Juud 1:6 - Yennu Gbounpaauŋ Mɔɔr

⁶ Nnee biak ki malakanba nba din ki dia yaak nba ki Yennu din turib na nan li sɔnu na, ki bia din ki biar be bi binbeboor sanpaapo, ki Yennu baamm bant ki lub sarik bootsunsuŋ nba bɔn ni, ki guu dagbeŋŋir nba ki u sa bu bi buut na.

Yennu Gbouŋ Mɔɔr

⁶ Nnae biak, malakanba nba din ki dia yaak nba ki Yennu turib na nan li sɔnu na, ki bia din ki biar be bi binbeboa sanpaapo na, ki Yennu baamm bant ki lub sarik bootsunsuŋ nba bɔn ni, ki guu dagbeŋir nba ki u saa bu bi buut na.

Juud 1:6 ပူးပေါင်းရင်းမြစ်များ

Matiu 10:15

Barmɔniie ki n beeri na, daar nba ki Yennu tan sa bu niib buut na, doo maŋ niib tubdatu tan sa gar Sodom teeb nan Gomora teeb yara.

Matiu 25:41

“Li poorpo, n tan sa jiant ki bet binba see n nuugaŋ po na a ‘Yimm nibiit nba ŋan nan tubdatu na, seetir nna man. I saa man ki saa kɔɔ muu nba di ki kaa kpeenu nba ki Yennu din ŋamm ki guun Sintaanii nan u niib na ni,

Matiu 8:29

Ki bi din yikin sanpaapowa ki yeen a “Fin Yennu Bija, timm nan fin, nlee mantiki? A baar nna a a tan dinnit fara-aa? ŋaan ki li yoo na daa ki baari.”

Jɔɔnn 8:44

I tee i baa Sintaanii waase, ki loon ki i tuun i baa maŋ yanbɔɔtoona. Sinsinn u poŋ din tee nikpiiruko, ki bia fɔk nan barmɔnii, kimaan barmɔnii kaa u ni nan waama. U-i faar faak yoonba, li poŋ tee u toonkpere, kimaan wa tee faak daanɔ na. Fai kur nyi u boore.

Rom Teeb 2:5

Ŋaan a par wakii ki a lek ki sak nan fan nyik toonbiit tumu na, li paak, a pukii a mɔŋ fara nba ki a tan sa la daar nba ki Yennu tan sa bu niib buut nan barmɔnii, ki u wutoor na tan sa nyi paanu;

Efesus teeb 6:12

Kimaan ti ki kɔn nan wunba mɔk gbanant nan sɔn kaa, ŋaan ti kɔn nan narinbiite nan bi yikodamm, nan mɔtana dunia bunbɔnn ni yudamm, nan sanpagbann ni narinbiit.

Hiibru teeb 10:27

Linba ji biar tee buut bunu nba mɔk jaŋmaaniie, nan muchiauŋ nba baat ki tan sa biir binba yêt Yennu na.

2 Piita 2:4

Malakanba nba din tun toonbiit na, Yennu din ki nyik bi tubdatu. U din jii jɔrite ki lorib ŋaan jiib lu muu nba kan mi kpeen na ni; muu maŋ be bootuk nba sumii bonchiann nie, ki bia bɔn bonchiann; bi sii be nni mɔkmɔk nan daar nba ki u tan sa bu bi buut.

2 Piita 2:9

Ti Yomdaanɔ Yennu mi biaŋinba ki u sa fat niib nba tiinɔ, ki nyinnib muksuk ni, ŋaan dat biitdamm tuba mɔkmɔk nan daar nba ki u tan sa bu bi buut na.

Juud 1:13

Bi tee kaman nan mɔkgbeŋŋir nyunpana nba fi ki pukir nan jakint nee. Bi bia tee kaman nan ŋmaabira nba tuu ŋabir ki lin nee; ki bunbɔnchiauŋ nba kaa gbennu be ki guub.

Fiitu 20:10

Ki malakanba jii Sintaanii nba kpann tingbouŋ na niib na, ki lu-u bootsunsuŋ nba gbee nan muu ki sarwuutaa di nann na ni, siaminba ki bi dɔŋ lu bonkobuk na nan u faak sɔkinii na. Leŋe ki bi sa di fara yennu nan nyiɔk mɔkmɔk nan yoo nba kaa gbennu.

Fiitu 20:2

ki soor waakperbiiuk nba din tuu be nawa, ki tuu tee Sanbiirtɔɔ amii Sintaanii na, ki lorɔ,