Kolosa teeb 1:23 - Yennu Gbounpaauŋ Mɔɔr

²³ li paak, yii yabii man setik nan mɔnii, ki teen Yisa yada kii see chimm, ki daa fɔrii nyi dindann nba ki i la yoo nba ki i din gbat u barŋanii; ki bi din mɔɔntir barŋanii maŋ ki teen niib kur nba be tingbouŋ na ni; ki min Pɔɔl teen li toontunnɔ na.

Yennu Gbouŋ Mɔɔr

²³ Li paak, ii yiab nan barmɔnii kii be i yada ni kii see chimm, ki daa fɔrii nyi i dindann ni, dindann nba ki i la yoo nba ki i din gbat barŋanii na; ki bi din mɔɔnt barŋanii maŋ ki tur niib kur nba be tingbouŋ na ni; ki min Pɔɔl tee li toontunnɔ na.

Kolosa teeb 1:23 ပူးပေါင်းရင်းမြစ်များ

Barŋanii nba ki MAK din sɔb nae na 16:15

Ki u bia yetib a “Yii saa kii mɔɔntir barŋanii na ki tur sɔɔ kur tingbouŋ na kur saaka po.

Barŋanii nba ki LUK din sɔb nae na 22:32

Ŋaan fin Simon, mine miar Yennu a paak, ki a yada daa baa; ki yoo nba ki a ji jen n boor ni, a tot a naa waas.”

Barŋanii nba ki LUK din sɔb nae na 6:48

u naan nan jɔɔ nba din maa u ŋaak nee. Sinsinn u din gbiir fiakir ki li suŋ, ki saa tuu tanpiiuk, ki ji fɔkin fiakir maŋ li paak. Li poorpo ki saak tan baa bonchiann, ki kpenu gbee nan nyunmɔnn ki saa doo ki yir ŋaak maŋ, ŋaan ki li ki baa, kimaan u din maar bonŋanne.

Jɔɔnn 15:6

Ki jenna, wunba ki yɔɔ gaa n paaki, Yennu sa chɔɔe ki lu kaman nan ba tuu chɔɔ tiyiinu nba ki lu ki wun koor na. Li tiyiinboorue ki bi tuu tikir ki joo muu.

Toona 1:17

Ŋaan Yisa din gann timm nan ŋɔɔe a tii tuun Yennu toonn nba ki ti tuun na, ki u din tee ti kann ni niyenɔ.

Toona 1:25

ki wun teen toomii ki gaar a toonn na yiar nba ki Judas nyik ŋaan saan saa be siaminba ŋan nanɔ na.”

Toona 1:8

Ŋaan yoo nba ki u Seyeeŋ sa sik i paak ki yenti na, i sa la paŋ, ki tan sii tee n siara damm Jerusalem, nan Judea tiŋ kur ni, nan Samaria tiŋ ni, nan tingbouŋ na lokir kur po.”

Toona 11:23

Wa din saa baar leŋ yoonba ki la Yennu nba turib sommir biaŋinba, ki u la parpeenn bonchiann, ki din chee bi para, ki kpaan bi kur kpaanii a bi daa nyikit Yisa weiu.

Toona 14:22

ki ŋammit want Yisaweira u maan, ki cheen bi para doi maŋ ni, ki beerib a “I kpaŋŋii dia i yada maŋ nna man,” ki wantib a “Nan ki tin tan kɔɔ Yennu naan ni na, see ki ti fabir ki dii muksuk bonchiann.”

Toona 2:5

Ki Juu teeb nba tee yentina mun din be Jerusalem li yoo, binba nyii tinii kur po tingbouŋ na ki baar leŋ.

Toona 20:24

Ŋaan n ki yi n manfoor ki li tee siari, kimaan min ŋarin loon ki n tun toona nba ki ti Yomdaanɔ Yisa turin nee ki gbenn, ki li toona tee ki mii mɔɔntir barŋanii nba want Yennu ninbatinu poe.

Toona 26:16

Ŋaan fiit ki set. N nyinn fine a a teen n toontunnɔ. Linba nee te ki n dɔkit a paak. Teent niib siara ki wannib fa lan biaŋinba dinna, nan linba ki n sii fiitir wanta yoo nba tan sa baar.

Toona 4:12

Ki sɔɔ sann ji kaa tingbouŋ na ni ki Yennu tur niib a bin la tinnu, see Yisa kuukɔɔ.”

Rom Teeb 10:18

N loon ki n boi ki laan niib ki gbat barŋanii maŋ amii? Mɔmɔmm, bi gbata. Li sɔb Yennu gbouŋ ni a “Niib gbat bi kunkɔra nan bi mɔmaan tingbouŋ lokir kur po.”

Rom Teeb 15:16

ki te ki n tee Yisa Masia toontunnɔ, a n mɔɔnt u barŋanii ki tur binba ki tee Juu teebi, a ki bi sii tee piinii ki teenɔ, ki u Seyeeŋ na sa te ki bin teen nifoŋamm ki penn u par.

