Kolosa teeb 2:2 - Yennu Gbounpaauŋ Mɔɔr

² N yaa bi para-n chee, ki bin lakin taan leeb nan loomm, ki bann Yisa barii paak, ki teenɔ yada nan barmɔnii, ki daa mɔk birsuku, ki bann Yennu woonin ni labaar maŋ, linba tee Masia po;

Yennu Gbouŋ Mɔɔr

² N yaa bi para n chee-e, ki bin lakin taan leeb nan lomm, ki bann Yiisa barii paak, ki teenɔ yada nan barmɔnii, ki bann Yennu woonin ni maan nba tee Masia na;

Kolosa teeb 2:2 ပူးပေါင်းရင်းမြစ်များ

Matiu 11:25

Li yoo maŋ ki Yisa din yet a “N Baa Yennu wunba tee sanpaapo nan tingbouŋ na Yomdaanɔ, n piaka, kimaan a bɔr a maan na subindamm nan miteeb, ŋaan fiit wann waase;

Matiu 11:27

“Tɔn, n Baa Yennue wannin barii kura; ki sɔɔ ki mi ma tee wunba, see n Baa maŋ; ki sɔɔ mun bia ki mi n Baa maŋi, see min, u Bija na, nan binba ki n loon ki n fiit wannib na.

Matiu 13:11

Ki u jiin ki betib a “Yimm ŋanin, Yennu chab a yin bann woonin ni barii ki jii jiin u naan po, ŋaan ŋamm ŋanin, u ki chabibi.

Barŋanii nba ki LUK din sɔb nae na 1:1

Chanbaa Teofilus: N loon ki a bann nan maan nba ki bi poŋ daan wanna na, li tee barmɔnii mɔniie. Li piinu ni, nisiab din la linba piin ki teen maŋ ti leeb sinsuuk ni, nan bi ninbina. Ŋamme din tee binba din mɔɔntir maan maŋ po, ki niib bonchiann kot bi mɔŋ paak ki sɔb linba ki bi wannib na. Li paak, n mɔŋ mɔŋ boi ki fiitir bonŋann ki la nan li bonsiar kur nba tee biaŋinba li piinu ni, nan la saa biaŋinba, ki n dukin nan li ŋan n po nan ki n sɔb ki lii tɔɔk sɔnu, ki tura.

Jɔɔnn 10:30

Min nan n Baa maŋ tee yomme.”

Jɔɔnn 10:38

Ŋaan li-i tee ki n tuun ŋɔɔ Yennu toona maŋie, li-i lekii tee ki i ki teenin yada, ŋaan yin teen n toona maŋ yada. Ŋannii ki i sa bann nan barmɔnii nan n Baa Yennu be n ni, ki n mun bia be u ni.”

Jɔɔnn 16:15

Linba kur ki n Baa Yennu mɔk, li tee n yare. Li paake teen ki n yaa ma Yennu Seyeeŋ sii jikit n labaar ki wanti.

Jɔɔnn 17:3

Ki manfoor maŋe, ki niib sa nakin bann fin nba tee Yennu nan barmɔnii, ki sɔɔ ji kaa; ki bi bia mun sa bann min, Yisa Masia, wunba ki a tumɔ na.

Jɔɔnn 5:17

Li paake te ki Yisa din betib a “N Baa Yennu yɔɔ tuume, ki n mun tuun nnee.”

Jɔɔnn 5:23

a ki sɔɔ kur-ii tee-n nibaakir kaman nan ba teen n Baa Yennu nibaakir biaŋinba na. Wunba ki tee-n nibaakir, li want nan u ki teen n Baa Yennu nba tumin na nibaakiri.

Jɔɔnn 6:69

Ki mɔtana ti teena yadawa ki mi nan fine tee Yennu popeendaanɔ.”

Toona 4:32

Li yoo na ki Yisaweira maŋ kura taan leeb nan dudukyent kuukɔɔ, ki chentir bi bona ki teen bi leeb. Bi sɔɔ din ki yaa a u yen siar nan u mɔŋi.

Rom Teeb 15:13

Yennu nba turit dindann na, ya teenɔ yada na paak, ki u sa turi parmaasir nan parpeenn bonchiann, ki ŋɔɔ Yennu Seyeeŋ paŋ sa te ki i dindann na-n ŋamm yabit.

Rom Teeb 16:25

Li ŋan ki tin baak Yennu, kimaan u fit te ki i set waau fanu kaman nan ma mɔɔnt barŋanii ki jiin Yisa Masia po na, ki fiit woonin ni maan nba din bɔr bina bina na.

Rom Teeb 2:4

amii a yisin loonchiauŋ nan sukuru bonchiann nba ki Yennu mɔk nant na amii nlee? a ki mi nan Yennu mɔk burchint nana a wun te ki a nyik a biit na ŋaan kii be fanuee?

1 Korint teeb 14:31

I kur sa fit ki sɔkin Yennu maan yenɔ yenɔ, a i kur-n tumii ki lii kɔɔnti para.

1 Korint teeb 2:12

Seek nba ki ti gaar na, u ki tee tingbouŋ na seek kaa, ŋaan u tee Yennu Seyeeŋ nba sa te ki tin bann piinii nba ki u turite.

Galasia teeb 3:28

Li paak, bɔkitu ji ki be binba tee Juu teeb nan binba ki tee Juu teeb sinsuuk ni, li bia ki be binba tee daaba nan yentinmɔŋ damm sinsuuk ni, li ki be poob nan jab sinsuuk ni; ya be Yisa Masia ni na paake te ki i kura tee yenɔkɔɔ.

Efesus teeb 1:7

Kimaan Yennu nyik chab ti biit ki nyinnit daabsin ni u Bilonkak maŋ sɔn paake.

Efesus teeb 3:16

Yennu paŋ nba yab bonchiann biaŋinba na, n meiɔ a wun turi paŋ maŋ u Seyeeŋ paak, ki paŋ maŋ-ii be i ni,

Efesus teeb 3:3

U din fiit u woonin ni lor na ki wannima.

Efesus teeb 6:22

Li paake ki n tuumɔ i boor ni, ma wun turi labaar ki yin bann ta be biaŋinba, ki wuu biakii kɔɔnti para.

Filipi teeb 2:1

Ya be Masia ni biaŋinbae teeni paŋ, ki u loomm maŋŋit i para, ki i mɔk burchint nan ninbatinu i leeb paak, ki mɔk Seyeeŋ weinanleeb,

Filipi teeb 3:8

Li ki tee li kuukɔɔ kaa ki mɔk nyɔɔt turimi; min yiin bonsiar kura linba kaa nyɔɔte; kimaan ma bann n Yomdaanɔ Yisa Masia ki li bannu nyɔɔt yab bonchiann na paak, kimaan u paake ki n fok bonsiar kur ki lu; min yi li kur tanpenn paak mɔɔte ma n tan la Masia nan n ninbinn,

Kolosa teeb 1:26

Barii maŋe tee woonin ni maan nba ki Yennu din woon sianyoo, ki nibooru kur ki bannir, ŋaan ki u tan fiit wann u niib mɔtana.

Kolosa teeb 1:27

Yennu lor a wun fiit woonin ni maan maŋ ki wann u niib maŋe. U woonin ni maan maŋ ŋan bonchiann, ki tee niib kur yare. Li want nan Masia be i ni; li paak, i mɔk dindann nan i tan sii be fanu ki gbenn.

Kolosa teeb 1:9

Linba na paak, ta daan gbat i po, ti ki nyik Yenmiaru i paaki a ŋɔɔ Yennu-n te ki i bann u loomm nba tee biaŋinba, ŋaan turi Seyeeŋ yan nan li subinii kur,

Kolosa teeb 2:19

u ji ki dia Masia; ŋɔɔ Masia tee u niib yur, ŋaan taamm, ki bi gaa nan leeb kaman nan gbanant tukita nan li jiina na, ŋɔɔ Masiae dintib ki bi nɔbii kaman nan Yennu nba loon biaŋinba na.

