Kolosa teeb 1:3 - Yennu Gbounpaauŋ Mɔɔr

³ Ti-i mei Yennu i paak yoonba, ti teen ŋɔɔ Yennu wunba tee ti Yomdaanɔ Yisa Masia Baa na niipoouk yoo kura,

Yennu Gbouŋ Mɔɔr

³ Yoo nba kur ki ti mei Yennu nba tee ti Yomdaanɔ Yiisa Masia Baa na i paak, ti teenɔ niipoouko,

Kolosa teeb 1:3 ပူးပေါင်းရင်းမြစ်များ

Rom Teeb 15:6

ki i kura sii mɔk dudukyennkɔɔ ki dont Yennu wunba tee ti Yomdaanɔ Yisa Masia Baa na.

1 Korint teeb 1:4

N teen Yennu niipoouk yoo kur i paak nan wa turi sommir Yisa Masia paak na,

2 Korint teeb 1:3

Ŋaant ki ti tur Yennu nba tee ti Yomdaanɔ Yisa Masia Baa na niipoouk; ŋɔɔe tinit ninbaauk; u boor nie ki ti parmaann kur nyi.

Efesus teeb 1:15

Li paak, yoo nba ki n din gbat ya teen ti Yomdaanɔ Yisa yada na nan ya loon Yennu niib biaŋinba na po mɔkmɔk nan dinna,

Efesus teeb 6:18

Yii mei Yennu yoo kur nan ninmɔnn, u Seyeeŋ nba sommi biaŋinba na; ki yin chekin i mɔŋ nan gbankur ki pukin Yenmiaru kii teen Masiaweira kura,

Filipi teeb 4:6

I daa biir i para bonsiar paaki. Yimm-ii mei Yennu linba kpaa talas turi paak. Yii mei Yennu, kii teenɔ niipoouk i para ni yoo kura ki betɔ i loomm nba tee linba.

Kolosa teeb 1:13

ki bia nyinnit Sintaanii bunbɔnn naan ni, ŋaan jiit nan laafia ki kɔɔnt u Bilonkak maŋ naan ni.

Kolosa teeb 1:9

Linba na paak, ta daan gbat i po, ti ki nyik Yenmiaru i paaki a ŋɔɔ Yennu-n te ki i bann u loomm nba tee biaŋinba, ŋaan turi Seyeeŋ yan nan li subinii kur,

1 Tesalonika teeb 1:2

Ti teen Yennu niipoouk i kura paak, ŋaan tian i po yoo kur ti Yenmiaru ni,

2 Timoti 1:3

Yennu nba ki n jiantirɔ nan dudukŋant kaman nan n yejamm nba din tuun biaŋinba na, mi-i meiɔ, n tian a po yoo kura n Yenmiaru ni, nyiɔk nan yennu ni, ki teenɔ niipoouk a paak.