Rom Teeb 2:7

Nisiab mɔk mintir ki tuun toonŋana ki loon ki Yennu-n pakib ki turib nyɔɔt nan manfoor, ki ŋamme set sa la manfoor nba ki mɔk gbennu.

Rom Teeb 5:5

ki dindann maŋ ni ti tan kan di fei, kimaan Yennu jii loomm nba ki u mɔk na ki teen ti para ni, u Seyeeŋ nba ki u turit na paak.

1 Korint teeb 15:58

Li paak, n naa waas, i be man fanu ki daa baa Masiaweiu ni. Yii jii i mɔŋ kii tuun ti Yomdaanɔ toona yoo kur, kimaan i mi nan toona nba ki i tuun ki teen ti Yomdaanɔ na, li tan kan baa yanni.

1 Korint teeb 3:5

Ŋmee tee Pɔɔli, ki ŋmee mun tee Apolosi? Ti kpan tee Yennu toontunna nba din te ki i sak Yisa mɔb nee. Ti kur na tuun toona nba ki ti Yomdaanɔ turit a tii tuume.

2 Korint teeb 10:1

Tɔn, i siab yeen a ma din be i boor ni na, a n din ki mɔk par i boor ni; a ŋaan mi-i saan ki be siarpo, a n tuu mɔk pare, ki ji sɔbin gbant ki kpaani. Min Pɔɔl tiauŋ, n mɔk nibaakir ki be soonna kaman nan Masia nba be biaŋinba na, ki barimi a yin ŋamm i binbeŋ man,

2 Korint teeb 11:23

bi-i yi bi mɔŋ Masia toontunnaie, mine set tuun mantik; (n piak kaman nan jatuk nee; teentin gafara man!) mine set tun Masia toona nan barmɔnii bonchiann, ki kɔɔ dansarii bonchiann. Niib boon kpaasa bonchiann Masia paak. N din la nunbɔŋ ki din per kuuma.

2 Korint teeb 3:6

Ŋɔɔe din te ki ti jaŋ nan u lorpaanu toona; ki lorpaanu maŋ ki tee Moses sennu nba ki bi din sɔb na kaa, li tee Seyeeŋ yare; kimaan sennu maŋ din baat nan kuume, ŋaan ki Yennu Seyeeŋ teent manfoor nba kaa gbennu.

2 Korint teeb 4:1

Yennu ninbatinu paake ki u jii toona na ki teen ti nii ni, li paake te ki ti ki mɔk kpinkpangbatuku.

2 Korint teeb 6:1

Li paak, timm nba tuun Yennu toona u sommir paak na, ti barimiie, i daa te ki u ninbatinu na tee yanni.

Galasia teeb 4:11

Ŋanne te ki n mɔk jijeet i paak nan ma tun linba kur turi na biar yanne na.

Galasia teeb 5:5

Ŋaan timm teen Masia yada, ki u Seyeeŋ mun be ti ni; li paak, ti mɔk dindann ki guu yoo nba ki Yennu sa yet a ti tee niŋamm u boor.

Galasia teeb 5:7

Ŋaan i din tuun fanu na, ki ŋmee tan te ki i nyik barmɔnii saku?

Galasia teeb 6:9

Li paak, ti daa bakit nan toonŋana tumu mani, kimaan ti-i kii nyik toonŋana, yoo nba jaŋ na ki ti tan sa gaar li nyɔɔt.

Efesus teeb 1:18

N bia meiɔ ma wun yent i nummpo ki yin bann dindann nba paak ki u yiini na, ki bia bann nan bona nba ki u tan sa tur u niib nae ŋan bonchiann,

Efesus teeb 2:21

Ŋɔɔe dia Yennu niib maŋ ki bi be fanu ki kpaatir ti Yomdaanɔ boor ni.

Efesus teeb 3:17

n bia meiɔ a Masia-n jii i para ki teen u binbeboor i yada paak. N meiɔ a wun te ki i fit set chib, ki baa jiina ki fɔkin fiakir, ki loomm na-ii paar,

Efesus teeb 4:16

Ŋɔɔe te ki gbanant bɔka kur dia bi leeb, ki gbanant maŋ tukita dia nan leeb; li kura-i bo-i tuun nan leeb chib chib, gbanant maŋ bo sii nɔbee nan leeb.

Kolosa teeb 1:25

Ki Yennu nba turin toonn maŋ a n tun na, ŋɔɔe teenin Masia niib maŋ daabir i sommir paak, a niib-n bann Yennu barii maŋ mun.

Kolosa teeb 2:7

ki sikin i yada jiina u ni, ki i yada-ii be u ni, ki i yada-ii mɔk paŋ kaman nan ba din wanni biaŋinba na, kii teenɔ niipoouk yoo kura.