Kolosa teeb 3:14

Yi pukin loomm; ŋanne fan ki gar binbeŋ kur, ki taan dia li kura nan barmɔnii mɔtaauk.

Kolosa teeb 4:3

kii biakii meiɔ kii teent ki tin fit la yaak ki mɔɔnt barŋanii ki fiit Masia woonin ni barii, kimaan barii maŋ paake te ki n kɔɔ dansarik na.

Kolosa teeb 4:8

Li paake te ki n tumɔ i boor ni, ma wun beti ti kur nba be biaŋinba, ki i para-n dɔɔr.

1 Tesalonika teeb 1:5

kimaan barŋanii na din ki tee ti mɔb ni mɔmaan kuukɔɔ kaa ki ti din baar nann turiini, ŋaan li bia din mɔk Seyeeŋ yikooe ki ti piakir ki birsuk kaa. Yoo nba ki ti din be i peŋ na, i mi ta din be biaŋinba; i sommir paake ki ti din be nna maŋ.

1 Tesalonika teeb 3:2

ŋaan daan tun ti naa bik Timoti, wunba ki timm nan ŋɔɔ taan tuun ki teen Yennu ki mɔɔntir Masia barŋanii, a wun chee i yada ki kɔɔnni para,

1 Tesalonika teeb 5:14

Ti naa waas, ti barimiie a yi kpaan gbannyakdamm, ki maŋ jaŋmaandamm para, ki somm tarii, ki di sukuru nan sɔɔ kura.

1 Timoti 3:16

Li tee barmɔniie nan Masia labaar nba ki Yennu fiit wannit na sumii bonchiann: U din dɔkit nan gbanante, Yennu Seyeeŋ wann nan u be fanu; ki malakanba din lau. Ki niib din mɔɔnt u labaar ki tur nibooru, ki bi teenɔ yada tingbouŋ na ni, ki Yennu din tan donnɔ sanpaapo ki u la dontir.

Hiibru teeb 10:22

yi ŋaan ki tin chat nakin Yennu boor ni man nan para nba be fanu, nan barmɔnii yada, ki daa mɔk birsuku, nan ti para nba ki Yisa sɔn nyinn dudukbiit li ni na, ki jii ti gbanant nba ki ti din wuur nan nyun nba kaa jakint na.

Hiibru teeb 6:11

Ti loon ki i sɔɔ kur-n yabir u mɔŋ paake mɔkmɔk nan li joontu, ki ya mɔk dindann biaŋinba na, li set sa teen mɔnii ki turi.

2 Piita 1:10

N naa waas, Yennue yiini ki ganni, li paak, yi ŋamm yabir i mɔŋ paak man, ki te ki lin set wann nan i tee u niibe. Li-i tee ki i tuun linba na i kan mi ki baa;

2 Piita 1:3

Yennu paŋ yab bonchiann; ki u teent linba kur tee manfoor nan yentinu yar kimaan ta miu na paak; ŋɔɔe din yiinit u yentsaakar nan u binbenŋaŋ ni.

2 Piita 3:18

Yi ŋamm gaar ti Yomdaanɔ Yisa Masia wunba tee ti Tinntɔɔ na sommir ki pukin man, kii tumii u mɔmaan na. Ŋɔɔe yen dontir ki jikit saa nan yoo nba kaa gbennu. Mɔmɔmm.

1 Jɔɔnn 3:19

Li-i tee ki ti tuun nna, ŋanne ki ti sa bann nan ti waa barmɔnii wannu, ki bia sii mɔk parcheenn Yennu boor.

1 Jɔɔnn 5:7

Tɔn, binba tee siaradamm maŋ tee banntaae;