Kolosa teeb 1:14 - Yennu Gbounpaauŋ Mɔɔr

¹⁴ U Bija maŋ paak ki u nyik chab ti biit ŋaan nyinnit daabsin ni.

Yennu Gbouŋ Mɔɔr

¹⁴ U Bija maŋ paak, ki u nyik chab ti biit, ki nyinnit daabisin ni.

Kolosa teeb 1:14 ပူးပေါင်းရင်းမြစ်များ

Efesus teeb 1:7

Kimaan Yennu nyik chab ti biit ki nyinnit daabsin ni u Bilonkak maŋ sɔn paake.

Hiibru teeb 9:22

Barmɔniie, Yennu sennu wannu ni, sɔme din tuu ŋamm bont kur ki li be fanu ki ki mɔk biiti, ki sɔm-i kii nyii, Yennu kan nyik chab niib biiti.

Hiibru teeb 9:12

Masia nba din saan kɔɔ jiantu lanbouŋ maŋ ni ki saa gar boor nba tee Yennu yar nan barmɔnii na ni yomkɔɔ yoonba, ŋaan ki li gbenn nna, u din ki dia buunii nan naajai sɔn kaa ki mann marouŋ, ŋaan u din jii u mɔŋ sɔme ki pa ki nyinnit daabsin ni yoo nba kaa gbennu.

Fiitu 5:9

Ki bi yiin yanpaanii ki teen Pebik na ki yeen a, “A set jaŋ nan fan gaar gbanpɔɔbir na ki tabit li yiit ŋannlore na, kimaan a din kpoe ki jii a sɔn ki daa niib ki tur Yennu; niib maŋ nyii nibooru booru kur ni, nan mabooru kur ni, nan maaru kur ni, nan tingbouŋ na yent kur ni.

Galasia teeb 3:13

Ŋaan ti din be Yennu mɔtomm nie, kimaan ti kan fit wei sennu fanu, ŋaan Masia tiauŋo din gaar ti paak ki din be mɔtomm maŋ ni ki nyinnit li mɔtomm ni, kimaan li sɔb Yennu gbouŋ ni a “Wunba ki bi kpaau dapunpunn paak na, Yennu mɔtomm be u paak.”

Matiu 20:28

kaman nan min nisaarik Bik nba tee biaŋinba na, kimaan n ki baar ma niib-n tun turin kaa, ŋaan n baar ma n tun ki tur niibe, ki bia kpo a n te ki niib bonchiann-n la tinnu.”

Efesus teeb 5:2

ki ŋaan ki loomm-ii dia-i kaman nan Masia nba din loont bonchiann ki gaar ti paak ki kpo ki teen mannu nba ki Yennu loon na.

1 Jɔɔnn 2:2

Ki wa din sik ki tan gaar ti paak ki kpo na, ŋɔɔe ji teen ti marouŋ Yennu boor ni ti toonbiit paak; ki u marouŋ maŋ, li ki tee timm Masiaweira kuukɔɔ toonbiit paak kaa, ŋaan li tee timm nan tingbouŋ na ŋaateeb kur toonbiit paake.

1 Piita 3:18

kimaan Masia din gaar biitdamm kur paak ki kpo yomkɔɔe; niŋanɔ maŋe din gaar biitdamm paak ki kpo, a wun te tin saan Yennu boor. Bi din kpiu, ŋaan ki u bia din fiir kuun ni Yennu Seyeeŋ paak.

1 Jɔɔnn 2:12

N waas, Yennu nyik chabi i biita, kimaan Yisa Masia sann ni; li paake te ki n sɔbin ki teeni na.

Taitus 2:14

ŋɔɔe din gaar ti paak ki kpo a wun nyinnit biit kur daabsin ni, ki te ki ti tee popeendamm nba tee u kuukɔɔ yab, kii teen niib nba numm mɔn nan toonŋana tumu.

1 Timoti 2:6

wunba din jii u mɔŋ ki mann mannu ki tur sɔɔ kur na a wun nyinnib daabsin ni; ki bi mɔɔntir barŋanii maŋ yoo kur.

Kolosa teeb 2:13

I din tee kpeemme sianyoo, kimaan i toonbiit paak nan ya din ki tee Juu teeb, ki bia din ki mɔk sennu na paak. Ŋaan mɔtana Yennu nyik chab i toonbiite, ki turi manfoor Masia ni.

Efesus teeb 4:32

Yii tee burchimm nan ninkpabauŋ damm man i leeb boor. Yii nyikit leeb biit kii chabitib kaman nan Yennu nba nyikit i yara ki chabiti biaŋinba Masia paak na.

Toona 20:28

Li paak, i dia i mɔŋ man bonŋann, nan Yisaweira nba ki Yennu Seyeeŋ kubin i nuu ni a yii tee bi yudamm kii goriib. Ŋamme ki Yennu jiib ki teemm u niib, kimaan u Bija Yisa nba din kpo na paak.

Toona 10:43

Li tee Yisa nee ki Yennu sɔkiniinba kur din tuu piak u po, ki yeen a sɔɔ kur nba teenɔ yada, a Yennu sa nyik chab u toonbiit Yisa maŋ sann ni.”

Kolosa teeb 3:13

kii di leeb sukuru; ki sɔɔ-i mɔk bunburimii u lɔɔ paak, wun nyik chabɔ. Li kpaa talas ki yin mun nyik chab leeb kaman nan ti Yomdaanɔ nba poŋ nyik chabi biaŋinba na.

Toona 2:38

Ki Piita betib a “See ki i kura-n nyik i biit, ki tin wuri Yennu nyunwuru nan Yisa Masia sann ni, ki Yennu-n nyik i biit ki chabi, ki sa turi u piinii nba tee u Seyeeŋ na;

1 Jɔɔnn 1:9

Ŋaan ti-i yɔɔ nyint ti toonbiit ki teen Yennu, tii mi nan u sii nyikit chabit ti toonbiit, ki bia yentir ti para ni biit kur, kimaan u tee barmɔnii daanɔ ki bia tee popeendaanɔ.

Toona 26:18

Fine tee wunba sa yent bi numm po, ki bin nyi bunbɔnn ni ki kɔɔ yentu ni, ki bia nyinnib Sintaanii nuu ni ki bin kɔɔ Yennu nuu ni, a wun nyik bi biit ki chabib, ki bin la yiar, binba ki Yennu teemm u niib na sinsuuk ni, kimaan ba teenin yada paake.’

Fiitu 14:4

Ŋamme tee jab nba dia bi mɔŋ fanu ki ki chommi, ki ki mi dɔɔ nan poo gbaa; ŋamme bia waa Pebik na ki saa siaminba kur ki u saa; ŋamme tee binba ki Yennu gannib nisaarii sinsuuk ni a bin teen sinsinn teeb nba ki ŋɔɔ Yennu nan Pebik na gaarib.

Barŋanii nba ki LUK din sɔb nae na 5:20

Yisa nba din la ba teenɔ yada biaŋinba na, ki u bet jɔɔ na a “N yɔɔk, n nyik chab a biita.”

1 Korint teeb 1:30

Ŋɔɔ Yennue taan timm nan Yisa Masia ki u tee ti yan. U paake ki Yennu nyinnit daabsin ni, ki yet a ti tee niŋamm u boor, ki ji tee u niib.