Kolosa teeb 1:12 - Yennu Gbounpaauŋ Mɔɔr

¹² Yii teen ti Baa Yennu niipoouk man. Ŋɔɔe te ki ti jaŋ nan tin fit la yiar u boor, yentu ni, u niib sinsuuk ni,

Yennu Gbouŋ Mɔɔr

¹² Ii teen ti Baa Yennu niipoouk man. Ŋɔɔe te ki ti jaŋ nan tin la yiar u boor, yentu ni, u niib sinsuuk ni,

Kolosa teeb 1:12 ပူးပေါင်းရင်းမြစ်များ

Matiu 25:34

Ki min, Bat na, sa yet binba see n nuudiitu po na a ‘Yimm nba ki n Baa Yennu senn mɔsonŋann i paak na, i saana man ki tan kɔɔ naan nba ki Yennu din ŋamm ki guuni dunia piinu niwa na,

Jɔɔnn 14:6

Ki Yisa betɔ, “Mine tee sɔnu na, ki bia tee mɔmɔmm, ki bia tee manfoor. Sɔɔ kaa ki sa baar n Baa Yennu boor ni, ki li ki tee ki u sint baarimi.

Jɔɔnn 20:17

Ki Yisa betɔ “Ji daa siitimi, kimaan n daa ki do sanpaapo n Baa boor ni; ŋaan i saa n naa waas peŋ, ki saa betib a n sa do sanpaapo, wunba tee n Baa nan i Baa na peŋa; ŋɔɔe bia tee n Yennu nan i Yennu na.”

Jɔɔnn 4:23

Ŋaan yoo baat, ki li poŋ set baar na, ki binba jiantir ti Baa Yennu nan barmɔnii na sii jiantirɔ u Seyeeŋ paŋ paak nan bi para kur, kimaan li niboorue ki Yennu loon bii jiantirɔ nna.

Toona 20:32

“Mɔtana, n jikiti ki teei Yennu nuu ni, ki bia mi nan ya bann u maan nba want u ninbatinu po, li maan maŋ sa fit te ki i waau fanu, ki bia sa fit turi yiar sanpaapo, binba kur ki u teemm u niib na sinsuuk ni.

Toona 26:18

Fine tee wunba sa yent bi numm po, ki bin nyi bunbɔnn ni ki kɔɔ yentu ni, ki bia nyinnib Sintaanii nuu ni ki bin kɔɔ Yennu nuu ni, a wun nyik bi biit ki chabib, ki bin la yiar, binba ki Yennu teemm u niib na sinsuuk ni, kimaan ba teenin yada paake.’

Rom Teeb 11:17

Juu teeb na tee kaman nan ŋaak ni tiik nba ŋan nee, ki Yennu kɔnn tiik na yiinsia, ki jii muuk ni tiik yiinii na ki tukin nan ŋaak ni yar na, ki li taan yomm. Yimm nba ki tee Juu teeb na tee kaman nan muuk ni tiik yiinu nee, ki gaan Yennu barŋanii nba nyii Juu teeb boor ni na, ki tee kaman nan muuk ni tiik yiinu nba gaan bonŋann nba nyii ŋaak ni tiik ni na.

Rom Teeb 15:27

Li tee mɔniie nan bi mɔŋ loomme ki bi turib piinii na. Li ŋan bin turib, kimaan Yennu barŋanii nba nyii Jerusalem niib boor ki baarib na paak. Ŋanne te ki li ŋan nan bin turib piinii maŋ.

Rom Teeb 8:17

Ta set tee u waas na paak, ti sa la u bonŋann nba ki u bir ki guun u niib nawa; ti bia sa lakin nan Masia ki gaarira. Kimaan ti-i di fara Masia paak, u tan sa donnit u peŋa.

Rom Teeb 9:23

ki bia poŋ dɔŋ gann niib nba ki u tinib ninbaauk na a wun donnib ki wann wa mɔk burchint bonchiann biaŋinba.

1 Korint teeb 8:6

ŋaan timm yaa boor ni ŋanin, Yen-yenɔkɔɔe be; ŋɔɔe tee ti Baa Yennu nba din nan bonsiar kur, ki u nie ki ti fo; ki Yomdaan-yenɔkɔɔe be, wunba tee Yisa Masia. U paake ki bonsiar kur nan; u paake biak ki ti fo.

1 Korint teeb 9:23

Barŋanii na paake ki n tee linba na kur a n tan la li nyɔɔt.

2 Korint teeb 11:14

Bi-i tuun nna, ya daa te ki li teei yaarlituku; nnee ki Sintaanii tiauŋ nant u mɔŋ kaman nan yentu malaka na.

2 Korint teeb 5:5

Yennue ŋammit ki ti teen siir lebitu na po, ki turit u Seyeeŋ, ki li wantit linba ki u tan sa turit na po.

Efesus teeb 1:11

Yennu tun siar kur u dudukit nan u lora nee, ki gannit a tii tee u niib, kaman nan u bibikit nba din tee biaŋinba pinpiik niwa na.

