Kolosa teeb 1:18 - Yennu Gbounpaauŋ Mɔɔr

¹⁸ Ŋɔɔe tee u niib yur, ŋaan ki bi tee u gbanant. U niib maŋ manfoor nyi u boor nie. Ŋɔɔe tee Yennu Bija wunba din kpo ki fiir kuun ni sinsinn, a u kuukɔɔ-ii tee bonsiar kur yudaanɔ,

Yennu Gbouŋ Mɔɔr

¹⁸ Ŋɔɔe tee u niib yur, ki bi tee u gbanant. U niib maŋ manfoor nyi u boore. Ŋɔɔe tee pinpiik, ki tee Yennu Bija, ki din kpo ki fiir kuun ni sinsinn, a u kuukɔɔ-ii tee bonsiar kur yudaanɔ,

Kolosa teeb 1:18 ပူးပေါင်းရင်းမြစ်များ

Matiu 23:8

Ŋaan yimm ŋanin, i daa te ki bi yi-i ‘Wannteebi,’ kimaan i kura tee naa waase nan leeb, ki mɔk i Wanntɔɔ yenɔkɔɔ.

Matiu 28:18

Ŋanne ki u chat ki nakimm, ŋaan yet a “Yennu turin sanpaapo nan tiŋ ni yent kurawa.

Jɔɔnn 1:1

Sintansimm dinn ki sɔɔ ki siar daa din kaa na, ŋaan Yennu Mɔb, wunba tee Yisa Masia, ŋarin poŋ din bee, ki Yennu Mɔb maŋ din taa nan Yennu. Ŋɔɔe bia ji din jenna ki tee Yennu.

Jɔɔnn 1:16

Tɔn, wa gbee nan ŋanu biaŋinba na, ki ti kur mun la u ŋanu maŋ, ki bia laat sommir ki pukii sommir paak.

Jɔɔnn 1:27

Ŋɔɔe tee wunba yaa wun wei n paak, ŋaan ki n ki ŋan nan ki n lot u taasaaŋmii gbaa.”

Toona 26:23

a Yennu Niganntɔɔ Masia tan sa fabir di fara ki kpo, a ŋɔɔe bia tan sii tee sinsinn daanɔ nba tan sa fiir kuun ni, a ki li paak ki u bia tan sa mɔɔnt ki tur Juu teeb nan binba ki tee Juu teeb mun biak, ki beerib barii nba tan sii yentir bi numm po.”

Rom Teeb 8:29

U poŋ din senn nan binba ki u yiimm na a bi binbeŋ-ii tee kaman nan u Bija binbeŋ nee, ki Bija na-n teen Bikperik, waas bonchiann sinsuuk ni.

1 Korint teeb 11:3

Ŋaan bonyennkɔɔe be ki n loon ki n tiari, nan Masia tee jɔɔ kur yudaanɔ, ki jɔɔ kur mun tee u poo yudaanɔ, ki Yennu mun tee Masia yudaanɔ.

1 Korint teeb 12:27

Yimme lakin tee Masia gbanant, ki sɔɔ kur tee u gbanant nba gaa na yenninba.

1 Korint teeb 15:25

Masia tan sii yen yent kur mɔkmɔk ki tan baar yoo nba ki u sa nyann u datai kur ki teemm u nuu ni.

Efesus teeb 1:10

Yoo maŋ-i taŋŋi jaŋ chib, ki u ji sa tun gbenn u lora maŋ, ki lakin u naamii kur sanpaapo nan tiŋ ni ki Masia-ii tee yudaanɔ.

Efesus teeb 5:23

kimaan Masia nba mɔk yaak u niib paak biaŋinba na, nnee ki jɔɔ mun mɔk yaak u poo paak. Masia niib tee u gbanante ŋaan ki u tee bi Tinntɔɔ.

Kolosa teeb 1:24

Ki mɔtana n mɔk parpeenn n fara dinu ni i paak, kimaan ma di fara maŋ biaŋinba na, n tontir fara dinu nba ki Masia din senn ma n di u gbanant nba tee u weira na paak na.

Kolosa teeb 2:19

u ji ki dia Masia; ŋɔɔ Masia tee u niib yur, ŋaan taamm, ki bi gaa nan leeb kaman nan gbanant tukita nan li jiina na, ŋɔɔ Masiae dintib ki bi nɔbii kaman nan Yennu nba loon biaŋinba na.

1 Jɔɔnn 1:1

N sɔbin gbouŋ na ki teeni a n wanni wunba ki bi yiu Yennu Mɔb nba teen niib manfoa na poe. Yoo nba ki dunia din tan piint namu na, ŋaan sɔɔ ki Mɔb maŋ poŋ bee. Mɔmaan maŋ nba din sik tingbouŋ na ni yoonba, ki ti gbiintir u pinpauk, ki bia laatɔ nan ti ninbina ki goriiɔ, ki ti nii bia siitɔ,

Fiitu 1:18

ki bia tee footɔɔ na, ki din kpo, ŋaan mɔtana n fiira ki sii fo yoo nba kaa gbennu, ki bia mɔk kuun nan kpeentiŋ paŋ;

Fiitu 1:8

Ti Yomdaanɔ Yennu wunba mɔk paŋ kur, ki be, ki din be, ki bia tan sii be yoo nba kaa gbennu, ŋɔɔe yeen a “Mine tee bont kura pinpiik nan li gbennu.”

Fiitu 11:15

Li yoo ki malaka nba pukin bannlore na pebir u kikaak na, ki kunkɔsaakara yeen Yendɔuŋ ni a “Tingbouŋ na naan kur kpant ti Yomdaanɔ Yennu nan u Niganntɔɔ Masia yara, ki u sa diab mɔkmɔk nan yoo nba ki mɔk gbennu.”

Fiitu 21:6

Ki u bia yetin a “Li poŋ tuma. N tee Alfa nan Omegae; li paak tee piinu nan joontu. Binba ki nyunyukiru mɔkib na, n sa pib manfoor nyun nba bunii ki nyi nyunkpana ni na ki bin nyu yann;

Fiitu 22:13

N tee Alfa nan Omegae, sinsinn nan joontu, pinpiik nan gbennu.”

Fiitu 3:14

Ki wunba ki n lau na bia betin a n sɔb labaar na ki tur u weira nba lakin be Laodisea doo ni na malaka a “Labaar na nyii wunba sann yi Mɔnii na boore; ki u tee siara daanɔ nba tee barmɔnii daanɔ ki tee siara fanu; ki bia tee linba kur ki Yennu nann na yudaanɔ: