Kolosa teeb 1:10 - Yennu Gbounpaauŋ Mɔɔr

¹⁰ ki yin fit kii be kaman nan ti Yomdaanɔ nba loon biaŋinba, ki bia fit kii tuun linba sii pent u par, ki yin fit kii tuun toonŋana kur, kii ŋammit bant Yennu.

Yennu Gbouŋ Mɔɔr

¹⁰ ki yin fit kii be nan ti Yomdaanɔ nba loon biaŋinba na, ki bia fit kii tuun linba sii pent u par, ki fit kii tuun toonŋana kur, ki ŋammit bant Yennu.

Kolosa teeb 1:10 ပူးပေါင်းရင်းမြစ်များ

Jɔɔnn 15:16

Yimm kaa gann mine, ŋaan mine gann yimm, ki turi toona ma yii saa kii lôon lɔɔna bonchiann, lɔɔna nba sii be mɔkmɔk nan mɔkmɔk, a n Baa Yennu-n turi linba ki i miarɔ n sann ni.

Jɔɔnn 15:8

Li-i tee ki i lôon lɔɔna bonchiann, ŋanne sa wann nan i set tee n poorpoweiteeb nan barmɔnii, ki n Baa Yennu sa la dontir.

Jɔɔnn 17:3

Ki manfoor maŋe, ki niib sa nakin bann fin nba tee Yennu nan barmɔnii, ki sɔɔ ji kaa; ki bi bia mun sa bann min, Yisa Masia, wunba ki a tumɔ na.

Rom Teeb 1:13

N naa waas, n loon yin bann nan n yabir nan taar muŋŋa nawa a n baar ki tan gɔni, ŋaan ki siar gɔɔrin mɔkmɔk nan mɔtana ki n ki fit gɔniini. N loon ki n te ki niib-n wei ti Yomdaanɔ i boor ni kaman nan ma daan teen biaŋinba na nileeb sinsuuk ni na.

Rom Teeb 4:12

Abraham tee binba pot na mun yaa baae, li ki tee a ba pot na paak kaa, ŋaan ba bia waa biaŋinba ki ti baa Abraham din teen Yennu yada na, li poorpoewa ki u din tan pot; bi yada paake ki Abraham tee bi baa.

Rom Teeb 6:4

Li paak, ti din kpoe nan Yisa Masia ki bi lakin piit nanɔ Yennu nyunwuru ni; ki u Baa Yennu din jii u paŋ ki fiinɔ kuun ni, nnee ki ti mun fiir a tii be manfopaann ni.

2 Korint teeb 2:14

Ŋaan ti teen Yennu niipoouk, kimaan ta gaa nan Masia na paak te ki ti nyant bonsiar kur. Yennu jiit a ti fiit Masia ki wann sɔɔ kur mun; ki u barŋanii bannu tee kaman nan tulaarii nba nubir man biaŋinba nee.

2 Korint teeb 4:6

Yennu nba din yet a “Yentu-n yent bunbɔnn ni” ŋɔɔe te ki u yentu na yentir ti para ni, a ti bann u yentsaakar nba tee biaŋinba; ki li yentu yeen Yisa Masia numm po.

2 Korint teeb 5:9

Li paak, ti-i be tingbouŋ na ni, amii ti-i taŋŋi be u boor ni, ti ninbinn mɔn a ti penn u par nie.

2 Korint teeb 9:8

Yennu sa fit turi bonsiar kur ki i kan kɔŋ bonsiari. I sa la ki lin gar ya loon biaŋinba, ki fit somm binba kur ki mɔk na,

Efesus teeb 1:17

ki lek mei ti Baa Yennu wunba tee paŋ daanɔ ki bia tee ti Yomdaanɔ Yisa Masia Yennu, a wun turi Seyeeŋ nba sa turi yan ki fiit Yennu wanni kii ŋamm bannɔ.

Efesus teeb 2:10

Yisa Masia nie ki Yennu teent ta tee binba, ki turit toonŋana binbeŋ a tii tuun linba ki u din poŋ lor a ti tun na.

Efesus teeb 4:1

Min nba kɔɔ dansarik ti Yomdaanɔ toona paak na, n kpaaniie a yii ŋaan ki i binbeŋ-ii tee fanu kaman nan Yennu nba loon ki lii tee biaŋinba na.

Efesus teeb 4:13

Li paak, ti sa taan teen Yennu Bija yada ki bannɔ, kii tee niib nba yaa binbeŋ ŋan ki jaŋ nan ŋɔɔ Masia yar na.

Efesus teeb 5:10

Li paak, yii yabir i mɔŋ ki tumii linba sa penn ti Yomdaanɔ par ni,

Efesus teeb 5:15

Li paak, i daa be jatbenu, ŋaan kii tee subindamm.

Efesus teeb 5:2

ki ŋaan ki loomm-ii dia-i kaman nan Masia nba din loont bonchiann ki gaar ti paak ki kpo ki teen mannu nba ki Yennu loon na.

Filipi teeb 1:11

ki i binbeŋ-ii mɔk yentinu ki yii tuun toonŋana bonchiann, Yisa Masia paŋ ni, ki Yennu sann-n la dontir nan paku.

Filipi teeb 1:27

Mɔtana, linba kpaa talas tee a yi ŋaan ki i binbeŋ sɔnu-ii tee nan Masia barŋanii nba loon lii tee biaŋinba na, ki mi-i lekii fit saan lai amii mi-i kii fit laini, ŋaan n sa gbat a i see fanu nan dudukyennkɔɔ, ki taan mɔtaauk ki yabii i mɔŋ ki barŋanii maŋ-ii saa tɔɔnn.

Filipi teeb 4:18

N gaar i piinii na munna ki li jaŋŋima. Piinii nba ki i daan tun Epafrodaitus nann na te ki n gboowa. Li piinii naan nan mannu nba nubir mane ki teen Yennu, ki penn u par ni, ki u gaarir.

Kolosa teeb 2:19

u ji ki dia Masia; ŋɔɔ Masia tee u niib yur, ŋaan taamm, ki bi gaa nan leeb kaman nan gbanant tukita nan li jiina na, ŋɔɔ Masiae dintib ki bi nɔbii kaman nan Yennu nba loon biaŋinba na.

Kolosa teeb 2:6

Biaŋinba ki i din poŋ gaar Yisa Masia a wuu tee i Yomdaanɔ na, yii be u ni nna man,

Kolosa teeb 3:20

Waas, yii saak i damm mɔi yoo kura, kimaan ŋanne pent Yennu par ni.

Kolosa teeb 4:5

I mi man i binbeŋ nba tee biaŋinba ki tur binba ki tee Masia niib na, kii jii i yoo kii tuun fanu.

1 Tesalonika teeb 2:12

ki maant i para, ki lek tun kpaani a yii be binbensiak nba sa gboo Yennu numm. Ŋɔɔe yiini a wun kɔɔni u tiauŋ naan ni nan yentchiauŋ.

1 Tesalonika teeb 4:1

Ti naa waas, ya din tumii ti peŋ biaŋinba ki i sii tuun ki pent Yennu par ni na, nnee ki i poŋ din tuun. Mɔtana, ti barimiie ki kpaani ti Yomdaanɔ Yisa sann paak, yii ŋammit kii tuun nna man,

2 Timoti 2:4

Lanjima wunba loon u saakɔɔ numm-n gboou, u ji ki ŋmat u binbeŋ nan linba ki tee lanjimanba toona ni.

Taitus 3:1

A tiarib ki bin tur bi tiŋ yudamm nan yentdamm nibaakir, ki sak bi mɔi, ki teen siir ki tun toonŋana kura.

Taitus 3:14

Li kpaa talas ki Masiaweira-ii tuun toonŋana kii sommit niib bi fara ni, ki daa be binbeŋ nba kaa nyɔɔti.

Hiibru teeb 11:5

Enok yada paake ki u din tan ki kpo, ŋaan ki Yennu din jiiu ki doo nanɔ Yendɔuŋ ni, ki sɔɔ ji ki lau; kimaan Yennue poŋ din jiiu. Ki li sɔb Yennu gbouŋ ni a yoo nba ki Yennu daa din ki jiiu na, ŋɔɔ Yennu numm din gboouwa.

Hiibru teeb 13:16

I daa nyikit toonŋana tumu, kii chentir ya mɔk linba nan i leeb. Li mannboorue pent Yennu par ni.

Hiibru teeb 13:21

li Yennu-n ŋamm i binbeŋ fanu a yii tuun u loomm, kii tuun toonŋana kur; Yisa Masia paak wun te ki tii tee binba sii pent u par. Ŋɔɔe yen dontir nan yoo nba kaa gbennu. Mɔmɔmm.

2 Piita 1:8

I binbeŋ-i be nnaie, li sa te ki i ŋamm bann ti Yomdaanɔ Yisa Masia yoo kur, kii mɔk nyɔɔt bonchiann ki turɔ.

2 Piita 3:18

Yi ŋamm gaar ti Yomdaanɔ Yisa Masia wunba tee ti Tinntɔɔ na sommir ki pukin man, kii tumii u mɔmaan na. Ŋɔɔe yen dontir ki jikit saa nan yoo nba kaa gbennu. Mɔmɔmm.

1 Jɔɔnn 3:22

Ki bia jenna, ti-i dia u sennii ki tuun linba pent u parie, ŋannii sa te ki u teent linba ki ti meiɔ na.

1 Jɔɔnn 5:20

Ti mi nan Yennu Bija Yisa din sik tingbouŋ na ni ki tan turit yan a tii bant barmɔnii Yennu. Ta gaa nan u Bija Yisa Masia na paak, ŋanne bia te ki ti gaa nan u Baa Yennu paak; ki ŋɔɔe set tee barmɔnii Yennu, ki bia tee daanɔ nba teent manfoor nba kaa gbennu.

3 Jɔɔnn 1:6

Ba tuu tan baar Masiaweira lakinu ni yoonba, bi tuu tiar a burchintuk maŋ po. Li paak, bi-i tuu kii baar a boor ni, ki a bia ŋammit bi sɔnii maŋ ki sommitibie, ŋann a tuun bonŋanne na. I diab bonŋann kimaan bi tee Yennu yabe.