Efesus teeb 1:18

N bia meiɔ ma wun yent i nummpo ki yin bann dindann nba paak ki u yiini na, ki bia bann nan bona nba ki u tan sa tur u niib nae ŋan bonchiann,

Efesus teeb 2:18

Masia paake ki Juu teeb nan binba ki tee Juu teeb na kura fit baar ti Baa Yennu maŋ boor ni, u Seyeeŋ yenɔkɔɔ ni.

Efesus teeb 3:6

U woonin ni lor maŋ tee nee: barŋanii maŋ paak ki binba ki tee Juu teeb na ji fit taan la yiar Yendɔuŋ ni nan Juu teeb; ŋaan bia taan namm ki tee gbananyennkɔɔ ki fit mɔk namm wa din senn mɔsonn nba Yisa Masia ni na.

Efesus teeb 4:6

Yennu tee yenɔkɔɔe ki tee nisaarii kura Baa, ki bia tee sɔɔ kura Yomdaanɔ nba tuun siar kura ni, ŋaan bia be siar kura ni.

Efesus teeb 5:11

ki daa tokii binba tuun bunbɔnn ni toona ki nyɔɔt kaa li ni, ŋaan te ki bi bunbɔnn ni toona maŋ-n yent.

Efesus teeb 5:20

Yoo kur yii teen ti Baa Yennu niipoouk bonsiar kur paak, ti Yomdaanɔ Yisa Masia sann ni.

Efesus teeb 5:4

Yii teen Yennu niipoouk yoo kura, ŋaan daa te ki bonchonchonn toona barii nan jakint barii nan baryana nyi i mɔi ni.

Efesus teeb 5:8

I ji tee Yennu waase, ki be yentu nie; i ki be bunbɔnn ni kaa kaman nan ya din tuu be na; li ŋan ki yi tee yentu na waas,

Kolosa teeb 2:2

N yaa bi para-n chee, ki bin lakin taan leeb nan loomm, ki bann Yisa barii paak, ki teenɔ yada nan barmɔnii, ki daa mɔk birsuku, ki bann Yennu woonin ni labaar maŋ, linba tee Masia po;

Kolosa teeb 3:15

Yi ŋaan ki Masia parmaasir nba na-ii dia ya dukii linba; Yennu lakin yiini gbananyennkɔɔ ni a yii mɔk parmaasir maŋe. Li paak, yii teen Yennu niipoouk man.

Kolosa teeb 3:17

Li paak, ya tuun linba, amii ya yeen linba, yii tuun nan ti Yomdaanɔ Yisa sann ni, kii teen ti Baa Yennu niipoouk u sann ni.

Taitus 2:14

ŋɔɔe din gaar ti paak ki kpo a wun nyinnit biit kur daabsin ni, ki te ki ti tee popeendamm nba tee u kuukɔɔ yab, kii teen niib nba numm mɔn nan toonŋana tumu.

Hiibru teeb 12:23

Yimm tan baar niib nba ki Yennu teemm u waas na boore, ki bi sana sɔb Yendɔuŋ nie. I baar Yennu nba tee nisaarik kur barbuurɔ na boor ni, nan popeendamm nba ki Yennu te ki bi sei be fanu na boor nie.

Hiibru teeb 3:1

N naa waas nba tee Yennu niib nba ki u din ganni na, yii dukii Yisa po, wunba ki Yennu din tumɔ a wun tan teen mantɔyudaanɔ ti Yenjiantu sɔnu ni.

Hiibru teeb 3:14

Kimaan ti-i dia ti sinsinn yada na chib ki saa baar ti manfoor joontu, timm nan Masia tee bonyenne.

Jeems 3:9

Jerinn nba ki ti dia ki piak dont ti Baa Yennu nba tee ti Yomdaanɔ na, li jerinne ki ti bia dia ki piak mabiit nifosaarii paak, binba ki Yennu din namm ki bi naan nan u mɔŋ.

1 Piita 5:1

Yudamm nba be i sinsuuk ni, n kpaaniie, min wunba mun tee yudaanɔ, ki n ninbinn din la Masia nba din dii fara biaŋinba, ki n bia sa lakin di mant bonchiann nba tan sa nyi paanu ni na,

1 Jɔɔnn 1:3

Linba ki ti la ki bia gbate, ki ti mɔɔntir ki teeni na, a yin fit lian taan nant mɔtaauk ni. Barmɔniie setik, ti mɔtaauk ni, ti taant nan ti Baa Yennu nan u Bija Yisa Masia,

Fiitu 21:23

Ki doo maŋ ki loon ŋmaarik amii yennu yentu leŋi, kimaan Yennu yentsaakar nee tee li yentu, ki Pebik na mun tee li fitir.

Fiitu 22:14

Damm nba wuur bi para nan Yisa sɔn na, parpeenn tee bi yare; ki li paak ki bi mɔk sɔnu nba ki bi sa di tilɔɔna nba teen manfoor na, ki sa kɔɔ tammɔb na ni ki saan doo na ni.

Fiitu 22:5

Nyiɔk ji tan sii kaa, bi tan ji kii loon fitir nan yennu yentu leŋi, kimaan ti Yomdaanɔ Yennu sii tee bi yentu. Ki bi sa di naan kii be nan yoo nba kaa gbennu.