Juud 1:8 - Yennu Gbounpaauŋ Mɔɔr

⁸ Nibooru maŋ mun bia daa mɔk dudukit nba ki bi tuun ki biir bi gbanant, ki bia tee tubkangbata, ki bia sukii Yennu malakanba.

Yennu Gbouŋ Mɔɔr

⁸ Nibooru maŋ mun bia daa mɔk dudukit nba ki bi tuun biir bi gbanant, ki tee tubkangbata, ki bia sukii Yennu malakanba.

Juud 1:8 ပူးပေါင်းရင်းမြစ်များ

Barŋanii nba ki LUK din sɔb nae na 11:25

u ji kii ŋmat tan baari, wun la ki bi piar ki ŋamma,

Barŋanii nba ki LUK din sɔb nae na 12:11

“Bi-i soori ki baar nani Yenjiantu diit ni amii kpanbara boor amii tiŋ yudamm boor, i daa te ki li daamiini nan ya sa pak jiin biaŋinba, amii ya sa pak linba,

Barŋanii nba ki LUK din sɔb nae na 19:14

Ŋaan ki u doo ni niib na namɔ. Wa saan yoo nba ki bi tun toomii kpanbar na boor ni, a bi ki sak a ŋɔɔ-n teen bi bati.

Toona 23:5

Ki u jiin a “N naa waas, n ki mi nan u tee jiantu yudaanɔe. Yennu gbouŋ poŋ yet a ‘Li ki ŋan ki a pak barbiiuk ki jiin a yudaanɔ po.’ ”

Toona 7:27

Ki wunba tur u lɔɔ daŋ na pii Moses, ŋaan betɔ yaa a ‘Sɔɔ ki ganna a a teen ti yudaanɔ amii ti barbuurɔ.

Toona 7:39

Ŋaan ti yejamm din ki loon ki bin sakɔ. Li paak ki bi din yêtɔ, kimaan bi yan tunn Ijipta;

1 Korint teeb 3:17

Li paak, wunba biir Yennu diiuk, Yennu mun sa biir li yɔɔwa. Kimaan Yennu diiuk tee diyeeŋe; ki yimme tee u diiuk maŋ.

1 Tesalonika teeb 4:8

Li paak, wunba ki sak wannu nba na, li ki tee nisaarik yar kaa ki u yêeni, ŋaan u yêen Yennu nba teeni u Seyeeŋ na mɔŋ mɔŋe.

1 Timoti 1:10

nan bonchonchona paak, nan binba mɔk niauŋ ki dɔɔ nan bi jaleeb, nan binba jaan niib, nan binba tee faak damm, nan binba tee faak siara na, nan linba kur ki waa barmɔnii wannu paake;

Hiibru teeb 13:17

Yii saak i yudamm mɔi ki sikin i mɔŋ ki turib, kimaan bi baka be i benu ni, kimaan bi tan sa wann Yennu bi toona nba ki bi din tuun. Ŋaant ki bin tan wannɔ nan parpeenn, ŋaan tan daa wantɔ nan parbiiri. Nna tan kii mɔk nyɔɔt ki turiini.

1 Piita 2:17

Yii teen sɔɔ kur nibaakir, kii loon Masiaweira, ŋaan tin Yennu, kii teen yent kur daanɔ nibaakir.