1 Tesalonika teeb 3:3

ki lin te ki i sɔɔ daa ŋmat poor muksuk na paaki. I mɔŋ mi nan li muksubooru tee Yennu loomme ki turit,

1 Tesalonika teeb 3:5

Li paak, la daan tan paak n nii yoonba, ki n daan tun Timoti, a wun saa bann a i nyik Masia sɔnu amii, ki laan Sintaanii bikini, ki ti toona fara kur teen yannee?

1 Tesalonika teeb 5:8

Ŋaan timm nba ki tee nyiɔk yab na, tii sub man, ki jii yada nan loomm lia kaman nan naagbankɔŋŋir na, ki bia jii tinnu dindann ki yir kaman nan naagbankɔŋŋir na.

2 Tesalonika teeb 2:16

Ti Baa Yennu nan ti Yomdaanɔ Yisa Masia binba loonit ki turit pardɔɔnn nba kaa gbennu nan dindann nba yab u ninbatinu paak na,

1 Timoti 1:12

N teen ti Yomdaanɔ Yisa Masia wunba turin paŋ a man tun u toona niipoouk, kimaan ŋɔɔe yet a n jaŋ nan toona maŋ, ki te ki n tuun teenɔ,

1 Timoti 2:7

Li paak ki Yennu gannin ki n teen Masia toomii ki mɔɔntir barŋanii maŋ ki teen binba ki tee Juu teeb na, ki wannib ŋɔɔ Masia maan nba tee barmɔnii na, a bin teenɔ yada. Ma beeri linba na, n ki fa faak kaa, li tee barmɔniie.

1 Timoti 3:16

Li tee barmɔniie nan Masia labaar nba ki Yennu fiit wannit na sumii bonchiann: U din dɔkit nan gbanante, Yennu Seyeeŋ wann nan u be fanu; ki malakanba din lau. Ki niib din mɔɔnt u labaar ki tur nibooru, ki bi teenɔ yada tingbouŋ na ni, ki Yennu din tan donnɔ sanpaapo ki u la dontir.

Taitus 3:7

Yennu ninbatinu paak ki u din tun nna a wun teent niŋamm u boor; ki bia teent u waas nba mɔk dindann ki ti sa la manfoor nba kaa gbennu.

Hiibru teeb 10:38

Ŋaan n niŋamm na ŋanin tan sa teenin yada kii waan; ŋaan bi yenɔ-i ŋmat poor, n tan kii mɔk parpeenn nanɔ.”

Hiibru teeb 3:14

Kimaan ti-i dia ti sinsinn yada na chib ki saa baar ti manfoor joontu, timm nan Masia tee bonyenne.

Hiibru teeb 3:6

Masia ŋanin tee barmɔnii daanɔ nba yen Yennu ŋaak maŋe ki tee u Bija na. Ti-i mɔk parcheenn nan yuugontir ti dindann paak, ŋann timme tee Yennu ŋaateeb maŋ.

Hiibru teeb 4:14

Li paak, ŋaant man ki tii dia ti yada nba ki ti fiit wann na kenken, kimaan ti mɔk mantɔyudaanjaann, ŋɔɔe tee Yennu Bija Yisa wunba poŋ gar saan Yennu tiauŋ boor ni na.

Hiibru teeb 6:19

Dindann nba ki ti mɔk na tee kaman nan manfoor jaantarik nba dia ti manfoor fanu. Li tee dindann nba gar Yendɔuŋ ni diiuk kaaruk nee ki kɔɔ diiuk maŋ linn po.

1 Piita 1:3

Pakin man Yennu nba tee ti Yomdaanɔ Yisa Masia Baa na, kimaan u tint ninbaauk bonchiann ki turit manfopaann Yisa Masia kuun fiiru paak. Linba nee te ki ti mɔk dindann nan ti tan sii mɔk manfoor,

1 Piita 1:5

ki guu yimm nba ki Yennu paŋ dia-i i yada paak, a yin la i tinnu nyɔɔt nba teen siir ki sa nyi paanu dajoontii na.

1 Jɔɔnn 2:27

ŋaan yimm ŋarin, Yisa sikin u Seyeeŋ maŋ i paaka. Seyeeŋ maŋ nba biar be i ni na, i ji kii loon ki sɔɔ-n wanniini, kimaan Seyeeŋ maŋ mɔŋe wanti bont kura, ki u wannu maŋe tee barmɔnii wannu, ki li ki tee faak wannu kaa. Li paak, yii gaa Yisa paak man kaman nan Seyeeŋ maŋ nba wanti biaŋinba na.

Fiitu 2:10

I daa tiin jaŋmaanii nan fara nba baat i paak na. Gotir man, Sintaanii sa te bin soor i siab ki kɔɔmm dansarik ki bikimm, i bia tan sa la fara ki saa dian daa piik; ŋaan yii teenin yada mɔkmɔk nan i kuun, ki n tan sa pi-i piinii nba tee manfoor.