdaanɔ ki kɔŋŋit yada ki tan mann ŋmat poor ki nyik manfodaanɔ Yennu na.

1 Piita 1:18

Kimaan i mi nan Yennu nba nyinni binbenbiiuk nba ki i din gaar i baanba boor na, u ki jii bont nba sa biir kaman nan likirii na kaa ki pa,

2 Piita 3:17

N naa walonkai, i poŋ mi ba tee biaŋinba. Yimm nba waa barmɔnii na, yi bann i yan ni man, ki daa waa biitdamm faak sɔnii na, ŋaan yabir ki daa baa i sinsee boa.

2 Jɔɔnn 1:8

Li paak, i mi man kii tan kɔŋ linba ki ti poŋ yabir i paak na, ki i tan sa la i nyɔɔt kur Yennu boor ni.